Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Menn fögnuðu innilega enda vannst gríðarlega mikilvægur sigur



11. febrúar 2016 - Akureyri handboltafélag skrifar

Akureyri knúði fram stigin mikilvægu

Akureyri og ÍR mættust í kvöld í 20. umferð Olís deildar karla. Fyrir leikinn munaði 5 stigum á liðunum og gátu Breiðhyltingar með sigri dregið okkar lið niður í fallbaráttuna. Úr varð hörkuleikur þar sem hart var barist allt til enda.

Gestirnir byrjuðu betur og skoruðu fyrstu tvö mörk leiksins. Ekki leið þó á löngu uns heimamenn komust á blað og upp frá því var jafnt á nánast öllum tölum í fyrri hálfleik. Þegar flautað var til hlés var staðan jöfn 9-9 og ljóst að sama spenna yrði við völd í síðari hálfleiknum.

Sóknarleikur liðanna var ekki upp á marga fiska og var greinilegt að hvorugt liðið vildi tapa þessum leik. Svavar Már fór mikinn í marki gestanna í hálfleiknum en hann varði 10 skot sem gerir rúmlega 50% vörslu. Tomas Olason stóð í marki Akureyrar og varði 4 skot.

Góð byrjun okkar manna í síðari hálfleiknum kom liðinu í góða stöðu en þegar um kortér lifði leiks var staðan 18-15 fyrir Akureyri og útlitið gott. Þessi munur hélst næstu mínútur og stefndi í nokkuð þægilegar lokamínútur.

En þá fengu Ingimundur og Róbert brottvísun með stuttu millibili sem Breiðhyltingar nýttu sér vel og jöfnuðu í 20-20 og áhorfendur á nálum. Liðin skiptust svo á að skora og spennan í algleymingi.

Þegar lokamínútan rann upp leiddi Akureyri 22-21 og var með boltann í höndunum. Ekki tókst að nýta þá sókn og gestirnir tóku leikhlé þegar enn voru 14 sekúndur til leiksloka. Á endanum fengu þeir fínt hornafæri en Tomas Olason varði sitt 13 skot í leiknum og tryggði þar með stigin mikilvægu.

Ekki endilega besti leikur Akureyrarliðsins í vetur en gríðarlega mikilvæg stig í hús og nú hefur liðið skilið ÍR-inga vel fyrir aftan sig þegar 7 leikir eru eftir af deildinni og hefur þar að auki betur í innbyrðisviðureignum liðanna. Reyndar breyttist ekkert í baráttunni fyrir miðri deild þar sem öll liðin unnu og eru því áfram tvö stig í 4. sætið mikilvæga og raunar einnig í 3. sætið.

Næsti leikur er þó álíka mikilvægur en það er útileikur gegn FH en Hafnfirðingar eru sæti ofar en ÍR og vilja sömuleiðis skilja sig frá fallsætinu og koma sér í miðbaráttuna. Það verður því hart barist í Kaplakrikanum á föstudaginn næsta, sjáumst þar!
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson