Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Jankovic var góður gegn Haukum og þá var vörnin mjög öflug



16. október 2006 - ÁS skrifar 

Akureyri náði jafntefli á Ásvöllum (umfjöllun)

Karlalið Akureyrar sótti sterkt lið Hauka heim að Ásvöllum í gær. Fyrir leikinn mátti búast við hörkuleik og það rættist svo sannarlega. Eftir að hafa elt Hauka nær allan leikinn þá náðu leikmenn Akureyrar að rífa sig upp undir lokin og tryggja sér dýrmætt jafntefli. Við skulum skoða aðeins hvernig leikurinn spilaðist.

Til að byrja með voru liðin stirð en Haukar náðu fyrr að komast í takt við leikinn og leiddu því. Akureyrarliðið spilaði sem fyrr verulega öfluga vörn en liðsmenn Hauka náðu þó reglulega að finna glufur á vörninni. Sóknin hinsvegar var virkilega lengi í gang og reglulega náðu Haukar boltanum eftir sóknarmistök og skoruðu auðveld hraðaupphlaupsmörk.

Haukar leiddu en lið Akureyrar var aldrei of langt undan í fyrri hálfleiknum og jöfnuðu leikinn af og til. Þrátt fyrir að vörnin hafi verið að skila sér vel þá vildi maður sjá hana enn betri. Sóknarleikurinn var þó það sem skildi liðin að í hálfleik en staðan var 18-15 í hálfleik. Á meðan Haukar voru að skora mikið af ódýrum hraðaupphlaupsmörkum eða þegar þeir voru að ná frákasti og skora þá þurfti lið Akureyrar að hafa miklu meira fyrir hlutunum.

Í seinni hálfleik byrjaði lið Akureyrar mjög svipað eins og það lék í þeim fyrri. Það komu nokkrir kaflar þar sem liðið lék flottan sóknarleik en þar á milli var sóknin hreinlega slök. Eftir að liðið lenti heilum 6 mörkum undir þá rifu leikmenn sig upp og fóru að spila af sínum alvöru krafti. Smám saman minnkaði munurinn og á síðustu mínútunum var komin alvöru spenna í leikinn. Leikmenn Hauka fóru að pirra sig á leiknum og það nýttu leikmenn Akureyrar sér.

Akureyri jafnaði í 32-32 og Haukar voru einum leikmanni færri. Haukar mega eiga það að þeir kunna að eyða tímanum þegar liðið er einum færra og liðið græddi mikið á því í gegnum allan leikinn. Haukar komust í 33-32 og svo í 34-33. Akureyri var með boltann þegar ein mínúta og fimmtíu sekúndur voru eftir af leiknum og spilaði langa sókn. Höndin kom upp þegar ein mínúta var eftir og þá gekk boltinn frá hægri vængnum alveg yfir í vinstra hornið og allan tímann bjóst maður við að boltinn yrði dæmdur af liðinu. Andri Snær sem var í vinstra horninu fékk boltann að lokum og náði að jafna leikinn.
Síðasta sókn leiksins var Hauka og má með sanni segja að hún hafi verið afdrifarík. Er 9 sekúndur voru eftir af leiknum braut Rúnar spilandi þjálfari Akureyrar harkalega á Andra Stefan og uppskar rautt spjald. Andri Stefan var ekki sáttur og sparkaði í Hörð Fannar, Andri Stefan fékk því líka rautt spjald. Hörður Fannar á að hafa gert eitthvað við Andra Stefan og fékk rautt spjald.
Rauðu spjöldin voru litrík og spurning hvort að dómararnir hafi verið alveg 100% vissir í sinni sök enda fór langur tími hjá þeim í að tala saman um málið og róa leikmenn og þjálfara niður. Er leikurinn fór aftur í gang, Haukar með 5 menn, Akureyri með 4, þá stimpluðu Haukar boltanum yfir í hægra hornið þar sem Samúel Ívar fór inn en Sveinbjörn varði og tryggði Akureyri stig.

Að ná stigi á Ásvöllum er mjög gott og á liðið mikið hrós skilið fyrir frábæra frammistöðu í leiknum, þrátt fyrir að sóknin hafi tekið dágóðan tíma að fara í gang. Liðið er því með 3 stig eftir þrjár umferðir í DHL-Deildinni.

Það er í raun ótrúlega skrýtið að vera ósáttur með sókn liðsins þegar liðið skorar 34 mörk. Hugsanlega er það málið að trú manns á liðinu er það mikil að maður vill alltaf sjá meira og meira frá liðinu.

Nikolaj Jankovic nýtti færin sín ákaflega vel í leiknum og var því valinn maður leiksins af heimasíðunni. Hinsvegar áttu allir leikmenn liðsins góðan dag og má benda á frábæran varnarleik, góða vítanýtingu hjá Goran, skot fyrir utan hjá Magga eða hvað sem er. Sveinbjörn varði 18 bolta í leiknum og stóð sig með prýði.

Leikurinn var þrælskemmtilegur og sér pikkari svo sannarlega ekki eftir að hafa eytt deginum í að fara suður til að horfa á leikinn.

Ég bendi lesendum eindregið á frábæra Beina Lýsingu frá leiknum.

Næsti leikur liðsins fer fram á Selfossi á miðvikudaginn en leikurinn er liður í 32-liða úrslitum SS-Bikarsins.

Umfjöllunin kom ekki strax inn vegna langrar rútuferðar frá Reykjavík til Akureyrar.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson