Dómarar: Þorleifur Árni Björnsson og Ramunas Mikalonis
Umfjöllun
Tengdar fréttir
Sverre var ánægður eftir leikinn
13. mars 2017 - Akureyri handboltafélag skrifar
Viðtöl við þjálfarana eftir leik Akureyrar og Vals
Einar Sigtryggsson, blaðamaður mbl.is ræddi við þjálfarana Sverre Andreas Jakobsson og Óskar Bjarna Óskarsson eftir leik liðanna á laugardaginn. Skiljanlega voru þeir missáttir Sverre nýkominn úr orustunni inni á vellinum en Óskar Bjarni svekktur með úrslitin:Sverre: Erum eins og Manchester UnitedSverre Andreas Jakobsson er genginn aftur í búningi Akureyrar í Olís-deild karla. Hann hefur nú spilað tvo leiki sem báðir hafa skilað sigri. Sverre brosir alltaf en hann brosti hringinn eftir að hans menn höfðu lagt Val í dag.
Sverre sagði þetta eftir leik: „Þetta var hörkuleikur sem við urðum að vinna. Þetta var jafnt allan tímann eins og við bjuggumst við en þegar Andri Snær skoraði úr hraðaupphlaupinu þegar stutt var eftir og kom okkur í 19:18 þá snerist leikurinn okkur í vil. Menn fengu þann kraft og trú sem þurfti til að klára leikinn.“
En hvernig ertu í skrokknum eftir svona harða baráttu? „Ég er í ágætisstandi. Hann er reyndar alltaf góður eftir sigurleiki en ef þú spyrð eftir tvo daga þá færðu annað svar. Mér finnst þetta mjög gaman. Það er gaman að vera með þessum strákum og ég er að njóta þess að spila.“
Sverre heldur betur stolltur af sínum mönnum enda léku þeir frábærlega
Þið hafið unnið þrjá heimaleiki í röð gegn sterkum liðum en eruð enn í fallsæti. „Þetta sýnir bara hvað deildin er jöfn og sterk. Við þurfum ekkert að skammast okkar fyrir okkar stöðu. Við erum að djöflast og gefa allt í leikjunum en samt er staðan svona. Við höfum verið í brasi með meiðsli og ýmislegt hefur ekki fallið með okkur en það er engin afsökun. Hver leikur er barátta og við höfum verið að fá stig en erum svona eins og Manchester United, alltaf í sama sætinu. Ef við höldum svona áfram og trúum þá getum við farið ofar,“ sagði hinn kynþokkafulli bangsi að lokum.
Óskar Bjarni: Svekkjandi
Óskar Bjarni Óskarsson, aðstoðarþjálfari Vals í Olís-deild karla, þurfti að horfa upp á þriðja tap Vals í röð í deildinni í dag. Akureyringar fengu Val norður og unnu 22:20 eftir æsilegan leik þar sem ýmis vafamál komu upp. Mikil rekistefna var á lokamínútunni þegar búið var að dæma Val boltann en Akureyringar tóku leikhlé á sama tíma og fengu því að halda boltanum.
Óskar Bjarni sagði þetta: „Þetta var bara hörkuleikur og allt gat gerst. Við virtumst vera að sigla aðeins fram úr og vorum komnir tveimur mörkum yfir en þeir gáfu allt í þetta og náðu okkur, því miður. Varðandi leikhléið sem þeir fengu á lokamínútunni eftir að búið var að flauta af þeim boltann þá get ég ekkert sagt um það. Ég sé ekkert hvenær þeir tóku leikhléið en þetta var vissulega svekkjandi. Það er alltaf gaman að koma hingað norður, okkur hefur gengið vel hérna en í dag var það ekki þannig, því miður.“
Óskar Bjarni og Guðlaugur þjálfarar Vals virðast ekki alveg vera með á nótunum
Það er aldrei lognmolla í kringum leikina gegn Val
11. mars 2017 - Akureyri handboltafélag skrifar
Leikur dagsins: Risaleikur gegn Val
Það er óhætt að segja að Akureyri eigi risaheimaleik í Olís deild karla í dag þegar nýkrýndir bikarmeistarar Vals mæta til leiks. Akureyri þarf nauðsynlega á stigunum að halda í harðri baráttu á botni deildarinnar og næsta víst er að Valsmenn munu ekkert gefa eftir en þeir eru að berjast um að enda í einu af fjórum efstu sætum deildarinnar.
Akureyri tapaði með einu marki í vægast sagt dramatískum útileik gegn FH í síðustu umferð en vann góðan sigur á Aftureldingu nokkrum dögum áður. Valur tapaði tveim síðustu leikjum sínum í Olís deildinni, báðum á heimavelli, síðast gegn Stjörnunni og þar áður fyrir FH.
Akureyri og Valur mættust í KA heimilinu þann 2. febrúar og var sá leikur fjörugur. Akureyri leiddi með einu marki í hálfleik, 13-12 en vann að lokum sannfærandi sigur 27-21. Ekki er að efa að heimamenn hafa hug á að endurtaka þann leik og er óskað eftir öflugum stuðningi áhorfenda í þeirri baráttu.
Úrvalsdeild karla
Senda skilaboð
Vefur KA
Vefur Þór
Fréttaleit
Myndband frá leiknum 
Textalýsing frá leiknum
Tölfræði leiksins 
Senda á Facebook