Grótta fór heim með öll stigin


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Stropus dró vagninn í markaskoruninni til að byrja með		16. september 2016 - Akureyri handboltafélag skrifar Grótta fór heim með öll stigin Leikurinn fór rólega af stað nema hvað að Elvar Friðriksson var í ham hjá Gróttumönnum en hann skoraði þrjú af fyrstu mörkum Gróttu sem komust í 1-4. Karolis Stropus fór fyrir markaskorun Akureyrar og jafnaði í 5-5 með sínu þriðja marki. Í kjölfarið náði Akureyri tveggja marka forskoti 7-5 og hélst hún upp í 9-7 en Grótta átti þrjú síðustu mörk fyrri hálfleiks og leiddi því 9-10 í hálfleik. Allt var í járnum í upphafi seinni hálfleiks, liðinu skiptust á forystunni upp í 13-13 en þá kom mjög slakur kafli hjá Akureyri og Grótta skoraði sex mörk í röð, staðan orðin ískyggileg, 13-19 og einungis rúmar sjö mínútur til leiksloka. Þá hrökk Mindaugas Dumcius í gang en hann hafði ekki náð að skora fram að því. Grótta hélt þó sínu striki og þegar þrjár mínútur voru eftir var forysta þeirra ennþá sex mörk, 15-21. Sigþór Árni Heimisson í árás á Gróttumenn Þessar lokamínútur voru eign heimamanna sem börðust frábærlega og náðu að skora fimm mörk án þess að Grótta næði að svara, en því miður þá var tíminn á þrotum og Gróttumenn fögnuðu eins marks sigri, 20-21. Í heildina var varnarleikur Akureyrar býsna góður en sóknarleikurinn verulega kaflaskiptur og því fór sem fór. Mörk Akureyrar: Karolis Stropus 4, Mindaugas Dumcius 4, Andri Snær Stefánsson 3 (2 úr vítum), Friðrik Svavarsson 3, Brynjar Hólm Grétarsson 2, Sigþór Heimisson 2, Kristján Orri Jóhannsson 1 (úr víti) og Róbert Sigurðarson 1. Tomas Olason stóð í markinu allan tímann og varði 11 skot, þar af 1 vítakast. Mörk Gróttu: Júlíus Þórir Stefánsson 4, Finnur Ingi Stefánsson 4(3 úr vítum), Elvar Friðriksson 4, Nökkvi Dan Elliðason 4, Þráinn Orri Jónsson 2, Árni Benedikt Árnason 1, Leonharð Harðarson 1 og Vilhjálmur Geir Hauksson 1. Lárus Helgi Ólafsson varði 19 skot í marki Gróttu, þar af 2 vítaköst. Karolis Stropus var varlinn besti leikmaður Akureyrarliðsins en Lárus Helgi Ólafsson leikmaður Gróttuliðsins og fengu báðir matarkörfu frá Norðlenska að launum. Menn leiksins með viðurkenningar sínar Akureyri Handboltafélag hefur tekið upp þá nýbreytni að sýna beint frá heimaleikjum sínum og var leikurinn frumraun Akureyri-TV hvað þetta varðar. Leikurinn er síðan aðgengilegur á Youtube.com. Smelltu hér til að horfa á útsendinguna frá leiknum. Það er stutt í næsta leik í Olís deildinni því á sunnudaginn heldur Akureyrarliðið til Vestmannaeyja og leikur við heimamenn klukkan 15:00. Við vonumst að sjálfsögðu til að Eyjamenn sýni leikinn í beinni og munum ef af verður vísa á útsendinguna. 1. Deild karla á laugardaginn Í millitíðinni er heimaleikur Ungmennaliðs Akureyrar á laugardaginn þegar liðið tekur á móti Ungmennaliði Vals. Sá leikur verður í Íþróttahöllinni klukkan 14:00 á laugardaginn. Við hvetjum alla til að kíkja á leikinn það er frítt inn.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson