Warning: Undefined array key "frettanr" in /web/akhandadmin/public_html/index.php on line 15 Mikilvægur sigur Akureyrar á Seltjarnarnesinu - Akureyri Handboltafélag
17. nóvember 2016 - Akureyri handboltafélag skrifar
Andri Snær og Kristján Orri í úrvalsliði 11. umferðar
Þá hafa sérfræðingar vefsíðunnar fimmeinn.is valið úrvalslið 11. umferðar Olísdeildar karla. Að þessu sinni á Akureyri Handboltafélag tvo fulltrúa í liðinu eftir góðan sigur á Gróttu á sunnudaginn. Það eru hornamennirnir Andri Snær Stefánsson í vinstra horninu og Kristján Orri Jóhannsson í því hægra. Þeir félagar léku stórt hlutverk í lokakafla leiksins þar sem Akureyrarliðið innbyrti stigin dýrmætu.
Við óskum þeim og öðrum sem voru valdir í liðið til hamingju með tilnefningarnar en úrvalslið 11. umferðarinnar hjá fimmeinn.is er sem hér segir:
Það er því við hæfi að rifja einu sinni enn upp lokakafla Gróttuleiksins.
Kristján Orri átti stórleik gegn Gróttu
17. nóvember 2016 - Akureyri handboltafélag skrifar
Morgunblaðið fjallar um Kristján Orra
Magnaður leikur Kristjáns Orra Jóhannssonar í leiknum gegn Gróttu á sunnudaginn fór ekki framhjá blaðamönnum og er Morgunblaðið með sérstaka umfjöllun um Kristján Orra að lokinni 11. umferð Olís deildarinnar. Ívar Benediktsson blaðamaður Morgunblaðsins ræddi við þjálfarann Sverre Jakobsson um Kristján Orra.
Hefur hæfileika til að berjast um landsliðssæti
„Kristján Orri kom hingað norður í háskólann á Akureyri fyrir fjórum árum og hefur síðan reynst okkur afar öflugur liðsmaður,“ sagði Sverre Jakobsson, þjálfari Akureyrar handboltafélags, spurður um lærisvein sinn og hægri hornamanninn, Kristján Orra Jóhannsson, sem er traustasti leikmaður liðsins. Kristján Orri átti einu sinni sem oftar afar góðan leik þegar Akureyri vann sinn annan leik í röð í Olís-deildinni á sunnudaginn þegar liðið sótti Gróttu heim í Hertz-höllinni á Seltjarnarnesi, 21:18. Kristján Orri skoraði 11 mörk, eða ríflega helming marka liðsins. Hann bar uppi sóknarleik Akureyrarliðsins. “Oft þegar sóknir voru við það að renna út í sandinn var boltanum nánast hent á Kristján og hann kom tuðrunni í markið,“ sagði m.a. í umfjöllun Morgunblaðsins um viðureign Gróttu og Akureyrar.
„Hann féll strax vel inn í hópinn og er afar vel liðinn af öllum jafnt utan vallar sem innan,“ segir Sverre. „Kristján er duglegur og tilbúinn að taka leiðsögn og er kraftmikill við æfingar. Það má segja að hann sé draumaleikmaður hvers þjálfara,“ segir Sverre og bætir við að þrátt fyrir að Kristján Orri hafi tekið miklum framförum, jafnt í sókn sem vörn eftir að hann kom norður þá á hann enn talsvert inni.
„Kristján Orri hefur möguleika á að bæta sig enn meira og verða ennþá betri leikmaður. Ég sé það alveg fyrir mér að Kristján Orri geti keppt Theodór Sigurbjörnsson Eyjamann, um stöðuna í hægra horninu hjá íslenska landsliðinu á næstu árum. Mér finnst Kristján Orri ekkert hafa síðri hæfileika en Theodór,“ segir Sverre sem veit hvað hann syngur eftir langan og farsælan feril sem atvinnumaður og landsliðsmaður til margra ára. Þótt Kristján Orri hafi tekið miklum framförum sem sóknarmaður þá segist Sverre sjá ennþá meiri framfarir í varnarleiknum, sem geri að verkum að hann verði ennþá mikilvægari leikmaður en ella.
„Hann hefur leikið talsvert í barkvarðarstöðunni í vörninni hjá okkur og skilað því hlutverki afar vel. Það hefur létt álaginu á skyttunni sem stundum hefur leikið í bakvarðarstöðunni í vörninni. Þeir hafa getað skipt á hlutverkum í vörninni og þannig fækkað skiptingum hjá okkur milli varnar og sóknar sem skiptir miklu máli. Kristján Orri er frábær leikmaður sem hefur bætt sinn leik ár frá ári og nýtir nú marktækifæri sin betur en nokkru sinni fyrr,“ segir Sverre.
„Ég hef sagt það við Kristján að hann megi hafa enn meiri trú á eigin hæfileikum en hann hefur því hann hefur fullt efni á því.“
Allt frá því að Kristján Orri kom til liðs við Akureyri handboltafélag sumarið 2013 hefur hann verið í hópi markahæstu leikmanna liðsins á hverju keppnistímabili auk þess að axla meiri ábyrgð með hverju árinu. Sverre segist reikna með að Kristján Orri flytji suður á næsta sumri. Hann hafi lokið námi nyrðra og kærasta hans standi í sömu sporum í vor. „Að öllu óbreyttu fer Kristján frá okkur á næsta ári. Við munum sjá mikið eftir honum, bæði sem leikmanni og félaga.“
Kristján Orri átti einnig frábæran leik gegn Stjörnunni 10. nóvember
Kristján Orri og Sverre teknir tali
14. nóvember 2016 - Akureyri handboltafélag skrifar
Viðtöl eftir Gróttuleikinn í gær
Blaðamenn mbl.is og fimmeinn.is voru mættir á Seltjarnarnesið í gær á leik Gróttu og Akureyrar. Jóhann Ólafsson blaðamaður mbl.is ræddi við mann leiksins, Kristján Orra Jóhannsson svo og Gunnar Andrésson þjálfara Gróttu en að sjálfsögðu voru þeir misánægðir i leikslok.
Kristján Orri: Er einhvers staðar lengst uppi
Kristján Orri Jóhannsson, hægri hornamaður Akureyringa, var afar kátur þegar blaðamaður mbl.is tók hann tali eftir 21:18-sigur norðanpilta gegn Gróttu í Olís-deild karla í handknattleik síðdegis.
Kristján Orri horfist í augu við Lárus Helga Ólafsson markvörð Gróttu
„Ég er einhvers staðar lengst uppi,“ var það fyrsta sem Kristján sagði þegar hann var spurður að því hvort hann væri ekki ánægður með sigurinn. Kristján fór á kostum í sókninni en hann skoraði 11 af 21 marki Akureyringa.
„Það er alltaf ógeðslega mikilvægt að vinna og fá stig. Um það snýst þetta. Okkur hefur gengið vel í síðustu tveimur leikjum og núna höldum við áfram. Það er mikil stemning og karakter í liðinu,“ sagði Kristján. Akureyri er í neðsta sæti deildarinnar en liðið hefur unnið tvo leiki í röð.
„Vörn og markvarsla var góð og Tomas í markinu var flottur. Handbolti þarf ekki að vera flókinn, vörn og markvarsla er lykilatriði,“ bætti Kristján við en hann var hógvær þegar talið barst að frammistöðu hans: „Þetta er fínt. Ég fæ færin út af félögunum. Þeir voru duglegir að grýta í mig í dag. Maður finnur að sjálfstraustið er mikið þegar maður skorar nokkur í röð og líður eins og maður geti skorað úr öllum færum. Þannig er það líka þegar maður er á skriði,“ sagði sigurreifur Kristján Orri Jóhannsson.
Gunnar: Þetta er helvíti súrt
Gunnar Andrésson, þjálfari Gróttu, var heldur niðurlútur eftir þriggja marka tap Gróttu gegn Akureyri í Olís-deild karla í handknattleik í dag. 21:18 urðu lokatölur leiksins en Grótta missti af tækifæri til að komast í efri hluta deildarinnar.
Gunnar Andrésson þjálfari Gróttu eitt spurningamerki í fyrri leik liðanna
„Við gerðum allt of mörg tæknileg mistök í leiknum. Það er eitthvað sem gengur ekki. Við fórum einnig illa með vítin okkar og þegar upp er staðið er það ekki nógu gott,“ sagði Gunnar í samtali við mbl.is eftir leikinn á Seltjarnarnesi í dag. „Sóknarlega vorum við ekki nógu góðir en ég var þokkalega sáttur við varnarleikinn. Við náðum því miður ekki að skila okkar í sókninni,“ bætti Gunnar við.
Grótta var með tveggja marka forystu að loknum fyrri hálfleik, 11:9. Seltirningar byrjuðu seinni hálfleik afar illa og Akureyringar náðu frumkvæðinu í leiknum strax í upphafi seinni hálfleiks: „Við hefðum getað náð þriggja marka forskoti og slitið okkur aðeins frá þeim en seinni hálfleikurinn byrjaði ekki nógu vel. Mér fannst við vera með yfirhöndina framan af leiknum en svo náðu þeir yfirhöndinni þegar svona korter var eftir og þá var þetta svolítið erfitt. Þetta er helvíti súrt,“ sagði Gunnar.
Á vef fimmeinn.is eru vídeóviðtöl Lúthers Gestssonar við sömu aðila en til viðbótar ræddi Lúther einnig við Sverre Andreas Jakobsson þjálfara AkureyrarSverre: Við verðum aldrei með okkar sterkasta lið í veturSverre Jakobsson þjálfari Akureyrar gat leyft sér að brosa eftir að sigur vannst á liði Gróttu í dag. Sverre sagðist ótrúlega stoltur af sínum mönnum.„Ég er bara að henda á þeim fullt af hrósi og sýna þeim hversu mikið ég er stoltur af þeim. Þetta var þvílíkur karakter sigur hérna og mér fannst það kannski sterkast í þessu að við byrjuðum leikinn ekki eins og við ætluðum okkur og vorum kannski, nei ég ætla að halda því bara fyrir okkur af hverju það var. En við komum til baka og þessi seinni hálfleikur sýndi svo góðan karakter“.
Manni fannst kannski aðeins vanta framlag í fyrri hálfleiknum bæði sóknarlega og eins vantaði uppá markvörsluna en þetta skilaði sér í seinni hálfleiknum? „Já menn voru bara að stíga upp og þó mig langi að nefna nokkur nöfn ætla ég ekki að gera það því við erum í þessu sem ein heild við vinnum og töpum sem ein heild. En það voru menn innan liðsins sem stigu vel upp í seinni hálfleiknum og eins og þú segir Tomas var rosalega flottur þarna og fór að taka mikilvæga bolta. Hungrið var bara svo mikið“.
Við ræddum svo að lokum um leikmannamálin og miða við að þeir ættu inni mannskap þá liti þetta vel út í dag með tveim sigrum í röð. „Við verðum aldrei með okkar sterkasta lið það er alveg ljóst á þessu tímabili allavega, það er alveg útséð með það og svo ef einhverjir menn koma inn þá koma þeir bara inn þegar þeir gera það. Við erum ekkert að spá í því. Þetta eru fimm einstaklingar og við náum kannski einum inn fyrir jól og hinum svo seinna eða kannski aldrei.“
Kristján Orri: Ha, skoraði ég ekki 11 mörk?
Kristján Orri hefur verið að spila fantavel í vetur og í dag átti hann enn einn stórleikinn og kláraði hann með samtals 11 mörk. Kristján sagði í viðtali við okkur eftir leik að hann væri í raun og veru ekki með nein önnur svör fyrir þessum tveim sigrum í röð en að karakterinn í liðinu væri frábær og menn væru ekkert að skoða meiðsli leikmanna, þeir sem væru leikfærir væru að spila á fullu og þannig myndi þetta hafast.„Tveir leikir í röð og mikill karakter í liðinu og mikil stemning, svona á þetta að vera. Þeir sem eru að koma inn í liðið vegna meiðsla annarra eru að standa sig drulluvel og þetta er svona karakterinn sem við akkúrat viljum sjá og erum búnir að skapa, við ætlum að halda þessu áfram“.
„Er ekki voða klisjugjarnt að segja að liðsheildin hafi skapað þennan sigur í dag en markvarsla og varnarleikurinn var þannig að við fáum bara á okkur 18 mörk sem er frábært, það gekk illa sóknarlega í byrjun en á móti vorum við ekki að fá á okkur mörg mörk.“
Aðspurður hvort þetta liti ekki vel út núna miða við að einhvern tímann hlytu þessir leikmenn sem væru meiddir að koma aftur inn, sagði Kristján engan vera að spá í því. „Algerlega er það jákvætt en við erum ekkert að spá í því, við spáum bara í þennan hóp sem við erum með og förum með í hvern leik og það eru allir mikilvægir sem koma að liðinu og það er að skila sér. Mér hefur ekkert gengið allt of vel að slútta og skora í leikjunum á undan en mér leið mjög vel í dag.“
Gunnar: Allt of margir með of lítið framlag í dag.
Þetta var mjög svekkjandi tap og við vorum sóknarlega bara engan veginn nógu góðir í dag. Varnarleikur beggja liða reyndar mjög góður en það eru fyrst og fremst tvö atriði sem við töpum þessum leik á og það eru tapaðir boltar sem voru samtals 17 og svo klikkum við úr fjórum vítum í þessum leik og það er bara dýrt,“ sagði Gunnar Andrésson eftir tapið gegn Akureyri í dag.„Í síðustu tveim leikjum erum við búnir að skora yfir 30 mörk svo sóknarleikurinn hefur ekkert verið vandamál en í dag vorum við með framlag frá allt of fáum og ég þarf eiginlega bara að fá að horfa á þennan leik aftur hreinlega.“
Okkar maður verður á staðnum með græjurnar
13. nóvember 2016 - Akureyri handboltafélag skrifar
Grótta - Akureyri verður í beinni á Akureyri TV
Það er stutt á milli leikja hjá meistaraflokki núna. Eftir sigurleikinn gegn Stjörnunni á fimmtudagskvöldið eru strákarnir á leiðinni á Seltjarnarnes þar sem þeir mæta Gróttu klukkan 16:00 í dag.
Grótta vann eins marks sigur þegar liðin mættust hér fyrir norðan í september. Sá leikur var afar kaflaskiptur, til að marks um það skoraði Grótta sex mörk í röð í seinni hálfleiknum en Akureyri svaraði með fimm síðustu mörkum leiksins en sá sprettu dugði ekki alveg.
Við vonum bara að lukkan verði okkur hliðhollari í leiknum í dag. Akureyri TV verður á staðnum og hefst útsending okkar frá leiknum rétt fyrir klukkan 16:00.
Úrvalsdeild karla
Senda skilaboð
Vefur KA
Vefur Þór
Fréttaleit
Myndband frá leiknum 
Tölfræði leiksins 
Senda á Facebook