Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Það gekk ekki þennan daginn

22. október 2006 - SMS skrifar 

HK vann Akureyri í kvennaboltanum (umfjöllun)

Vel var mætt í KA-Heimilið á þessum ágæta laugardegi, en þar var stórviðureign kvennaliðs Akureyrar gegn HK framundan. Lið Akureyrar virkaði vel stemmt í upphitun og engin meiðsli sjáanleg á liðinu, en í liðið vantar Ingu Dís Sigurðardóttir sem hætti á dögunum í handbolta.

Leikurinn fór rólega af stað og lítið skorað til að byrja með, HK komst í 1-0 og lét þá foryrstu aldrei af hendi það sem eftir lifði leiks. Ekkert kom á óvart í byrjunarliði Akureyrar en "Unglingaflokkurinn" spilaði fyrir utan í sókninni. Þórsteina byrjaði í vinstra horni, þá kom Ester Óskarsdóttir í vinstri skyttu, svo Auður Ómarsdóttir á miðju, Jóhanna Tryggvadóttir í hægri skyttu og Erla Hleiður Tryggvadóttir í hægra horni. Að venju byrjaði Guðrún á línunni. Eins og sjá má á liðinu þá eru Auður, Ester og Jóhanna allar 18 ára en reyndari leikmenn í hornum og línu. Jarmila byrjaði í markinu.

Stelpurnar byrjuðu í sókn og flýttu sér um og of allan leikinn í sókninni. Boltinn fékk lítið að ganga og þegar hann fékk að ganga þá var mikið um misgrip og lélegar sendingar. Stelpurnar voru að skjóta úr vonlausum færum og nýttu þau færi sem þær fengu illa. Markvörður HK spilaði stórt hlutverk í leiknum. Hún varði hvert skotið á fætur öðru. Vörnin gekk illa til að byrja með, þær mættu skyttum HK illa og létu finta sig upp úr skónum hvað eftir annað.

Það sem einkenndi HK vörnina var það að þær létu finna mjög vel fyrir sér og voru grófar á köflum sem dómarar leiksins, sem voru vægast sagt slakir, tóku ekki nógu vel á. Á sumum tímapunktum lá við líkamsárásum við teig HK. Þegar var farið á líða á hálfleikin fór loksins vörnin að halda en stelpurnar voru að fá á sig ódýr mörk þar sem boltinn lak inn í hvert skipti og náði Jarmila sér ekki á strik í fyrrihálfleik. Hún varði aðeins 5 bolta í fyrrihálfleiknum og fékk á sig 14 mörk. Staðan í hálfleik var 14-9 HK í vil. Akureyri átti reyndar mjög góðan kafla í fyrri hálfleik þar sem þær minnkuðu muninn í 8-9 en þá meiðist Guðrún og kemur hún ekkert meira við sögu í hálfleiknum og skora stelpurnar þá aðeins eitt mark í 11 mínútur gegn 5 HK mörkum.

Guðrún byrjar þó seinni hálfleikinn og helst þetta 4-5 marka bil alveg þar til í stöðunni 16-20 en þá kemur slakur kafli og koma fjögur HK mörk í röð. Þá tekur Haddur leikhlé þegar 6 mínútur eru eftir en það er of lítið of seint. Akureyri minnkar þó muninn í 20-24 með 4 mörkum í röð en þá er of lítið eftir og gefast þær upp og tapa leiknum 20-27. Óþarfa tap á heimavelli gegn HK sem eru alls ekki sterkar.

Margt hefði mátt gera öðruvísi en það var snöggur sóknarleikur og lélegur varnarleikur á köflum sem varð liðinu að falli. Það má þó gefa þeim það að vörnin barðist og hélt vel á tímabili og hrökk Jarmila í gang í seinni hálfleik og tók 10 bolta en það fóru 8 aftur til andstæðings. Baráttan um fráköstin var of lítil og þess vegna fóru þessir vörðu boltar fyrir lítið.

Dómarar leiksins voru ekki með hugann við leikinn og fáránlegir dómar sáust oft inn á milli og samræmið var eitthvað í minni kantinum hjá þeim í dag. Til dæmis var boltinn dæmdur af Akureyri í sókn vegna lítilvægra mótmæla hjá þjálfurum Akureyrar. Akureyri fengu 4 tveggja mínútna brottvísanir en HK fengu 7 sem er of lítið en þær spiluðu mjög grófa og truntulega vörn. Akureyrar liðið hefði mátt skjóta meira uppi á markið því markmaður HK, sem stóð sig eins og hetja, varði allt niðri en átti er erfileikum með skotin uppi en þetta nýtti Akureyri sér ekki. Svo hefði jafnvel mátt gefa Sibbu sénsinn í markinu í leiknum því Jarmila náði sér ekki almennilega á strik fyrr en undir lok leiksins.

Best í Akureyrarliðinu var sennilega Þórsteina en hún skoraði 5 mörk og gerði fáa sóknarfeila miðað við aðrar í liðinu.

Markahæst í liðinu var Erla Hleiður með 7 mörk úr 10 skotum þar af 5 úr vítum. Næstar voru: Þórsteina með 5/8, Jóhanna 4/13 (1 úr víti), Guðrún 2/3, Auður 2/3, Þórdís 0/2, Kara 0/3 og Ester 0/9. Jarmila varði svo 16 bolta en fékk á sig 27 mörk.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson