Gamla myndin: Patti gegn Víking

Að þessu sinni höfum við ákveðið að birta tvær myndir í gömlu myndinni og eru þær af Patreki Jóhannessyni. Myndin er úr fyrsta deildarleik liðsins tímabilið 1994-1995 en leikið var gegn Víking. Víkingur var með frábært lið á þessum árum og lenti í öðru sæti deildarinnar. Leikurinn var hörkuspennandi en leikurinn endaði með jafntefli 26-26, Patti skoraði 7 mörk í leiknum en markahæstur var Valdimar Grímsson með 13 mörk, hjá Víking var enginn annar en Sigurður Valur Sveinsson markahæstur með 8 mörk.