Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Ásbjörn átti mjög flotta innkomu í dag

8. október 2006 - SÁ skrifar 

Akureyri burstaði ÍR (umfjöllun)

Það var boðið upp á gríðarlega skemmtun á fyrsta heimaleik Akureyrar, sameinaðs liðs KA og Þór, þegar ÍR kom í heimsókn. Mikið af fólki var komið á leikinn og myndaðist góð stemmning á leiknum sem hjálpaði Akureyrarliðinu klárlega í dag. Jafnræði var framan af en í stöðunni 6-6 stingur lið Akureyrar af og staðan í hálfleik 17-9 í hálfleik. Akureyri vann leikinn svo örugglega 33-24.

Davíð Georgsson skoraði fyrsta mark leiksins en Goran Gusic jafnaði svo leikinn úr vítakasti. Jafnræði var svo með liðunum upp í 6-6 þó Akureyri væri alltaf skrefi á undan. Í stöðunni 6-6 og þegar 12 mínútur voru liðnar af leiknum kemur frábær leikkafli hjá Akureyri sem hreinlega vinnur leikinn fyrir þá. Næstu fimm mörk voru þeirra og staðan orðin 11-6. Yfirburðirnir héldu áfram og bættu Akureyri bara við muninn en liðið leiddi 17-9 í hálfleik. Seinustu 18 mínúturnar vann liðið sem sagt 11-3.

Í seinni hálfleik var svo aldrei spurning hvort liðið myndi vinna leikinn en Akureyri var bara miklu betra í leiknum. Þeir bættu enn við muninn og komust mest í 12 marka forystu nokkrum sinnum í seinni hálfleik en eftir 48 mínútna leik var staðan 27-15 fyrir Akureyri, hreint lýgilegar tölur. ÍR-ingar náðu aðeins að saxa á muninn í restina og vann Akureyri níu marka sigur 33-24.

Fyrst og síðast var það vörnin sem var frábær í dag. 15 mörk á fyrstu 48 mínútunum segja allt sem segja þarf en ÍR hefur alltaf verið þekkt fyrir að spila hratt og skora mikið. Akureyri náði alfarið að stöðva hraðaupphlaup ÍR-inga og 6 gegn 6 áttu gestirnir hreinlega ekki séns. Sá veggur sem Akureyri stillir upp í vörninni er með því rosalegra sem ég hef séð og hrein unun að horfa á vörnina. Segja má að liðið sé að gefa ansi skýr skilaboð til annarra liða deildarinnar með þessari vörn sinni en það mun enginn skora auðveldlega gegn liðinu í vetur ef þetta heldur svona áfram.

Bak við þessara stórfenglegu vörn stóð hinn 18 ára gamli Sveinbjörn Pétursson sem var frábær í dag. Hann var með 50% markvörslu í fyrri hálfleik og hafði varið 15 bolta fyrstu 46 mínúturnar. Þá kom ákeðið kæruleysi í varnarleik liðsins og færin sem Sveinbjörn fékk á sig allt öðruvísi. Í sókninni voru allir að skila sínu en markahæstur var Goran með 11 mörk og 5 úr vítum. Hann var öflugur í dag jafnt í horni sem skyttu. Goran náði vel saman við Aigars Lazdins sem var frábær í fyrri hálfleik. Áður hef ég ritað um seiglu Aigars og var hún alls ráðandi í dag. Hann er langt frá því að vera fljótasti handboltamaður í heimi en hann skilar svo sannarlega sínu. Aigars spilaði einnig mjög vel í vörn
Magnús Stefánsson var öflugur í dag og síógnandi með frábærum skotum sínum en hann sýndi mikinn karakter og reif sig svo sannarlega upp eftir slakan leik gegn Val. Hann átti kláran stjörnuleik og var mjög góður bæði í sókn og vörn. Alexey Kuzmins lék vel í dag og stjórnaði spilinu vel, þó finnst manni aðeins vanta uppá hjá honum en hann var þó mjög öflugur. Annar 18 ára strákur, Asbjörn Friðriksson, kom svo inn og átti stjörnu innkomu. Ásbjörn var óragur og duglegur við að sækja á markið og spila liðsfélaga sína uppi. Löngum stundum hélt hann Kuzmins á bekknum svo góður var hann en afar þýðingarmikið væri fyrir liðið að fá eins sterkan miðjumann og hann lék í dag inn af bekknum. Rúnar og Þorvaldur komu svo gríðar öflugir inn af bekknum og stjórnuðu vörninni óaðfinnanlega í dag.
Í hornunum byrjuðu Heiðar og Nikolaj. Báðir hafa spilað betur en Nikolaj var full mistækur. Heiðar fékk úr litlu að moða en hefði mátt standa vörnina betur í horninu. Andri Snær kom snemma inn fyrir hann og skilaði varnarhlutverkinu frábærlega en í sókninni fékk hann ekki heldur mikla sénsa.

Í heildina frábær leikur hjá Akureyri og virkilega jákvæður fyrsti leikur. Haldi liðið áfram að spila þessa vörn verður gríðarlega erfitt að vinna okkar menn. Vörn og markvarsla eru stærstu þættirnir í handknattleik í dag og er Akureyri til alls líklegt ef þetta heldur svona áfram.

Maður leiksins: Sveinbjörn Pétursson, fór rólega af stað en varði frábærlega þegar á leið og átti mikinn þátt í sigri Akureyrar.

Næsti leikur liðsins er við Hauka næstkomandi sunnudag á Ásvöllum. Við hvetjum svo fólk til að fylgjast vel með á síðunni en eftir örskamma stund koma viðtöl, myndir og fleira.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson