
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Warning: Undefined array key -1 in /web/akhandadmin/public_html/leikjaefnishaus.php on line 26

Warning: Trying to access array offset on value of type null in /web/akhandadmin/public_html/leikjaefnishaus.php on line 26

Warning: Undefined array key -1 in /web/akhandadmin/public_html/leikjaefnishaus.php on line 40

Warning: Trying to access array offset on value of type null in /web/akhandadmin/public_html/leikjaefnishaus.php on line 40

Warning: Undefined array key -1 in /web/akhandadmin/public_html/leikjaefnishaus.php on line 40

Warning: Trying to access array offset on value of type null in /web/akhandadmin/public_html/leikjaefnishaus.php on line 40

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 43

Warning: Trying to access array offset on value of type null in /web/akhandadmin/public_html/leikjaefnishaus.php on line 43

Warning: Undefined array key -1 in /web/akhandadmin/public_html/leikjaefnishaus.php on line 44

Warning: Trying to access array offset on value of type null in /web/akhandadmin/public_html/leikjaefnishaus.php on line 44

Warning: Undefined array key -1 in /web/akhandadmin/public_html/leikjaefnishaus.php on line 45

Warning: Trying to access array offset on value of type null in /web/akhandadmin/public_html/leikjaefnishaus.php on line 45

Warning: Undefined array key -1 in /web/akhandadmin/public_html/leikjaefnishaus.php on line 45

Warning: Trying to access array offset on value of type null in /web/akhandadmin/public_html/leikjaefnishaus.php on line 45

Warning: Undefined array key -1 in /web/akhandadmin/public_html/leikjaefnishaus.php on line 46

Warning: Trying to access array offset on value of type null in /web/akhandadmin/public_html/leikjaefnishaus.php on line 46

		- ()


		klukkan:
		Dómarar:

Umfjöllun

Sveinbjörn lagði grunninn að stórsigri Akureyrar í dag

20. nóvember 2010 - Akureyri handboltafélag skrifar

Frábær stórsigur Akureyrar á FH

Lið Akureyrar Handboltafélags sýndi það og sannaði að það er engin tilviljun að liðið er ósigrað á toppi N1 deildarinnar. Það var vissulega spenna í lofti því vitað var að þetta var einn af úrslitaleikjum mótsins. FH ingar tefldu fram nýjum leikmanni í fyrsta sinn en það var enginn annar en Akureyringurinn góðkunni Baldvin Þorsteinsson, sem nýverið gekk í raðir FH inga frá Val.

Bjarni Fritzson gaf tóninn með fyrsta marki leiksins en FH jafnaði í 1-1 og áfram var jafnt á fyrstu tölum. FH náði tveggja marka forskoti 6-4 og mest þriggja marka forskoti. Í stöðunni 10-7 fyrir FH snerist dæmið heldur betur við. Akureyri jafnaði í 11-11 og síðan með fjórum mörkum í röð náði Akureyri forystu 12-15 en FH minnkaði muninn í 13-15 áður en blásið var til leikhlés.

Sveinbjörn Pétursson stóð heldur betur fyrir sínu í hálfleiknum, var komin með 13 skot varin og var t.d. með stórskyttu FH inga, Ólaf Guðmundsson gjörsamlega í vasanum. Varnarleikur Akureyrar var hreint út sagt frábær. Sóknin gekk fínt líka, eina sem gerði það að verkum að forystan var ekki meiri í hálfleik var að liðið tapaði boltanum nokkrum sinnum í sókninni. Bjarni Fritzson skoraði sex mörk í fyrri hálfleiknum, öryggið uppmálað í vítunum en hann skoraði úr þremur slíkum.

Akureyri byrjaði seinni hálfleikinn með tveim flottum mörkum frá Heimi og Guðmundi Hólmari og ljóst að liðið ætlaði ekkert að hleypa FH ingum nálægt sér. Um miðjan seinni hálfleikinn var munurinn orðinn fimm mörk, 19-24 þegar liðið setti í fluggírinn. Geir Guðmundsson skoraði þrjú mörk í röð og næstu fjögur mörk leiksins voru sömuleiðis að norðan og skyndilega orðinn tólf marka munur, 19-31 fyrir Akureyri.

Þessi kafli var hreint út sagt ævintýralegur í alla staði og augljóslega aðeins eitt lið á vellinum. Eftir þessa rispu slökuðu menn lítillega af og FH klóraði í bakkann með fjórum mörkum í röð áður en Oddur slökkti á þeim með tveim síðustu mörkum Akureyrar. Sanngjarn stórsigur í höfn 25-33 og Akureyri einfaldlega klassa betra á öllum sviðum handknattleiksins.

Hafi fyrri hálfleikur verið góður þá var sá seinni algjörlega frábær. Sveinbjörn hélt áfram stórbrotinni markvörslu, varði fimmtán skot í hálfleiknum og bæði vörn og sókn hreint út sagt í heimsklassa. Áður er minnst á frábæra rispu hjá Geir en Guðmundur Hólmar sýndi sömuleiðis hvað í honum býr. Heimir Örn Árnason stjórnaði sóknarleiknum af stakri snilld og vörnin var samstillt sem einn maður. Þetta var klárlega langbesti leikur liðsins á tímabilinu og jafnvel í sögu félagsins.

Mörk Akureyrar: Bjarni Fritzson 9 (4 úr vítum), Geir Guðmundusson 6, Guðmundur Hólmar Helgason 6, Oddur Gretarsson 6, Heimir Örn Árnason 5 og Guðlaugur Arnarsson 1 mark.

Sveinbjörn Pétursson varði 28 skot og var klárlega maður leiksins að öllum öðrum ólöstuðum.

Mörk FH: Ólafur Gústafsson 7, Ólafur Guðmundsson 6, Ásbjörn Friðriksson 4 (2 úr vítum), Atli Rúnar Steinþórsson 3, Logi Geirsson 2, Benedikt Reynir Kristinsson 1, Halldór Guðjónsson 1, Hermann Björnsson 1.
Markverðir FH þeir Pálmar Pétursson og Daníel Freyr Andrésson vörðu samtals 10 skot í leiknum.

Staðan að loknum fyrsta þriðjungi deildarinnar

Nr.	Félag	Leikir	U	J	T	Mörk	Hlutfall	Stig		-
1.	Akureyri	7	7	0	0	216 : 173	43	14	:	0
2.	HK	7	6	0	1	242 : 232	10	12	:	2
3.	Fram	7	5	0	2	236 : 203	33	10	:	4
4.	FH	7	4	0	3	214 : 201	13	8	:	6
5.	Haukar	7	3	0	4	183 : 193	-10	6	:	8
6.	Afturelding	7	1	0	6	179 : 202	-23	2	:	12
7.	Selfoss	7	1	0	6	195 : 224	-29	2	:	12
8.	Valur	7	1	0	6	173 : 210	-37	2	:	12

Þeir sem misstu af leiknum eða vilja rifja hann upp á ný geta smellt hér til að sjá útsendinguna á vef RÚV.

Umfjöllun um leikinn og ljósmyndir eru komnar inn á sport.is


Tengdar fréttir
Atli Hilmarsson og Heimir hrósa sínum mönnum fyrir leikinn		21. nóvember 2010 - Akureyri handboltafélag skrifar Hvað sögðu menn eftir sigur Akureyrar á FH? Við höldum áfram að birta viðtöl við þjálfara og leikmenn. Eftir magnaðan sigur Akureyrar á FH á laugardaginn ræddi Ívar Benediktsson á Morgunblaðinu við þjálfara liðanna sem að vonum voru misglaðir í leikslok: Atli Hilmarsson: Spiluðum frábæran leik „Við spiluðum frábæran leik þar sem vörnin var framúrskarandi og markvarslan hjá Sveinbirni alveg frábær“ sagði sigri hrósandi þjálfari Akureyrar handboltafélags, Atli Hilmarsson, eftir afar öruggan sigur á FH, 32:25, í Kaplakrika í dag í N1-deild karla í handknattleik. „Ég tók ákveðna áhættu með því að spila á sama liðinu nær allan leikinn en ég veit að þeir eru allir í fantagóðu formi og við höfum gert þetta áður. Á sama tíma voru FH-ingar að freista þess að skipta og koma með ferska menn til leiks. Við vorum hinsvegar vel einbeittir frá fyrstu mínútu, alltaf klárir í slaginn. Sannarlega fengum við nokkur mörk á okkur í fyrri hálfleik með langskotum en í staðinn lokuðum við alveg fyrir línuspil FH-ingar. Heilt yfir voru við bara frábærir,“ sagði Atli eftir að hans menn höfðu hreinlega kjöldregið FH-inga og náði mest 12 marka mun á kafla í síðari hálfleik. „Við vorum einbeittir frá upphafi til enda leiks og létu það ekki raska ró okkar að lenda undir á kafla í fyrri hálfleik. Við héldum áfram að leika okkar sterku vörn og „keyra“ síðan hratt í bakið á FH-ingum allan leikinn, við gáfum þeim aldrei frið. Við gerðum bara mjög vel,“ sagði Atli. Sveinbjörn Pétursson markvörður Akureyrar fór á kostum fyrir aftan frábæra vörn. „Samvinna Sveinbjarnar og varnarinnar hefur verið frábær og reis hátt í þessum leik. Þessu til viðbótar má ekki gleyma Geir Guðmundssyni og Guðmundi Helgasyni. Þeir eru ekki nema 17 og 18 ára gamli en leika engu að síður eins og herforingjar í sókninni. Síðan stjórnar Heimir Örn Árnason sóknarleiknum eins og herforingi. Það er bara ekki hægt að biðja um meira,“ sagði Atli og hafði svo sannarlega ástæðu til að gleðjast í leikslok og setja upp sparibrosið. Akureyrarliðið hefur unnið sjö fyrstu leiki sína í deildinni auk þess að vinna tvö úrvalsdeildarlið í bikarkeppninni. „Við erum taplausir úr níu síðustu leikjum og erum auðvitað mjög sáttir við stöðuna,“ sagði Atli Hilmarsson, þjálfari Akureyrar. Kristján Arason og Atli Hilmarsson áður en liðin mættust á Opna Norðlenska í haust Kristján Arason: örvænting og vonleysi „Þetta var mjög svekkjandi úrslit og gífurlega vonbrigði að um leið og Akureyringar komast fjórum mörkum yfir þá skein örvænting og vonleysi úr andlitum minna manna,“ sagði Kristján Arason, þjálfari FH, eftir tapið fyrir Akureyri í N1-deild karla í handknattleik í Kaplakrika í dag. Kristján segir að heilt yfir hafi hans leikmenn alls ekki náð sér á strik og aðeins tveir leikmenn leikið nærri eigin getu, Atli Rúnar Steinþórsson og Ólafur Gústafsson. „Aðrir voru víðsfjarri því sem þeir geta. Menn voru ekki tilbúnir að gefa nógu mikið af sér fyrir liðið og veltu sér of mikið upp eigin vandamálum. Menn þeim hugsunarhætti þá vinnum við ekki Akureyri, það er alveg ljóst eins og kom á daginn. Auk þess að var allt of mikið um ótímabær skot í stað þess að spila lengur og vinna sig í færi. Síðan má ekki gleyma því að markvörður Akureyrar var frábær á sama tíma og við vorum í vandræðum með markvörsluna,“ sagði Kristján Arason, þjálfari FH, og bætti við. „Akureyringar leika frábæran handknattleik og eru fyrir vikið verðskuldað á toppi deildarinnar." Ívar Benediktsson ræddi sömuleiðis við markvörðinn Sveinbjörn Pétursson Sveinbjörn Pétursson: Dásamlegt að standa á bak við svona vörn „Við afsönnuðum skoðanir manna á okkur að við séum bara varnarlið, séum hægir í sókninni og bara með nokkra hæga jálka. Við skoruðum yfir 30 mörk gegn FH á þeirra heimavelli og héldum þeim undir 20 mörkum í 50 mínútur. Vörnin var frábær og það er hreint dásamlegt að standa í marki fyrir aftan svona vörn,“ sagði Sveinbjörn Pétursson, markvörður Akureyrar, eftir að Akureyringar kjöldrógu FH-inga á þeirra eigin heimavelli í N1-deildinni í handknattleik á laugardaginn. Lokatölur 33:25, en mestur varð munurinn 12 mörk, 31:19. „Ég vona bara að menn þekki nafnið á liðinu okkar framvegis. Við heitum Akureyri, ekki KA eða Þór eða eitthvað annað,“ sagði Sveinbjörn ákveðinn. „Ég bjó mig af kostgæfni undir þennan leik eins og aðra með því að „stúdera“ andstæðinginn. Síðan þegar út í leikinn er komið er ekki hægt annað en að standa sig þegar maður hefur svona frábæra vörn fyrir framan sig,“ segir Sveinbjörn Pétursson, markvörður Akureyrar. Kristinn Páll Teitsson, blaðamaður á visir.is ræddi sömuleiðis við Atla Hilmarsson Atli: Markvarslan skapaði sigurinn „Þetta var alveg frábær leikur. Seinni hálfleikurinn var frábær með þessari markvörslu og vörn sem og að við vorum að klára hraðaupphlaupin vel. Við vorum ekki að fá boltann og stoppa heldur fórum við fljótir upp og kláruðum sóknirnar,“ sagði Atli Hilmarsson þjálfari Akureyrar eftir 33-25 sigur á FH í Kaplakrika í dag. „Við lentum undir í fyrri hálfleik en ég vissi að þetta myndi koma. Við höfum lent í þessu áður og ég veit að þetta kemur þannig ég var ekkert að stressa mig.“ Það er fyrst og fremst markvarslan og vörnin sem skapaði þetta þótt allir mínir leikmenn hafi spilað vel. Geir og Guðmundur spiluðu frábærlega þrátt fyrir að vera báðir 17 og 18 ára gamlir, Heimir er líka að stjórna þessu frábærlega á miðjunni,“ sagði Atli. Akureyringar eru með fullt hús á toppnum ásamt því að vera komnir í 8-liða úrslit Eimskip bikarsins. „Við erum með báða fæturna á jörðinni sem er kannski annað en aðrir halda. Við horfum bara á næsta leik og það fleytir okkur áfram. Við höfum núna spilað nokkra leiki í deild og tvo leiki í bikar taplausir og ég vill bara að þetta haldi áfram.“ Akureyringar eru mjög heppnir með stuðning á pöllunum þrátt fyrir að vera langt frá heimahögum. Margir Akureyringar búsettir í Reykjavík mættu og sýndu stuðning sinn í verki á leiknum í dag. „Við erum oft að fá fullt af fólki sem styður okkur. Núna eigum við heimaleik gegn HK og ég vona að það verði troðfullt. Það er um að gera að gera heimavöllinn að gryfju,“ sagði Atli að lokum. Kristinn Páll ræddi einnig við tvo leikmenn FH, þá Ólaf Guðmundsson og Loga Geirsson eftir leikinn: Ólafur Guðmundsson: Þeir rúlluðu bara yfir dautt lið „Fyrri hálfleikurinn var góður en svo kom kafli í seinni hálfleik sem við vorum að gera allt annað en við ætluðum okkur“ sagði Ólafur A. Guðmundsson leikmaður FH eftir 25-33 tap gegn Akureyri í dag. „Við vorum að spila ágætis handbolta í fyrri hálfleik en það vantaði smá upp á markvörslu og varnarleikinn sem hefði gefið okkur fleiri hraðaupphlaup. Það verður svo algjört hrun í seinni hálfleik þar sem hver og einn fór inn í sig og við hættum að spila saman. Þeir rúlluðu bara yfir dautt lið,“ sagði Ólafur harðorður. Akureyringar eru á góðu skriði en FH hafa átt erfitt í byrjun tímabils þrátt fyrir að hafa verið spáð titlinum. „Þetta var toppslagur og við þurfum að vinna þessa leiki til að vera í toppbaráttunni. Það eru þó þrjár umferðir eftir þannig það er nóg eftir. Það eru ákveðin vonbrigði að hafa tapað 3 leikjum enda ætlum við aldrei að tapa ég hef trú á að þetta komi í næstu umferð. Það er hellingur af hæfileikum í þessu liði sem þarf að slípa saman og það er undir okkur komið. Þetta gerist ekki af sjálfu sér,“ sagði Ólafur. Logi Geirsson: Við vorum í bakkgírnum í seinni hálfleik „Þetta var frekar dapurt í dag og ég bjóst ekki við svona leik ef ég á að segja alveg eins og er. Það spilaðist allt með þeim. Við höfum verið að fá mörg mörk á okkur og í dag fór það þannig. Það var erfitt að verjast þeim og á móti fór allt inn hjá þeim. Handboltinn er þannig að ef maður lendir nokkrum mörkum undir vill maður oftast ná því öllu í einu og með því kom smá stress í sóknarleikinn,“ sagði Logi. Leikurinn var í járnum í fyrri en Akureyringar kafsigldu heimamenn í seinni hálfleik. „Við vorum í bakk-gír allan seinni hálfleik og við rifum okkur aldrei í gang. Ég er vonsvikinn með sjálfan mig enda náði ég ekki að rífa neinn upp ekki frekar en sjálfan mig. Að vissu leyti er þetta áhyggjuefni að við erum oftast að lenda undir en maður er ekkert að hengja haus yfir þessu, það þarf bara að halda áfram,“ sagði Logi. Akureyringar héldu með þessu áfram sigurgöngu sinni en þeir eru taplausir í öllum keppnum. „Þeir eru með sjálfstraustið í botni og við erum náttúrulega líka með mikið sjálfstraust en við náðum ekki að skila því inn á völlinn í dag. Markmaðurinn þeirra var að verja frábærlega og vörnin þeirra náði að þvinga okkur í erfið skot,“ sagði Logi. Kristinn Páll ræddi einnig við Sveinbjörn Pétursson og birtist það viðtal í Fréttablaðinu: Sveinbjörn Pétursson: Öskruðu stuðningsmenn FH í kaf „Manni fannst við vera á heimavelli með þessa frábæru stuðningsmenn sem fjölmenntu á völlinn og öskruðu stuðningsmenn FH í kaf,“" sagði Sveinbjörn Pétursson, markvörður Akureyrarliðsins, sem varði 27 skot í leiknum og var tvímælalaust besti maður vallarins. „FH-ingar voru fljótir að missa haus og við vorum fljótir að nýta okkur það. Ég átti góðan leik en vörnin stóð sig frábærlega, ég get ekki tekið allan heiðurinn. Menn eru líka að tala um að við séum ekkert sérstakt sóknarlið en við náum að skora 33 mörk gegn FH, sem á að vera sterkt varnarlega. Við erum greinilega með gott sóknar- og varnarlið,“ segir Sveinbjörn, sem hefur spilað mjög vel í vetur. „Það er stórleikur næsta fimmtudag sem við þurfum að búa okkur undir. Það þýðir ekki að missa sig í trú á eigin getu heldur þarf að hafa hausinn á réttum stað og horfa áfram,“ sagði Sveinbjörn, sem lék með HK síðasta vetur. Kristinn hélt áfram og náði tali af Einari Andra, þjálfara FH Einar Andri Einarsson: Arfalélegt hjá okkur „Þetta var bara arfalélegt hjá okkur, það er ekki flóknara en það,“ sagði Einar Andri Einarsson annar þjálfara FH. „Sveinbjörn átti stóran þátt í því með frábærum leik en við vorum ekki að ná góðum skotum. Það er hins vegar nóg eftir, við erum í úrslitakeppnissæti eftir sjö umferðir þannig það er enginn skjálfti í hópnum. Við þurfum bara að spila betur og þá kemur þetta. Það þarf að ná meira út úr þessum strákum,“ sagði Einar en FH er í 4. sæti deildarinnar sex stigum á eftir toppliði Akureyrar en tveimur stigum á undan Haukum sem eru í 5. sætinu. Sjónvarpsviðtöl Á sportvarpinu (sport.is) eru myndbandsviðtöl Snorra Sturlusonar við Atla Hilmarsson, Heimi Örn Árnason og Kristján Arason. Smelltu á myndirnar hér að neðan til að sjá og hlusta á þau.


Spennandi handboltadagur í dag		20. nóvember 2010 - Akureyri handboltafélag skrifar Leikur dagsins: FH – Akureyri beint í sjónvarpinu kl. 15:45 Það þarf trúlega varla að minna stuðningsmenn á að í dag fer fram stórleikur í N1 deild karla þegar Akureyri sækir FH heim í Kaplakrika. Sjónvarpið sýnir leikinn í beinni útsendingu og ættu allir að geta fylgst með þar. Af þeim sökum verðum við ekki með beina textalýsingu frá leiknum en bendum tölvunotendum á að hægt er að fylgjast með útsendingunni á vef rúv. En að sjálfsögðu hvetjum við alla stuðningsmenn Akureyrar á höfuðuborgarsvæðinu til að drífa sig á leikinn, eins og við höfum bent á þá er frítt á leikinn fyrir þá sem geta framvísað kassakvittun úr Bónus og gildir það fyrir alla fjölskylduna. Samkvæmt okkar heimildum verður hægt að kaupa sérstakar stuðningsmannatreyjur Akureyrar liðsins á leiknum. Treyjurnar fást í öllum stærðum


Atli segir sína menn vera í góðu standi fyrir leikinn		18. nóvember 2010 - Akureyri handboltafélag skrifar Atli Hilmarson: Ágætlega bjartsýnn fyrir FH leikinn Í nýjasta tölublaði Vikudags ræðir Þröstur Ernir Viðarsson, blaðamaður við Atla Hilmarsson þjálfara Akureyrar um laugardagsleikinn gegn FH ingum: „Við erum á fínu skriði og þessi leikur leggst vel í mig. Ég held að það skipti ekki öllu máli hvort við séum að mæta FH á útivelli eða Aftureldingu á heimavelli. Ef við náum okkar leik þá erum við í góðum málum. Við ætlum bara að halda okkar striki, ég veit alveg hvað þessir strákar geta og þeir eru í fínu standi. Það hefur hjálpað okkur heilmikið að við erum ekki að glíma við nein alvarleg meiðsli. Það er ekkert annað í myndinni en að halda sigurgöngunni áfram, bæta okkar leik og hugsa um okkur fyrst og fremst. Ef við náum að leika áfram eins og við höfum gert í upphafi móts eru okkur allir vegir færir,“ segir Atli. Við minnum svo enn og aftur á að leikur FH og Akureyrar hefst klukkan 15:45 á laugardaginn en útsending RÚV hefst klukkan 15:30.


FH ingar vonast til að stuðningsmenn Akureyrar fjölmenni á leikinn		18. nóvember 2010 - Akureyri handboltafélag skrifar Bónus býður á leik FH og Akureyrar á laugardaginn Einn stærsti leikur tímabilsins verður í Hafnarfirði á laugardaginn. FH verður með mikla upphitunardagskrá fyrir leik og taka fram að stuðningsmenn Akureyrar séu sérstaklega velkomnir og ættu að mæta snemma og njóta. Þeir segjast munu bjóða upp á grillaða hamborgara og vöfflurnar hennar Rósu ásamt lifandi tónlist. Auglýsing þeirra er eftirfarandi: Fyrir stórleik FH og Akureyri munu Tóti og Orri taka vel á móti öllum FHingum og stuðningsmönnum Akureyrar með eldheitum hamborgurum beint af grillinu í samstarfi við KjötKompaní og Hunt's. Einnig verða vöfflurnar hennar Rósu á kantinum fyrir þá sem vilja desert eða nægir að narta í bakkelsi um miðjan daginn. Í Krikanum verður grill, bakkelsi og brjáluð stemning þaðan sem enginn fer svangur heim. Kassakvittun frá Bónus gildir sem aðgöngumiði fyrir alla fjölskylduna. Matti draugabani töfrar fram alvöru helgarstemningu með titrandi tónaflóði. Mætum á völlinn með kassakvittun frá Bónus og skemmtum okkur saman. Við hvetjum alla stuðningsmenn Akureyrar á höfuðborgarsvæðinu til að fjölmenna á leikinn og styðja sína menn með ráðum og dáð, sýna landsmönnum sem fylgjast með á sjónvarpsskjánum að við eigum einnig bestu stuðningsmennina fyrir sunnan. Ekki spillir að geta sýnt kassakvittun úr Bónusverslun og fá þannig frítt á leikinn.


Mikill áhugi á leiknum gegn FH		18. nóvember 2010 - Akureyri handboltafélag skrifar Sjónvarpsleikurinn á laugardaginn: Tilboð á Bryggjunni Það hefur vonandi ekki farið fram hjá neinum að Akureyri heldur suður í Hafnarfjörð á laugardaginn og mætir þar FH. Leikurinn hefst klukkan 15:45 og verður sýndur beint í sjónvarpinu. Veitingastaðurinn Bryggjan, Skipagötu 12 á Akureyri verður með sjónvarpið í gangi og býður upp á sérstakt tilboð á pizzum og drykkjum meðan á leiknum stendur. Við hvetjum stuðningsmenn okkar hér á heimaslóðum til að koma saman og fylgjast með leiknum og þá er ekki slæmt að vita af tilboði sem þessu.


FH liðið er klárlega með einhvern besta leikmannahópinn í dag		17. nóvember 2010 - Akureyri handboltafélag skrifar Akureyri mætir FH í sjónvarpsleik á laugardaginn Það verður sannarlega stórleikur í N1 deildinni á laugardaginn þegar Akureyrarliðið heldur suður í Hafnafjörð og mætir sprækum FH ingum sem var spáð Íslandsmeistaratitlinum fyrir mótið eins og kunnugt er. FH er sögufrægt lið í íslenska handboltanum og hefur verið áberandi síðustu tvö árin eftir að liðið vann sér sæti í úrvalsdeild að nýju. Liðið byrjaði síðustu tímabil af miklum krafti en hélt ekki út þannig að FH ingar náðu í hvorugt skiptið í úrslitakeppnina. FH liðið ætlar sér stóra hluti í ár og hefur hópurinn verið styrktur. Gamla kempan Kristján Arason var ráðinn sem þjálfari ásamt Einari Andra Einarssyni sem hefur þjálfað liðið undanfarin ár. Kristján Arason og Atli Hilmarsson þekkjast frá fornu fari Í leikmannahópnum munar trúlega mest um að silfur- og bronsmaðurinn Logi Geirsson sneri heim aftur úr atvinnumennskunni og hefur hann sýnt frábær tilþrif sem leikstjórnandi það sem af er tímabilinu. Á móti kemur að FH missti meistara Bjarna Fritzson sem hefur reynst okkur Akureyringum mikill happafengur. Línumaðurinn sterki, Atli Rúnar Steinþórsson kom til FH frá Gróttu og einnig fengu þeir hornamanninn Ársæl Ársælsson frá Selfossi. Ási fór fyrir FH ingum á Opna Norðlenska mótinu í haust og var valinn besti sóknarmaðurinn Fyrir eru síðan frábærir leikmenn eins og stórskyttan Ólafur Guðmundsson og fjöllistamaðurinn Ásbjörn Friðriksson sem leysir í rauninni allar stöður í sóknarleiknum. Önnur stórskytta, Ólafur Gústafsson hefur verið meiddur en spilaði síðasta leik FH og er greinilega kominn á skrið á ný. Varnarjaxlinn Sigurgeir Árni Ægisson stjórnar varnarleiknum af mikilli prýði enda stór og vörpulegur. Þá er rétt að benda á markvörðinn, Húsvíkinginn Pálmar Pétursson sem oftar en ekki lokar gjörsamlega marki FH inga. FH byrjaði leiktíðina núna af miklum krafti líkt og síðastliðin ár, vann fyrstu þrjá leikina mjög sannfærandi, sérstaklega áttu þeir frábæran leik gegn Haukum og fóru þar með stórsigur. Í kjölfarið komu tveir tapleikir, gegn Fram og HK en í síðustu viku unnu þeir góðan sigur á Valsmönnum í Vodafone höllinni. Ólafur Guðmundsson og Ásbjörn Friðriksson eru þeirra langatkvæðamestu markaskorarar, Ólafur með 45 mörk og Ásbjörn með 34 mörk. Enda hefur það oft farið þannig að andstæðingar FH hafa lagt allt kapp á að stöðva Ólaf en þá hefur Ási blómstrað á meðan. Logi Geirsson hefur skorað 20 mörk þrátt fyrir að hafa lítið beitt byssunum og - línumaðurinn Atli Rúnar Steinþórsson 17. Þetta eru allt menn sem Akureyrarliðið þarf að leggja áherslu á að stöðva á laugardaginn. Ólafur Guðmundsson var í eftirfarandi spjalli við Ívar Benediktsson á Morgunblaðinu í upphafi leiktíðarinnar: „Það hefur verið markmið okkar síðustu ár að rífa FH upp og koma því í fremstu röð á nýjan leik. Tvö síðustu ár hefur nokkuð verið rætt um reynsluleysi en ég held að við getum ekki notað það sem afsökun lengur,“ sagði Ólafur Guðmundsson, handknattleiksmaður hjá FH. „Nú þurfum við að stíga skrefið fram á við og ná árangri. Það er að minnsta kosti hluti af mínu markmiði.“ Ólafur sækir að Akureyrarvörninni á Opna Norðlenska mótinu Ólafur segir að liðið hafi ekki ennþá sett sér sameiginlegt markmið fyrir keppnistímabilið. „Ég held samt að það hljóti að vera að komast í topp fjóra og ná sem lengst í öllum mótum. Við viljum að sjálfsögðu vera á meðal þeirra bestu.“ Sveitungar FH úr Haukum hafa orðið meistarar síðustu þrjú árin. Ólafur sagði Hauka verðskulda það. „Haukar hafa staðið vel að öllu í kringum lið sitt. Við þurfum hinsvegar að pæla minna í hvað Haukarnir eru að gera og einbeita okkur frekar að okkur sjálfum. Við þurfum að læra að vinna. Það gerist ekki á einni nóttu og krefst meira en góðra leikmanna og hæfileika.“ Kristján Arason tók við sem annar þjálfari FH í sumar. Ólafur segir að koma Kristjáns til liðsins muni hafa mikið að segja. Kristján hafi gríðarlega þekkingu á handknattleik, hafi reynslu sem þjálfari auk þess að vera yfirburðaleikmaður á sínum tíma. „Við hlustum vel á það sem Kristján hefur fram að færa og notfærum okkur að leita til hans og munum klárlega gera það enn meira þegar út í slaginn verður komið. Kristján kemur vonandi með þá kjölfestu sem okkur hefur skort,“ segir Ólafur. Ólafur skrifaði undir samning við danska stórliðið AG Köbenhavn í vor. Hann leikur þó ekki með liðinu fyrr en í fyrsta lagi eftir eitt ár. Þangað til lánar AG Ólaf til FH og hann einbeitir sér að því að styrkjast á allan hátt sem handknattleiksmaður. „Það er frábært að fá tækifæri til þess að einbeita sér að handknattleiknum. Að þessu hef ég stefnt í mörg ár. Ég er á fullu að búa mig undir að leika með AG sem ætlar sér stóra hluti í evrópskum handknattleik. Ég verð bara að hugsa mjög vel um mig og næsta árið og vinna skipulega. Ég þarf að bæta mig á ýmsum sviðum og fer daglega eftir ákveðinni áætlun þar sem unnið er í þeim atriðum sem ég verð að bæta mig í. Hugsunin með að vera hér heima er að fá meiri leikreynslu og bæta það sem þarf að bæta. Ég hef fengið einstakt tækifæri til þess að láta drauma mína rætast og ekki er það verra að ég geti einbeitt mér að því að leggja grunn að þessu hér í þeirri frábæru aðstöðu sem er í Kaplakrika.“ Leikmannalisti FH Pálmar Pétursson, 26 ára - markvörður Daníel Andrésson, 21 árs - markvörður Sigurður Örn Arnarsson, 20 ára - markvörður Brynjar Geirsson - vinstra horn Ársæll Ársælsson, 21 árs - vinstra horn Benedikt R. Kristinsson, 20 ára - vinstra horn Bjarki Jónsson, 19 ára - vinstra horn Bogi Eggertsson, 19 ára - vinstri skytta Ísak Rafnsson, 18 ára - vinstri skytta Ólafur A. Guðmundsson, 20 ára - vinstri skytta Ólafur Gústafsson, 21 árs - vinstri skytta Ásbjörn Friðriksson, 22 ára - miðjumaður Logi Geirsson, 28 ára - miðjumaður Magnús Óli Magnússon, 18 ára - miðjumaður Sverrir Garðarsson, 26 ára - miðjumaður Örn Ingi Bjarkason, 20 ára - miðjumaður Hermann R. Björnsson, 23 ára - hægri skytta Ari Magnús Þorgeirsson, 24 ára - hægra horn Hjörtur Hinriksson, 33 ára - hægra horn Þorkell Magnússon, 20 ára - hægra horn Atli Rúnar Steinþórsson, 30 ára - línumaður Sigurgeir Árni Ægisson, 31 árs - línumaður Sigurður Ágústsson, 20 ára - línumaður Þórir Bjarni Traustason, 18 ára - línumaður.

Til baka Senda á Facebook

Umsjón og hönnun: Stefán Jóhannsson og Ágúst Stefánsson

Frábær stórsigur Akureyrar á FH

Hvað sögðu menn eftir sigur Akureyrar á FH?

Leikur dagsins: FH – Akureyri beint í sjónvarpinu kl. 15:45

Atli Hilmarson: Ágætlega bjartsýnn fyrir FH leikinn

Bónus býður á leik FH og Akureyrar á laugardaginn

Sjónvarpsleikurinn á laugardaginn: Tilboð á Bryggjunni

Akureyri mætir FH í sjónvarpsleik á laugardaginn