Warning: Undefined array key "frettanr" in /web/akhandadmin/public_html/index.php on line 15
Hörkuleikur á Hlíðarenda en engin stig í farteskinu - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
Tölfræði leiksins 
    Valur - Akureyri  24-22 (11-11)
Olís deild karla
Valshöllin
Lau. 22. okt. 2016 klukkan: 16:00
Dómarar: Bjarni Viggósson og Jón Karl Björnsson
Umfjöllun

Tomas sneri aftur í byrjunarliðið og stóð sig með prýði

22. október 2016 - Akureyri handboltafélag skrifar

Hörkuleikur á Hlíðarenda en engin stig í farteskinu

Akureyri sótti lið Vals heim í 8. umferð Olís deildarinnar í dag. Heimamenn höfðu unnið fjóra leiki í röð eftir að hafa tapað fyrstu þremur leikjum sínum, á sama tíma þurfti okkar lið á sigri að halda enda á botni deildarinnar.

Tomas Olason markvörður okkar sneri aftur í byrjunarliðið eftir meiðsli og byrjaði af krafti. Því miður gekk sóknarleikurinn brösuglega í upphafi og Valsarar náðu fljótlega góðu taki á leiknum. Eftir um kortérs leik var staðan 9-4 fyrir Val og útlitið ekki gott.

En Akureyrarliðið er þekkt fyrir að gefast aldrei upp og við tók 0-4 kafli sem breytti stöðunni í 9-8. Allt annað var að sjá til liðsins og voru strákarnir óheppnir að hafa ekki yfir þegar flautað var til hálfleiks en hálfleikstölur voru 11-11.

Síðari hálfleikur hófst eins og hvernig sá fyrri lauk, okkar lið var betri aðilinn og þegar 20 mínútur lifðu leiks var staðan 16-18 og útlitið gott. En það hefur oft reynst erfitt fyrir Akureyri að klára leiki á Hlíðarenda og heimamenn svöruðu með næstu fjórum mörkum, 20-18.

En áfram reyndu menn hvað þeir gátu og tók Tomas nokkra mikilvæga bolta og þegar 6 mínútur voru eftir jafnaði Sissi metin í 21-21 og á sama tíma fékk Orri Freyr Gíslason tveggja mínútna brottvísun.

Það að vera einum fleiri hefur oft gert lítið fyrir Akureyri síðustu árin og því miður nýttist liðsmunurinn ekki og lokaspretturinn var Valsmanna sem fóru á endanum með sigur af hólmi, 24-22.

Mjög svo svekkjandi tap staðreynd en spilamennska liðsins segir til um það að stutt er í næsta sigur. Byrjunin á tímabilinu er vissulega undir væntingum en það er ennþá nóg eftir af tímabilinu og við gleymum því ekki að byrjunin á síðasta tímabili var heldur alls ekki glæsileg.

Tengdar fréttir

Það er ekki á hverjum degi sem Akureyri er í sjónvarpinu

20. október 2016 - Akureyri handboltafélag skrifar

Sjónvarpsleikur gegn Val á laugardaginn

Það styttist í næsta leik Akureyrar í Olís-deild karla en það er útileikur gegn Valsmönnum á laugardaginn. Við hvetjum að sjálfsögðu alla sem hafa tök á að mæta í Valshöllina á Hlíðarenda en fyrir þá sem ekki komast er bent á að leikurinn verður sýndur beint á RÚV. Leikurinn hefst klukkan 16:00 á laugardaginn.

Hvorki Ungmennaliðið né 2. flokkur leika um helgina þannig að þetta er eini leikur okkar manna þessa helgina. Minnum svo á að Akureyri á heimaleik gegn FH í Olís deildinni á fimmtudaginn.



Til baka    Senda á Facebook

Umsjón og hönnun: Stefán Jóhannsson og Ágúst Stefánsson