Warning: Undefined variable $udleiks in /web/akhandadmin/public_html/index.php on line 16
2. flokkur: Þrjú stig gegn Haukum um helgina - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan




    Fréttir                       Þú flettir milli frétta með örvalyklunum eða smellir á bláu örvarnar! 

Arnór meiddist og missti af meistaraflokksleiknum seinna um daginn

10. desember 2013 - Akureyri handboltafélag skrifar

2. flokkur: Þrjú stig gegn Haukum um helgina

Strákarnir í 2. flokki áttu tvo heimaleiki um helgina, báða gegn Haukum úr Hafnarfirði. Fyrri leikurinn var spilaður klukkan 14:00 á laugardaginn og unnu strákarnir þar flottan sigur. Staðan í hálfleik var 15-11 fyrir heimamenn sem síðan bættu hressilega við í seinni hálfleiknum og endaði leikurinn með níu marka sigri, 33-24.

Einfaldlega flottur leikur hjá strákunum, markaskorunin dreifðist sem hér segir: Brynjar Grétarsson 7, Arnór Þorsteinsson 6, Kristján Sigurbjörnsson 6,Garðar Jónsson 4, Arnþór Finnsson 2, Daníel Matthíasson 2, Friðrik Svavarsson 2, Patrekur Stefánsson 2, Birkir Guðlaugsson 1, Ingvar Heiðmann 1.

Liðin mættust aftur klukkan 10:30 á sunnudagsmorguninn og þá voru það Haukarnir sem mættu vel stemdir og ætluðu greinilega að bæta fyrir tapið frá deginum áður. Akureyrarliðið virtist mæta hálf dofið til leiks og Haukarnir náðu strax fjögurra marka forskoti 2-6. Útlitið var ekki bjart, Arnór Þorsteinsson meiddist á hné í upphafi leiksins og kom ekki meira við sögu. Haukarnir höfðu örugga forystu lengst af hálfleiksins en með flottum kafla undir lokin náði Akureyri að minnka forskotið niður í eitt mark fyrir hálfleik, staðan 13-14 í hálfleik.

Akureyri jafnaði leikinn með fyrsta marki seinni hálfleiks og komst í kjölfarið tveim mörkum yfir. Björninn var þó ekki unninn og Haukar náðu nokkru forskoti á nýjan leik. Akureyrarstrákarnir gáfust samt ekki upp og með mögnuðum lokaspretti náðu þeir að jafna leikinn fimm sekúndum fyrir leikslok, lokastaða 28-28.
Mörk Akureyrar: Brynjar Grétarsson 10, Patrekur Stefánsson 4, Arnór Þorsteinsson 3, Garðar Jónsson 3, Birkir Guðlaugsson 2, Daníel Matthíasson 2, Friðrik Svavarsson 2, Róbert Sigurðsson 2.

2. flokkur Akureyrar á samkvæmt leikjaskipulagi að spila þrjá leiki til viðbótar fyrir jól, alla hér heima. Laugardaginn 14. desember er settur á heimaleikur gegn Fram og á hann að hefjast klukkan 16:00. Reyndar herma nýjustu fréttir að sá leikdagur gæti hugsanlega breyst eitthvað.

Þar á eftir eru á dagskrá tveir leikir gegn Stjörnunni. Bikarleikur miðvikudaginn 18. desember klukkan 18:30 og síðan mætast sömu lið í deildinni fimmtudaginn 19. desember klukkan 17:30. Allir leikirnir verða í Íþróttahöllinni.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson