Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Einar skoraði tvö mörk fyrir TV Emsdetten í gær

14. september 2006 - ÁS skrifar 

Sigur hjá Gummersbach en tap hjá TV Emsdetten

Í gær var leikið í Þýskalandi og lék Einar Logi Friðjónsson sinn fyrsta deildarleik fyrir TV Emsdetten er liðið tapaði gegn SV Post Schwerin, en Einar kom til liðsins fyrir tímabilið. Á sama tíma unnu liðsmenn Gummersbach góðan sigur í Bundesligunni en þeir lögðu HSG Wetzlar.

Það var nokkur pressa á liði Gummersbach en liðið tapaði fyrir Flensburg í síðustu umferð og liðið þurfti því á sigri að halda til að koma sér aftur á skrið. Leikmenn Wetzlar spiluðu vel í byrjun og gáfu sig alla í verkefnið. Það var því jafnt 11-11 eftir 26 mínútna leik. Hinsvegar spilaði Gummersbach frábærlega og hratt síðustu fjórar mínútur hálfleiksins og leiddu 12-17 í hálfleik. Seinni hálfleikur var svo aðeins formsatriði fyrir Gummersbach en forskotið fór aldrei neðar en 4 mörk. Lokatölur urðu Wetzlar 25 Gummersbach 34 og er Gummersbach efst í deildinni en Lemgo, Flensburg og Göppingen eiga leik til góða og geta farið upp fyrir Gummersbach. Róbert Gunnarsson skoraði 5 mörk í leiknum og Guðjón Valur Sigurðsson gerði 3 mörk. Sverre Andreas Jakobsson var ekki í leikmannahópi Gummersbach.

Einar Logi og hans lið, TV Emsdetten, léku sinn fyrsta leik í þýsku 2. deildinni nyrðri. Leikið var á heimavelli Emsdetten gestirnir voru SV Post Schwerin en þeir eru með öflugt lið. Fyrri hálfleikurinn var æsispennandi og var jafnt á nánast öllum tölum, lið Emsdetten leiddi í hálfleik 16-15. Leikurinn hélt áfram að vera spennandi í síðari hálfleik og mátti vart sjá hvort liðið myndi fara með sigur af hólmi. Liðsmenn Einars hinsvegar slökuðu aðeins á undir restina og því tapaðist leikurinn 28-30. Einar Logi skoraði tvö mörk í leiknum en liðsfélagi hans Vladimir Goldin náði ekki að skora. Slæmt fyrir liðið að tapa strax í fyrsta leik en næsti leikur liðsins er á laugardaginn gegn Stralsunder HV og þarf lið Emsdetten að rífa sig upp fyrir þann leik.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson