Stuðningsmannalag Akureyrar

6. desember 2006

Sumarið 2006 var Akureyri Handboltafélag stofnað með því að sameina meistaraflokka Handknattleiksdeilda KA og Þórs. KA hafði átt einkar vinsælt stuðningsmannalag í handboltanum og fljótlega eftir sameiningu var ákveðið að búa til nýtt lag fyrir hið nýja lið.

Björn Þórarinsson úr hljómsveitinni Mánum var fenginn til að sjá um verkið en ásamt því að semja lag og texta sá hann um alla helstu hljóðvinnslu lagsins. Hinn norðlenski söngvari Eyþór Ingi Gunnlaugsson var fenginn til að syngja lagið í hljóðveri.

Nokkrir leikmenn Akureyrarliðsins voru fengnir til að syngja bakraddir en það voru þeir Andri Snær Stefánsson, Guðmundur Freyr Hermannsson, Magnús Stefánsson, Sveinbjörn Pétursson og Þorvaldur Þorvaldsson.

Lagið var frumflutt þann 6. desember 2006 í KA-Heimilinu á leik Akureyrar og Fram í 8-liða úrslitum SS-Bikarsins. Sjá frétt um frumflutning lagsins.