Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Okkar menn unnu allir sigra um helgina



11. september 2006 - ÁS skrifar 

Sigrar hjá KA mönnum um helgina

Það var leikið í Þýskalandi og Frakklandi um helgina og fyrrum leikmenn KA voru í eldlínunni. Gummersbach tapaði sínum fyrsta leik á tímabilinu, Jonni og lið hans í St. Raphael unnu sigur í sínum fyrsta leik. Þá unnu Stelmokas, Dóri og Heiðmar sigra í fyrstu umferð þýsku 2. deildarinnar.

St. Raphael lið Jónatans Þórs Magnússonar spilaði sinn fyrsta leik í frönsku 2. deildinni á útivelli gegn liði Aix en Provence. Lið Provence er virkilega erfitt heim að sækja en það stöðvaði þó ekki leikmenn St. Raphael í að ná góðum 23-25 útisigri. Jónatan spilaði þó nokkuð í leiknum en náði ekki að setja mark.

Lærisveinar Alfreðs Gíslasonar töpuðu sínum fyrsta leik í þýsku bundesligunni um helgina er þeir mættu liði Flensburg á útivelli. Viggó Sigurðsson er þjálfari Flensburg tímabundið og er lið Flensburgar með fullt hús stiga eftir fjóra leiki. Lokatölur leiksins voru Flensburg 36 Gummersbach 29. Það gekk lítið upp hjá Guðjóni Val og félögum í leiknum en Beutler markvörður Flensburgar varði virkilega vel í leiknum. Guðjón Valur skoraði 5 mörk, Róbert Gunnarsson 3, markahæstur í liði Gummersbach var Daniel Narcisse. Sverre Andreas Jakobsson spilaði í vörn Gummersbach.

Halldór Jóhann Sigfússon og liðsfélagar hans í Tusem Essen fóru á kostum er þeir tóku lið EHV Aue í bakaríið á heimavelli Essen, Am Hallo. Leikmenn Essen byrjuðu strax af krafti og leiddu í hálfleik 18-11. Í seinni hálfleik sáu þeir til að leikmenn Aue kæmust aldrei í takt við leikinn og lokatölur voru 39-19, ótrúlegar tölur en lið Essen er gífurlega öflugt. Dóri skoraði þrjú mörk í leiknum, þar af eitt úr vítakasti.

Andrius Stelmokas og hans lið, Füchse Berlin unnu einnig stórsigur í 2. deildinni er þeir rótburstuðu lið SV Anhalt Bernburg á heimavelli. Leikurinn var jafn fyrstu mínúturnar en svo hrökk lið Füchse í gang og leiddi 19-11 í hálfleik. Seinni hálfleikur var svo formsatriði fyrir Stelmokas og félaga og voru lokatölur 42-24 fyrir Füchse. Stelmokas átti stórleik og var markahæstur með 8 mörk, Andrius er virkilega vinsæll í liði Füchse og er helsta stjarna liðsins.

Þá vann Heiðmar Felixsson og hans lið TSV Hannover-Burgdorf góðan útisigur á liði HSG Augustdorf-Hövelhof. Eftir að staðan hafði verið 11-12 í hálfleik fyrir Hannover þá héldu Heiðmar og félagar forskotinu út seinni hálfleikinn og unnu að lokum virkilega mikilvægan 28-30 útisigur. Heiðmar Felixsson skoraði þrjú mörk fyrir Burgdorf.

Einar Logi Friðjónsson og hans lið TV Emsdetten lék ekki um helgina en Emsdetten mun spila sinn fyrsta leik í deildinni á miðvikudaginn á heimavelli gegn liði SV Post Schwerin.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson