Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Arnór er að byrja af krafti í Danmörku





18. september 2006 - ÁS skrifar 

KA menn flottir um helgina

Það eru ófáir leikmenn sem hafa leikið með KA sem eru að leika í útlöndum og léku nokkrir þeirra nú um helgina. Guðjón Valur Sigurðsson, Arnór Atlason og Andrius Stelmokas fóru svo sannarlega á kostum og röðuðu inn mörkum í góðum sigrum þeirra liða. Við skulum skoða hvernig gekk hjá okkar mönnum:

Gummersbach spilaði á heimavelli í Eugen-Haas-Halle gegn öflugu liði Großwallstadt. Í liði Großwallstadt leika íslendingarnir Einar Hólmgeirsson og Alexander Petersson. Jafnt var á öllum tölum til að byrja með en Gummersbach náði svo að komast 11-8 yfir. Þá kom frábær kafli hjá lærisveinum Alfreðs og kom 11-1 kafli og breyttist staðan í 22-9, hálfleikstölur voru svo 22-11. Seinni hálfleikur var svo frekar tíðindalítill, leikmenn Großwallstadt gáfu eftir og á sama tíma voru leikmenn Gummersbach saddir og endaði leikurinn með sigri Gummersbach 35-22. Guðjón Valur Sigurðsson skoraði 10 mörk úr 11 skotum og var markahæstur þá skoraði Róbert Gunnarsson eitt mark fyrir Gummersbach. Sverre Andreas Jakobsson var ekki í hópi Gummersbach.

Arnór Atlason og félagar hans í FC Kaupmannahöfn mættu Heimi Erni Árnasyni og hans liði Bjerringbro-Silkeborg um helgina í dönsku úrvalsdeildinni. Leikið var á heimavelli FCK og var leikurinn afar jafn í fyrri hálfleik en það er búist við miklu af liði FCK í vetur og í framtíðinni. Hálfleikstölur voru 13-12 fyrir heimamenn og kom það nokkuð á óvart. Hinsvegar náði lið heimamanna að bæta við forskotið í seinni hálfleik og vinna virkilega góðan 29-23 sigur, og hefur liðið því unnið báða deildarleikina á tímabilinu. Lið Heimis, Bjerringbro-Silkeborg, er hinsvegar með tvö stig eftir tvo leik. Arnór Atlason fór á kostum í leiknum og skoraði 8 mörk í leiknum. Heimir Örn lét minna fara fyrir sér í markaskorun en hann gerði 1 mark.

Halldór Jóhann Sigfússon og lið hans Tusem Essen gerði góða ferð um helgina er þeir lögðu lið SG Bietigheim á útivelli. Lið Bietigheim er öflugt og erfitt heim að sækja og var leikur liðanna hörkuspennandi. Eftir æsispennandi fyrri hálfleik leiddu Essen menn í hálfleik 13-14 en spennan hélst einnig í seinni hálfleik og var óljóst nær allan leikinn hvort liðið næði að landa sigri. Það fór þó að lokum að lið Tusem Essen sigraði 29-31. Halldór Jóhann Sigfússon skoraði eitt mark í leiknum en hann mataði samherja sína í leiknum. Tusem Essen er á toppi þýsku 2. deildar suður eftir tvær umferðir.

Einar Logi Friðjónsson náði ekki að skora er lið hans TV Emsdetten tapaði stórt á útivelli gegn liði Stralsunder HV. Lið Emsdetten var alltaf að elta lið Stralsunder í leiknum en Emsdetten náði aldrei að jafna leikinn. Í hálfleik var staðan 17-14 fyrir Stralsunder og lokatölur voru 39-30. Þetta þýðir að lið Emsdetten er á botni þýsku 2. deildarinnar norður eftir fyrstu tvær umferðirnar og þarf liðið á sigri að halda í næsta leik.

Andrius Stelmokas og lið hans Füchse Berlin lék á útivelli gegn liði SC Magdeburg II en það er B lið Magdeburgar. Leikmenn Füchse byrjuðu leikinn strax af krafti og það var aldrei spurning um hvort liðið færi með sigur af hólmi. Í hálfleik var staðan 11-16 fyrir Füchse. Forskotið jókst svo í seinni hálfleik og voru lokatölur 29-38 fyrir Stelmokas og hans lið. Andrius átti stórleik og skoraði 7 mörk. Lið Füchse er á toppi 2. deildar norður eftir tvær umferðir vegna markatölu.

Heiðmar Felixsson og hans lið TSV Hannover-Burgdorf lék á heimavelli gegn sterku liði VfL Potsdam í þýsku 2. deildinni norður. Eftir að hafa leikið dapra vörn í fyrri hálfleik þar sem staðan var 15-18 fyrir Potsdam þá lék liðið mun varnarlega í þeim seinni og fór með 31-30 sigur af hólmi. Heiðmar Felixsson skoraði 3 mörk í leiknum og stóð sig með prýði. Liðið er með fullt hús stiga í deildinni eftir tvo leiki en er fyrir neðan Stelmokas og félaga vegna markatölu.

Jónatan Þór Magnússon lék sinn annan deildarleik í vetur þegar lið hans Saint-Raphaël lék gegn Nancy í frönsku 2. deildinni. Leikið var á heimavelli Raphael manna og fóru heimamenn á kostum í leiknum. Sigur Jonna og félaga var aldrei í hættu en lokatölur voru 36-24. Jónatan skoraði 1 mark í leiknum. Saint-Raphaël hefur því unnið báða leiki sína í deildinni og byrjar því vel.

Þá lék Hörður Flóki Ólafsson sinn fyrsta deildarleik með norska liðinu Elverum í síðustu viku. Liðið mætti Stavanger en Halldór Ingólfsson þjálfar lið Stavanger. Leikið var á heimavelli Elverum og byrjuðu heimamenn betur, þeir leiddu í hálfleik 11-7 en með slökum seinni hálfleik þá tapaðist leikurinn 23-27. Hörður Flóki stóð sig mjög vel í leiknum en þjálfari hans hjá Elverum er Axel Stefánsson.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson