Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Bjarni var í þjálfarahlutverkinu í dag

7. febrúar 2013 - Akureyri handboltafélag skrifar

Jafntefli niðurstaðan hjá Val og Akureyri

Líkt og stundum áður í vetur var lið Akureyrar hálf vængbrotið enda meiðslalistinn langur. Hvorki Bjarni Fritzson né Hörður Fannar voru með í kvöld. Valsmenn byrjuðu leikinn betur og náðu fljótlega tveggja marka forystu 4 -2 og 5 – 3. Akureyrarliðið var þó ekki á þeim buxnum að gefast upp og með fínum leikkafla náðu þeir að jafna í 5 -5 og komast yfir í stöðunni 7 – 8.


Hreinn og Guðmundur búnir að stöðva serbnesku skyttu Valsmanna. Mynd: Daníel/visir.is

Liðið leit flott út á þessum kafla og forystan varð mest þrjú mörk 9-12 og 10 – 13 en Valur skoraði síðasta mark fyrri hálfleiks og munurinn því tvö mörk, 11 – 13 Akureyri í vil.


Andri Snær skorar eitt af þrem mörkum sínum. Mynd: Daníel/visir.is

Byrjun seinni hálfleiks var á sömu nótum og fljótlega var forysta Akureyrar orðin fimm mörk, 12 -17 og virtist Akureyri hafa leikinn í hendi sér. Valsmenn gáfust ekki upp og náðu að vinna sig inn í leikinn á ný og jöfnuðu í 20 – 20 þegar tíu mínútur voru eftir.

Í kjölfarið náði Valur meira að segja forystunni í 21 – 20 og aftur 22 – 21. Í þeirri stöðu varði Jovan Kukobat vítakast og Akureyri komst yfir á nýjan leik 22 – 23 og 23 – 24 en Valdimar Þórsson náði að skora ótrúlegt jöfnunarmark þegar sjö sekúndur voru til leiksloka og þar við sat, jafntefli 24 – 24.

Leikmenn Akureyrar börðust vel í leiknum og var synd að missa leikinn í jafntefli. Bergvin Þór Gíslason var frábær í leiknum, skoraði 10 mörk í öllum regnbogans litum.


Bergvin átti stórleik og skoraði 10 mörk. Mynd: Daníel/visir.is

Varnarleikurinn var lengst af mjög góður og Jovan Kukobat góður í markinu.

Mörk Akureyrar: Bergvin Þór Gíslason 10, Guðmundur Hólmar Helgason 4, Andri Snær Stefánsson 3, Geir Guðmundsson 3, Heimir Örn Árnason 3 (1 úr víti) og Garðar Már Jónsson 1 mark.
Í markinu varði Jovan Kukobat 15 skot, þar af 2 vítaköst.

Mörk Vals: Finnur Ingi Stefánsson 7, Nikola Dokic 7 (2 úr vítum), Orri Freyr Gíslason 3, Valdimar Fannar Þórsson 3, Þorgrímur Smári Ólafsson 2, Vignir Stefánsson 1 og Magnús Einarsson 1
Hlynur Morthens varði 9 skot og Lárus Helgi Ólafsson 8 (þar af 1 víti).
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson