Dómarar: Arnar Sigurjónsson og Svavar Ólafur Pétursson
Umfjöllun
Tengdar fréttir
Sverre sá alfarið um viðtölin fyrir Akureyrarliðið
7. febrúar 2017 - Akureyri handboltafélag skrifar
Viðtöl eftir leikinn gegn FH
Sverre Andreas Jakobsson var í viðtölum við mbl.is, sportTV og fimmeinn.is. Einnig ræddu tíðindamenn þessara miðla við FH-ingana Einar Rafn Eiðsson og Ásbjörn Friðriksson ásamt þjálfara þeirra, Halldór Jóhann Sigfússon. Byrjum á viðtölum Hjörvars Ólafssonar sem birtust á mbl.is:
Sverre: Gamli góði herslumunurinn
„Mér fannst vanta herslumuninn upp á flest það sem við vorum að gera í þessum leik. Við náðum mjög góðum 20 mínútna kafla og við vorum að gera það sem lagt var upp með í upphafi leiks. Síðan vantaði svolítið upp á skynsemina og agann í stutta stund og FH nýtti sér það og náði fjögurra marka forystu,“ sagði Sverre Andreas Jakobsson, þjálfari Akureyrar, í samtali við mbl.is eftir 33:27-tap liðsins gegn FH í 24. umferð Olísdeildar karla í handbolta í dag.
„Við vorum aldrei langt undan, en náðum ekki að koma okkur aftur inn í leikinn og því fór sem fór. Mér fannst liðið spila heilt yfir vel í þessum leik og það var einungis þessi stutti slæmi kafli sem varð okkur að falli að mínu mati. Við misstum aldrei trúna sem var jákvætt, en það voru of margir tæknifeilar í sókninni til þess að mögulegt væri að fá eitthvað út úr leiknum. Ég veit hvað þarf að laga og við munum fara yfir það fyrir næsta leik,“ sagði Sverre enn fremur.
Sverre fylgist með sínum mönnum í Valsleiknum á fimmtudaginn
Einar Rafn: Agaður sóknarleikur lykillinn
„Við vorum agaðir í sóknarleiknum og það lagði grunninn að þessum sigri. Við náðum fljótlega þriggja til fjögurra marka forskoti sem við héldum út leikinn. Við náðum ekki að slíta þá almennilega frá okkur, en vorum skynsamir á lykilaugnablikum í leiknum og náðum að landa sigrinum,“ sagði Einar Rafn Eiðsson, leikmaður FH, í samtali við mbl.is, eftir 33:27-sigur liðsins gegn Akureyri í 24. umferð Olísdeildar karla í handbolta í dag.
Einar Rafn sem var markahæstur í liði FH í dag með níu mörk segir það jákvætt að liðið sé farið að narta í hæla toppliðanna. FH er tveimur stigum frá Aftureldingu, toppliði deildarinnar, eftir þennan sigur. Einar Rafn greip þó til gömlu klisjunnar þegar hann var spurður um markmið FH í framhaldinu. „Það er mikil liðsheild í liðinu og við erum að vinna vel saman í vörninni. Þá gengur sóknarleikurinn smurt þessa stundina og vonandi að áframhald verði á því. Við vitum það að ef við erum þolinmóðir þá fáum við alltaf gott færi og leikmenn liðsins sýndu þolinmæði í dag. Við tökum bara einn leik fyrir í einu og sjáum hverju það skilar okkur.“
Einar Rafn er gríðarlega mikilvægur FH liðinu
Þá víkur sögunni að viðtölum Freys Brynjarssonar sem lýsti leiknum á SportTV. Brynjar ræddi við Sverre, Ásbjörn og Halldór Jóhann:
Sverre: Þurfum að nota febrúar vel
Sverre var ekki sáttur með leikinn en þokkalega ánægður með að fá tvö stig út úr í þessum fyrstu tveim leikjum eftir hléið.
Ásbjörn: Getum bætt okkur varnalega en góður sigur engu að síður
Ásbjörn var sáttur með sigurinn gegn Akureyri og nú er bara byrja undirbúning fyrir bikarleikinn á föstudaginn gegn Fram.
Halldór: Setjum smá pressu á tvö efstu liðin
Halldór þjálfari FH-inga var sáttur og nú hefur FH sett pressu á Aftureldingu og Hauka sem eru í efstu tveimur sætunum.
Að lokum er hér viðtal við Sverre sem birtist á fimmeinn.is það er Ingimar Bjarni sem ræðir við Sverre
Sverre: Veit hvað við þurfum að laga
Sverre Jakobsson var nokkuð brattur eftir leik sinna manna í Kaplakrika í kvöld. Hann sagði að sína menn hafa vantað um 10-15 prósent upp á til að nýta sér veikleika FH almennilega. Hann sagði sína menn hafa gerst seka um of marga tæknifeila en enga síður hafa átt tuttugu mínútna kafla sem var mjög góður. Aðspurður sagðist Sverre vera að koma sér í gírinn en vildi ekkert segja um hvenær hann ætlaði að skipta sér inná í vetur. Hann sagðist jafnframt treysta sínum mönnum algjörlega. Það er rétt að ítreka að Sverre var ekki á skýrslu sem leikmaður þó það sé gefið í skin í viðtalinu.
Háspennuleikur á sunnudaginn
5. febrúar 2017 - Akureyri handboltafélag skrifar
Leikur dagsins: FH - Akureyri - í beinni á SportTV
Það er stutt í næsta verkefni hjá Akureyri í Olísdeild karla nú fer að hefjast leikur FH og akureyrar í Kaplakrika. Þetta er upphafsleikur 18. umferðar deildarinnar og óhætt að segja að leikurinn er mikilvægur báðum liðum.
Bæði lið ætla sér klárlega að fylgja eftir góðum sigrum úr síðustu umferð, FH vann stórsigur á Fram, 28-38 og sitja í þriðja sæti deildarinnar með 20 stig. Akureyri vann sem kunnugt er sigur á Val 27-21 og er í fjögurra liða pakka frá 7.-10. sæti með 13 stig.
Ekki þarf að efast um að fjölmargir stuðningsmenn Akureyrar á höfuðborgarsvæðinu ætla að styðja við bakið á sínum mönnum en leikurinn hefst núna klukkan 16:00 í Kaplakrika. SportTV.is sýnir leikinn og hvetjum við þá sem ekki komast á leikinn til að fylgjast með útsendingunni. Smelltu hér til að horfa á útsendinguna.
Úrvalsdeild karla
Senda skilaboð
Vefur KA
Vefur Þór
Fréttaleit
Myndband frá leiknum 
Tölfræði leiksins 
Senda á Facebook