Óskar: Okkur langar í titil í ár


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Óskari Bjarna og hans mönnum er spáð titilsæti í ár Mynd: Valur.is		29. september 2006 - SÁ skrifar Óskar: Okkur langar í titil í ár Á morgun leikur Akureyri sinn fyrsta leik á Íslandsmótinu en hann er sem kunnugt er gegn Val. Valsmönnum var spáð Íslandsmeistaratitli í ár af þeim sem koma að liðum deildarinnar og því til alls líklegt. Heimasíðan talaði við Óskar Bjarna Óskarsson þjálfara Vals og spurðum hann aðeins út í leikinn sem og Valsliðið. SÁ: Óskar, ykkur var spáð Íslandsmeistaratitli í spá fyrir tímabilið. Hvað hefur þú að segja um það? Óskar: Það er náttúrulega heiður að hin liðin hafa trú á okkur en þetta verður gríðarlega jöfn deild í ár. Það sést bara á að ÍR unnu Hauka í fyrsta leik. Mér finnst að allir eigi að geta unnið alla. SÁ: Stefnið þið á Íslandsmeistaratitil í ár? Óskar: Já, ég held að það sé rosalega erfitt að fara niður fyrir spánna. Okkur langar í titil núna í ár. En það er alltaf þannig að maður verður að taka einn leik í einu. Það er þetta gamla góða og sjá hvernig þetta þróast, hvernig meiðsli og annað fer í okkur. SÁ: Hvernig hefur undirbúningstímabilið verið hjá ykkur? Óskar: Við byrjuðum 18. júlí og höfum verið að æfa stíft. Við höfum spilað einhverja sextán æfingaleiki og verið alveg á fullu. Það hefur bara gengið vel. Þetta er náttúrulega breiður hópur og ég hugsa að ástæðan fyrir að okkur hafi verið spáð titli er að við erum kannski með mestu breiddina. Við erum ekki með mestu reynsluna og ekkert endilega þannig séð yfirburðarlið en ég held að það sé breiddin sem er mjög skemmtileg í Valsliðinu. SÁ: Ertu sáttur með hvar þið eruð á þessum tímapunkti? Óskar: Ég hefði nú reyndar viljað vera kominn örlítið lengra en ég held að það sé þannig reyndar hjá öllum. Þetta tekur bara smá tíma og þarf alltaf aðeins að byrja upp á nýtt, það eru alltaf nýir leikmenn og svona. SÁ: Þið mætið Akureyri á Laugardaginn. Hvernig leggst það verkefni í þig? Óskar: Hann leggst bara vel í mig. Það er kannski dálítið óþægilegt að mæta þeim þar sem þeir voru ekki með í Reykjavíkurmótinu og maður hefur ekki séð þá neitt rosalega mikið. Þetta er náttúrulega alveg nýtt lið og bæði jákvætt og neikvætt við það. Þeir hafa ekki séð okkur mikið heldur. Það er virkilega gaman af þessu og gaman að þessu lið séu sameinuð. Ég vona innilega að þetta verði stórveldi í boltanum. Það er skylda að Akureyri sé með topplið í handbolta svona út af hefðinni og sögunni. SÁ: Hvernig er staðan á þínum mönnum? Er mikið um meiðsli? Óskar: Það eru nokkur spurningarmerki. Með gamla Akureyringinn Arnór Gunnarsson, Kristján Þór Karlsson, Baldvin Þorsteinsson og Sigurð Eggertsson. Þetta eru svona menn sem hafa verið í meiðslum eða veikindum, þannig að þessir menn eru tæpir í fyrstu leikjunum. Við þökkum Óskari innilega fyrir að hafa gefið sér tíma og spjallað við okkur. Þá viljum við hvetja fólk til að vera vel stillt á síðuna í dag en svokallaður viðtals-dagur er í dag og fjöldinn allur af viðtölum sem og öðru mun birtast hér. Svo fylgist með.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson