Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Valdi og félagar stóðu varnarleikinn lengst af mjög vel en sóknin varð okkur að falli

30. september 2006 - HBH skrifar 

Valur sigraði Akureyri (umfjöllun)

Það var ansi vel mætt í Laugardalshöllina í dag og voru á að giska á milli 3-400 áhorfendur mættir til að sjá hinu nýju úrvalsdeild hefjast, þar af fjölmargir Akureyringar.
Það var ekki laust við að nokkur spenningur væri í undirrituðum að sjá hið nýja lið okkar og olli það alls ekki vonbrigðum fyrstu mínúturnar. Vörnin var ansi hreint óárennileg að sjá með þá Valda og Hödda sem bestu menn og voru engin vettlingatök þar leyfð. Sveinbjörn byrjaði í markinu og tók tvo bolta strax í fyrstu sókn. Hinum megin á vellinum gekk sóknarleikurinn síðan hreint ágætlega þar sem Höddi skoraði 4 af fyrstu 5 mörkum liðsins. Sú einhæfni í sóknarleiknum átti þó eftir að koma okkar mönnum í koll þegar fram liðu stundir. Eftir því sem leið á hálfleikinn komust Valsmenn síðan æ meira inn í leikinn og komust í 10-8 eftir fjögur valsmörk í röð. Tóku okkar menn þá leikhlé sem tilraun til að breyta gangi leiksins. Tókst það raunar ágætlega og var staðan í hálfleik 13-12 heimamönnum í vil.

Heimamenn hófu síðan síðari hálfleikinn af miklum krafti og áttu okkar menn einfaldlega enginn svör í sóknarleiknum gegn mjög hreyfanlegri 5-1 vörn Valsmanna. Sóknarleikur okkar manna var hreint út sagt skelfilega þunglamalegur og eðli málsins samkvæmt gerði það lítið fyrir hreyfanleikann þegar þjálfarinn setti sjálfan sig í leikstjórnandann. Magnús stórskytta komst aldrei í takt við leikinn og ekki heldur hornamenn okkar, en bæði Andri Snær og Nikolaj Jankovic spiluðu mikinn hluta leiksins en komu lítið við sögu, fyrst og fremst þar sem hreyfanleikinn í sóknarleiknum var alltof lítill. Um seinni hálfleik er í sjálfu sér lítið að segja. Valsmenn skoruðu fljótlega 3 mörk í röð og komust í 17-13. Eftir það komust okkar menn aldrei nálægt því að jafna, þrátt fyrir grjótharða vörn með Bjarna Frostason fyrir aftan, en hann átti mjög góða innkomu í seinni hálfleik. Næst því komust okkar menn er þeir minnkuðu muninn í 23-20, en lengra komust þeir ekki og lokatölur urðu 26-22, Valsmönnum í vil.

Ég verð fyrstur manna til að viðurkenna að ég hafði ýmsar efasemdir um þessa sameiningu á sínum tíma. Um hana þýðir hins vegar ekkert að fjalla núna, heldur verðum við að þjappa okkur saman spila úr þeim spilum sem við höfum. Um leikinn í heild er það að segja að vörn okkar manna var hreint út sagt frábær, sérstaklega í fyrri hálfleik og um miðjan seinni hálfleikinn. Einhverra hluta vegna fengum við hinsvegar sárafá hraðaupphlaup í kjölfarið, en það verður lykilatriði í vetur að nýta varnarleikinn betur hvað þetta varðar. Einmitt það gerðu Valsmenn, en þeir skoruðu á að giska meira en helming sinna marka ýmist úr hraðaupphlaupum eða eftir hraða miðju.

Eins og áður sagði var það sóknarleikurinn sem klikkaði allsvakalega í dag, hann var ákaflega þunglamalegur. Ef manni er litið yfir hópinn er hinsvegar í rauninni ekkert sem segir manni að það muni breytast í vetur. Það sem verður að breytast er hinsvegar tvennt. Í fyrsta lagi verður Kuzmins á miðjunni að gera enn betur í að reyna að láta boltann ganga og finna glufur á vörn andstæðinganna. Sá sem hinsvegar mun reyna langmest á í vetur er Magnús Stefánsson. Verandi með rétthentan mann hægra megin í sóknarleiknum og ákaflega litla skotógn af miðjunni, er það algert lykilatriði fyrir liðið í vetur að Magnús nái sér á strik. Það gerði hann ekki í þetta skiptið, og átti raunar hreint út sagt skelfilegan leik. Hann má þó alls ekki láta það á sig fá heldur halda áfram að reyna, því einhvers staðar verða jú mörkin að koma.

Við bendum svo á ítarlega tölfræði úr leiknum sem og á afar ítarlega og skemmtilega Beina Lýsingu frá leiknum
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson