Hvað sögðu menn eftir Bikarsigurinn á FH?


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Geir og Stebbi gátu fagnað vel eftir leik		14. febrúar 2013 - Akureyri handboltafélag skrifar Hvað sögðu menn eftir Bikarsigurinn á FH? Morgunblaðið og Vísir tóku menn að sjálfsögðu í viðtöl eftir hinn frábæra sigur Akureyrar á FH sem tryggði liðinu sæti í Undanúrslitum Símabikarsins. Byrjum á viðtölum Einars Sigtryggssonar fyrir Morgunblaðið: Stefán: Er stuðningsmaður númer tvö Stefán Guðnason, markvörður Akureyrar, kom lítið við sögu í bikarsigri Akureyrar gegn FH í kvöld en hann var þó sendur inná í restina til að verja víti sem hann gerði og slökkti þar með endanlega vonir FH-inga. En hvernig var að horfa á þennan leik? „Það var rosalega gaman og strákarnir voru frábærir. Þetta er örugglega miklu skemmtilegra en eitthvað boltaspark í sjónvarpinu. Nú sýndum við hvað við virkilega getum og svona viljum við spila. Mér finnst þetta vera að koma hjá okkur. Geir og Guðmundur sýndu flotta takta í kvöld en það vill gleymast að þeir eru bara 19 og 20 ára gamlir. “„Mér finnst þeir alltaf vera að bæta leikskilning sinn og þeir eiga bara eftir að vera betri. Ég er stuðningsmaður númer tvö á bekknum og er vanur mikilli setu. Jón Heiðar Sigurðsson er stuðningsmaður númer eitt og hann sér um að stjórna skiptingunum og hann vildi fá mig inná. Það er svo bara mitt hlutverk að koma inn og verja nokkra bolta. Í dag tókst það og ég er voðalega glaður,“ sagði Stefán við mbl.is En hvernig líst honum á fyrirkomulagið um úrslitahelgi í Laugardalshöll. „Mér líst bara vel á það. Þetta er tilraun og menn geta bara snúið til baka með þetta fyrirkomulag ef það gengur ekki. Hugsanlega mætti hafa leikina á fimmtudegi og laugardegi en við bara sjáum hvernig þetta á eftir að virka. Ég hef ekki einu sinni áhyggjur af því að spila tvo leiki á þremur dögum, ef við færum í úrslit. Ég hef ekki einu sinni áhyggjur af Heimi Erni. Hann er búinn að skafa sig svo mikið niður að myndi líklega getað spilað þessa leiki. Að vísu er hann örugglega inni í klefa núna með súrefnisgrímu“ sagði Stefán að lokum, léttur að vanda. Ásbjörn: Misstum þá of langt frá okkur Ásbjörn Friðriksson hefur komið eins og stormsveipur inn í lið FH og er þegar orðinn fyrirliði liðsins og leiðtogi. Hann er uppalinn Akureyringur og spilaði með liði KA og síðan með Akureyri á sokkabandsárum félagsins. Hann var að vonum dauðsvekktur yfir að vera fallinn úr leik í Símabikarnum. „Þetta fór allt í baklás hjá okkur í byrjun seinni hálfleiks og við gerðum allt of mörg klaufamistök, bæði í sókn og vörn. Við vorum mikið að tapa mönnunum okkar og þeir skoruðu allt of auðveld mörk. Í ofanálag misstum við taktinn í sókninni og þeir náðu sex marka forskoti. Það var erfitt að elta þá en við gáfumst aldrei upp. Þeir náðu svo alltaf marki þegar á þurfti að halda en það var ekki fyrr en í lokin að við sáum að bilið yrði ekki brúað.“ „Við fengum smá von þegar þeir misstu tvo menn af velli og við náðum að minnka bilið í þrjú mörk. Því miður þá gerðum við mistök strax í kjölfarið og Geir slapp í gegn og kláraði leikinn. Þá var þetta bara búið, því miður en þessi einstaklingsmistök í leiknum kostuðu allt of mikið. Við vorum búnir að sigra níu leiki í röð í öllum keppnum og vonandi verður langt í næsta tapleik, Nú þarf bara að gíra sig upp í næsta deildarleik“ sagði Ásbjörn Friðriksson daufur í dálkinn. Birgir H. Stefánsson tók viðtöl fyrir Vísi.is Einar Andri Einarsson: Upphaf seinni hálfleiks gerði útslagið „Við spiluðum alveg ágætis fyrri hálfleik," sagði Einar Andri Einarsson þjálfari FH strax eftir leik. „Fyrstu tíu eða ellefu mínúturnar í seinni hálfleik er það sem gerir útslagið fyrir okkur, lendum sex mörkum undir. Annars var leikurinn í ágætis jafnvægi." Einar kaus að skipta markmanninum Daníel Frey útaf í seinni hálfleik rétt eftir að hann varði tvisvar í röð „Já við þurftum bara að gera breytingar, leikurinn okkar var í molum. Breytingarnar skiluðu árangri að því leiti að ná að koma okkur inn í leikinn. Fengum tvisvar séns á því að koma þessu niður í tvö mörk og þá hefði þetta hugsanlega orðið ennþá jafnara en Akureyringar voru betri en við í dag og vildu þetta meira." Geir Guðmundsson: Getum unnið alla „Þetta er bara gjörsamlega frábært" sagði Geir Guðmundsson brosmildur eftir leik. „Við erum að uppskera það við höfum verið að setja niður og æfa gríðarlega vel. Undirbúningurinn hjá Bjarna var alveg hrikalega góður fyrir leikinn og við vissum alveg nákvæmlega hvað við ætluðum að gera. Við bara framkvæmdum það sem við plönuðum og þetta er útkoman." Er þetta sérstaklega sætt í ljósi þess að það vantar mjög sterka leikmenn í þetta lið í augnablikinu? „Já og sérstaklega útaf þessu „hæpi" í kringum FH talandi um að þetta sé heitasta lið landsins og við vængbrotnir og það vanti lykilmenn í þetta lið okkar en við komum bara inn hrikalega sterkir með okkar hóp og vinnum leikinn. Við værum betur settir með Hödda, Odd og alla þessa kalla en ég er bara hrikalega ánægður með hópinn sem við erum með núna. Þetta er bara flottur hópur og við erum bara að sýna það hérna í dag að við getum unnið alla í þessari deild." Bjarni Fritzson: Mættu bara eins og alvöru töffarar „Ótrúlega stoltur af strákunum" sagði Bjarni Fritzson annar þjálfari Akureyrar eftir leik. „Við lögðum mikið í undirbúning fyrir leikinn og áttum frábærar æfingar. Strákarnir voru þvílíkt einbeittir og búið að líða vel komandi inn í leikinn og svo mættu þeir bara eins og alvöru töffarar með sigurviljann í botni. Við kláruðum þetta bara eins og sannir leikmenn Akureyrar." Hvað var það sem skilaði Akureyri sigri í þessum leik og þá sérstaklega í seinni hálfleiknum? „Við erum að spila frábæra vörn allan leikinn. Hún hélt bara áfram og bætti jafnvel í svo í seinni hálfleik. Við í raun héldum okkar striki á meðan þeir fóru að gera mistök, þetta kom bara svona hægt og rólega." Geir Guðmundsson talaði um það eftir leik að það hefði kveikt aðeins í mönnum þetta umtal um að FH væri heitasta lið landsins. „Þeir eru augljóslega með frábært lið. Góða þjálfara og marga góða leikmenn í hverri stöðu en við erum bara líka með góða leikmenn. Við höfum verið að bæta okkur með hverjum leiknum eftir áramót. Áttum fínan leik á móti Haukum, betri leik á móti Val og svo enn betri hér í dag. Liðið er bara að koma tilbúið til leiks og við vorum alveg klárir á því að við gætum unnið en við vorum að spila á móti besta liðinu um þessar mundir. Það sýnir okkur bara hvað við getum gert ef við gerum þetta allt rétt." Þitt gamla lið afgreiddi Hauka nokkuð sannfærandi í kvöld, eru þeir óska mótherjar í úrslitum eða skiptir það hugsanlega minna máli útaf þessu „final four" fyrirkomulagi? „Ég bara hef aldrei upplifað svona fyrirkomulag áður, þetta eru bara tveir úrslitaleikir eins og þessi hér var úrslitaleikur. Ég er bara ánægður fyrir hönd strákana og félagsins að þeir komust líka í höllina. Þetta er auðvitað gott fyrir klúbbinn líka fjárhagslega og bara æðislegt að þeir ná að spyrna sér frá draslinu sem þeir lentu í. Hvort að við mætum þeim næst eða bara yfir höfuð skiptir í raun engu máli, það þýðir ekkert að pæla í þessu. Tökum bara því sem kemur og gerum okkar besta."
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson

Hvað sögðu menn eftir Bikarsigurinn á FH?

Stefán: Er stuðningsmaður númer tvö

Ásbjörn: Misstum þá of langt frá okkur

Einar Andri Einarsson: Upphaf seinni hálfleiks gerði útslagið

Geir Guðmundsson: Getum unnið alla

Bjarni Fritzson: Mættu bara eins og alvöru töffarar