3 dagar í leik: Allt um Valsliðið


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Aðeins 3 dagar í fyrsta deildarleik Akureyrar		27. september 2006 - ÁS skrifar 3 dagar í leik: Allt um Valsliðið Á laugardaginn fer fram fyrsti leikur hins sameinaða liðs Akureyrar en liðið mun leika gegn Val í Laugardalshöll. Mikil eftirvænting er komin í bæinn fyrir leiknum enda mun þá loksins koma í ljós hvort lið bæjarins sé samkeppnishæft. Við á KA-Sport.is ákváðum að koma með smá kynningu á liði Vals enda full ástæða til að læra meira um keppinautana í fyrstu umferðinni. Valsmönnum var spáð Íslandsmeistaratitlinum í fyrradag af aðstandendum liða í DHL-Deildinni og kemur það í raun lítið á óvart enda liðið feykilega vel mannað. Þjálfararnir Óskar Bjarni Óskarsson og Heimir Ríkarðsson halda áfram með liðið og hafa bætt vel í hópinn sem var mjög öflugur í fyrra. Árangur Vals á síðustu leiktíð Liðið endaði í 3. sæti DHL-Deildar á síðustu leiktíð með 36 stig. Liðið féll útúr Deildarbikarnum þegar liðið tapaði fyrir Haukum í oddaleik í undanúrslitum. Valur féll út í 16-liða úrslitum SS-Bikarsins þegar liðið tapaði gegn bikarmeisturum Stjörnunnar. Undirbúningstímabil Vals Valur varð Reykjavíkurmeistari á dögunum er liðið náði 3. sæti á Reykjavíkurmótinu. Valur var efsta liðið frá Reykjavík og varð því meistari. Í leiknum um 3. sætið fór liðið afar illa með Íslandsmeistara Fram og endaði leikurinn 34-23 fyrir Valsmenn. Þá léku Valur og Framarar annan æfingaleik fyrr á undirbúningstímabilinu og unnu Valsmenn aftur stóran sigur á Íslandsmeisturunum, 31-23. Komnir leikmenn Markús Máni Michaelsson, vinstri skytta Ernir Hrafn Arnarson, hægri skytta Ólafur Gíslason, markvörður Arnór Þór Gunnarsson, hægra horn Gunnar Harðarson, línumaður Farnir leikmenn Mohamadi Loutoufi, hægri skytta Hlynur Jóhannesson, markvörður (hættur) Klaus Olsen, hægri skytta Kristinn Guðmundsson, vinstri skytta Þórir Júlíusson, hægri skytta Helstu leikmenn liðsins Markús Máni er mjög öflugur leikmaður sem hefur verið viðriðinn Íslenska landsliðið í langan tíma. Hann kom til Vals fyrir tímabilið úr atvinnumennsku og hefur verið skipaður fyrirliði liðsins. Ernir Hrafn Arnarson er einn af efnilegustu leikmönnum landsins. Hann spilaði með Aftureldingu á síðasta tímabili en gekk í raðir Vals eftir að Afturelding náði ekki að tryggja sér sæti í efri deildinni. Ernir er liðsmaður ungmennalandsliðsins og er svo sannarlega leikmaður sem maður hvetur fólk til að fylgjast með í vetur. Ólafur Gíslason markvörður kom til liðsins en hann kemur eftir árs dvöl í Sviss, áður lék hann með ÍR. Ólafur er mjög öflugur markvörður en hann keppti um spilmínútur við markvörð okkar Akureyringa, Hreiðar Levý, þegar þeir félagar léku með ÍR. Gunnar Harðarson línumaður ákvað að fara til Vals fyrir tímabilið en hann varð Íslandsmeistari með Fram á síðustu leiktíð. Gunnar er leikmaður ungmennalandsliðs Íslands. Ljóst er að Gunnar mun styrkja lið Vals mikið enda mjög góður leikmaður. Fannar Þór Friðriksson miðjumaður í liði Vals er uppalinn hjá Val og varð Íslandsmeistari í 2. flokk með Val í fyrra. Fannar er einnig liðsmaður í ungmennalandsliði Íslands. Elvar Friðriksson er uppalinn í Val og er vinstri skytta, hann varð Íslandsmeistari með 2. flokk á síðasta tímabili. Hann er eins og margir leikmenn liðsins einnig liðsmaður í ungmennalandsliði Íslands. Arnór Þór Gunnarsson gekk til liðs við Valsmenn fyrir tímabilið en hann lék með Þór á síðustu leiktíð. Arnór var langmarkahæsti leikmaður Þórs á síðustu leiktíð og stóð sig afar vel. Hann fór hinsvegar suður til að fara í nám og gekk því til liðs við Val. Hann er einnig liðsmaður í ungmennalandsliði Íslands og leikur í hægra horni. Arnór mun þó væntanlega ekki spila leikinn á laugardaginn en hann hefur verið að stríða við meiðsli. Baldvin Þorsteinsson sem hefur leikið með Val nú í nokkurn tíma eftir að hann gerði ansi góða hluti með KA jafnt í yngri flokkum sem og í meistaraflokki leikur í vinstra horni. Baldvin hefur þó misst úr mikið af æfingum vegna veikinda sem hafa hrjáð hann í langan tíma. Ef Baldvin kemst aftur í þann gír sem hann var kominn í á tímabili í fyrra þá vinnur hann sér klárlega aftur landsliðsæti. Pálmar Pétursson er markvörður liðsins ásamt Ólafi Gíslasyni og verður athyglivert að fylgjast með hvor mun hafa betur keppninni um spilmínútur. Pálmar var virkilega góður á síðustu leiktíð og spilaði virkilega stórt hlutverk í Valsliðinu sem endaði í 3. sæti deildarinnar. Eins og sést á þessum hóp þá er lið Vals með öflugan hóp en það er hreinlega ekki nóg að vera með sterkt lið á pappírunum. Það verður virkilega áhugavert að sjá hvernig leikur Vals og Akureyrar Handboltafélags mun spilast og hvet ég alla sem geta að kíkja á leikinn í Laugardalshöllinni. Þið hin sem komist ekki á leikinn þið fylgist með beinni lýsingu frá leiknum hér á síðunni en meira um það síðar. Valur-Akureyri, Laugardalshöll 30. september klukkan 16:00
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson