Arnór Atla: Klúbburinn ætlar sér í fremstu röð


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Arnór hefur byrjað vel hjá nýju liði		28. ágúst 2006 - SÁ og ÁS skrifar Arnór Atla: Klúbburinn ætlar sér í fremstu röð Landsliðsmaðurinn og fyrrum leikmaður KA, Arnór Atlason, gekk nýverið til liðs við FC Kopenhagen í Danmörku. Skiptin vöktu nokkra athygli en Arnór hafði meðal annars tilboð frá liðum í Þýskalandi. Hann segir m.a. hér í viðtali við heimasíðuna að hann hafi frekar viljað fara að spila hjá liði í toppbaráttu og liði sem ætlar sér mikið á komandi árum heldur en að spila hjá liðum í neðri hlutanum á Spáni eða í Þýskalandi. Við skulum kíkja á viðtalið. KA-sport: Nú ert þú búinn að koma þér aðeins fyrir hjá FC Kopenhagen, hvernig líst þér aðstæður? Arnór: Hingað til hefur allt komið mér mjög jákvætt fyrir sjónir og jafnvel betra en ég bjóst við. Æfingaaðstaðan er mjög flott og það er hugsað mjög vel um okkur leikmennina. Svo er kærastan mín líka ánægð með það að það er þvegið af okkur allt æfingadót í höllinni og svona, ekki eins og í Magdeburg þar sem við þurftum m.a.s. að þvo búningana okkar sjálfir. Svo er borgin náttúrulega einstök og maður hefur alltaf eitthvað fyrir stafni. KA-sport: FC Kopenhagen, hvernig kemur liðið þér fyrir sjónir og hvernig er það mannað að þínu mati? Arnór: FCK er náttúrulega rosalega stór klúbbur þar sem fótboltaliðið er besta liðið á norðurlöndunum og var núna í vikunni að komast í meistaradeildina. Nú á að fara að láta reyna á handboltann og það er ætlast til mikils af okkur á næstu árum. Liðið hefur verið að styrkjast á síðustu árum og komst í fyrsta skipti í fyrra í þessa 4-liða úrslitakeppni um Danmerkurtitilinn þar sem þeir töpuðu í undanúrslitum. Mér finnst við vera með mjög góðan hóp sem í eru m.a. 3 sænskir og 2 norskir landsliðsmenn. Þetta er mjög góð blanda af ungum og svo mjög reyndum leikmönnum eins og t.d. Martin Boquist og Steinar Ege. KA-sport: Nú hefur liðið verið að leika marga æfingaleiki, hvernig hefur spilamennskan verið og er liðið á réttri leið fyrir tímabilið? Arnór: Já það er rétt, við höfum spilað nokkuð marga æfingaleiki og erum að verða nokkuð vel samstilltir. Við höfum m.a. lagt bæði sænsku og norsku meistarana nokkuð örugglega, en úrslit allra þessara æfingaleikja segja svo sem lítið. Svo hefur það reyndað aðeins háð okkur af við höfum lent í því að vera án nokkurra lykilmanna í nokkrum leikjum en það er eitthvað sem ekkert er hægt að gera í. Fyrsti leikur er 2. sept og tímann fram að því þurfum við til að stilla okkur enn betur saman þar sem að sá leikur er útileikur í bikarkeppninni móti Danmerkurmeisturunum í Kolding. KA-sport: Er liðið nógu gott til að keppa um titil í Danmörku? Arnór: Það er allavega stefnan en það verður erfitt að velta liðum eins og Kolding og GOG af toppnum. Þessi tvö lið hafa verið með mikla yfirburði í Danmörku síðustu ár. Markmiðið er að sjálfsögðu fyrst að komast í úrslitakeppnina og komast sem lengst í bikar og Evrópukeppni. En svo er þetta alltaf spurningin hvaða lið eru heppnust með meiðsli lykilmanna o.s.frv.. KA-sport: Nú hafðir þú m.a. tilboð frá liðum í þýsku Búndeslígunni en fórst til Danmerkur. Hver er helsta ástæða þess? Arnór: Já það er rétt, ég fékk nokkur tilboð úr Búndesligunni og svo líka nokkur frá Spáni. Þetta voru allt lið sem eru að fara að vera í neðri hlutanum í sínum deildum og þegar tilboðið frá FCK kom þurfti ekki að sannfæra mig mikið um að fara til Danmerkur. Mér fannst það bara mun meira spennandi að fara í lið sem ætlar sér að verða eitthvað á næstu árum, bæði heima fyrir og í Evrópu. Nálægðin við Ísland er líka kostur þó að það hafi nú ekki verið úrslitaatriðið. KA-sport: Danskur handbolti er töluvert öðruvísi en sá þýski, hvernig líst þér á breytinguna? Arnór: Mér líst bara mjög vel á hana þar sem að mér hefur alltaf fundist danskur handbolti mjög spennandi. Danirnir eru svona meira léttleikandi meðan kraftaboltinn einkennir Þýskaland dálítið. En annars er þetta alltaf sama íþróttin hvar sem maður spilar hana og þess vegna held ég að þetta verði engin svakaleg breyting. KA-sport: Þú hefur verið að skora nokkuð af mörkum í æfingaleikjunum, hvernig finnst þér þú vera að spila? Ertu að komast vel inn í liðið? Arnór: Það þarf náttúrulega alltaf smá tíma í að komast inní leikskipulag hjá nýju liði, kynnast liðsfélögunum innan sem utan vallar og læra aðeins inná þá. En þetta gekk mjög fljótt fyrir sig og þetta er alltaf að smella betur og betur saman. Mér finnst ég vera að passa vel inní liðið og hingað til hefur þetta gengið mjög vel, en aðalmálið er náttúrulega það að ég er að spila heilan helling. KA-sport: Hvert er hlutverk þitt hjá liðinu? Arnór: Hingað til hef ég verið að spila sitt á hvað í skyttuni og svo á miðjunni. Það er einmitt það sem ég vil og er ekki ólíkt því hlutverki sem hafði hjá KA. KA-sport: Hvað með framtíðarsýn liðsins, hefur verið farið eitthvað í komandi ár? Arnór: Eins og ég sagði ofar þá er þessi klúbbur risastór og er tilbúinn að gera mikið til að koma liðinu í fremstu röð á næstu árum. Mér finnst mjög spennandi að fá að taka þátt í svona uppbyggingu og vonandi náum við að tryggja okkur inní meistaradeildina á næstu leiktíð. Við þökkum Arnóri innilega fyrir viðtalið og vonum að honum og félögum í FCK muni ganga mjög vel á komandi vetri.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson