Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Hinn 18 ára Ásbjörn var maður leiksins í dag

6. nóvember 2006 - SÁ skrifar 

Vinnusigur á Fylki (umfjöllun)

Fylkir mætti í KA-Heimilið í kvöld og tók á móti Akureyri. Bæði lið höfðu farið nokkuð vel af stað í deildinni og var nokkur eftirvænting að fá Akureyrarliðið Fylki í heimsókn. Gestirnir voru öflugir framan af og yfir mikinn hluta leiksins en leikmenn Akureyrar voru mun sterkari í restina og unnu góðan vinnusigur þrátt fyrir að eiga mikið inni.

Þá Rúnar Sigtryggsson og Hörð Fannar Sigþórsson vantaði í lið Akureyrar og háði það okkar mönnum mikið framan af. Vörnin var langt frá því að vera góð í fyrri hálfleik og röðuðu Fylkismenn, aðallega Ðuric og Ingólfur Axelsson, inn mörkum af 8-9 metrum. Akureyri átti engin svör við þessum skotum og fengu Fylkismenn að taka þau oftast algjörlega óáreittir en maður hefði þó viljað sjá markmennina taka eitthvað ef þessum boltum.
Fylkir náði strax yfirhöndinni og komust í 7-4 eftir 13 mínútna leik. Þá kom Hreiðar Levý Guðmundsson, sem er að koma aftur í meiðslum, inn í markið eftir að Akureyri hafi fengið á sig fimm af þessum sjö mörkum með langskotum. Hreiðar byrjaði ekki vel og var afar lengi í gang.
Fylkirmenn héldu áfram og bættu við muninn næstu mínúturnar en staðan var 5-9 fyrir Fylki eftir 19 mínútur. Sóknarleikur Akureyrar hafði verið afar slakur þangað til en hann var hægur og virtust menn ekki vita hvað þeir væru að gera. Þar rétt á undan hafði Ásbjörn Friðriksson komið inn á miðju Akureyrar og átti hann eftir að verða maðurinn sem gerði sóknarleik liðsins betri og bar hann uppi löngum stundum.
Akureyri kemur með góðan kafla og fer Magnús Stefánsson þá í gang. Hann skorar næstu fjögur mörk Akureyrar en hann hafði verið nánast meðvitundarlaus fram af því. Magnús sýndi með þessari sýningu sinni hvers hann er megnugur og gerði nákvæmlega það sem maður vill sjá af honum. Akureyri minnkar muninn smám saman og staðan orðin 12-13 þegar fimm mínútur voru eftir af fyrri hálfleik. Fylkismenn klára hálfleikinn hins vegar betur og leiða 13-16 þegar gengið var til búningsherbergja.

Akureyri lék alls ekki vel í fyrri hálfleik og vörnin hreint út sagt afleit. Eins og áður kom fram þá fengu gestirnir að taka ótrúlegan fjölda skota fyrir utan án þess að nokkuð hefði verið gert. Þá hefði maður viljað sjá markmennina taka þessa bolta einnig en Hreiðar var ekkert skárri en Sveinbjörn þegar hann var kominn inná. Þá var sóknin ekki góð að undanskildum góðum sex mínútna kafla í hálfleiknum þar sem liðið skorar heil sjö mörk.
Fylkismenn hins vegar spiluðu nokkuð skynsamlega og voru að nýta sér mistök Akureyrar afar vel. Þá var vörnin hjá þeim, 3-2-1, að virka vel löngum stundum.

Akureyri byrjar seinni hálfleikinn vel og jafnar í 17-17 eftir einungis fimm mínútna leik í seinni hálfleik. Fylkir kemst í 17-18 og meiðist þá Arnar Sæþórsson en hann kom ekkert meira inná. Það átti eftir að reynast Fylkismönnum afar erfitt en varnarleikur liðsins hreinlega hrynur við það og náði aldrei að komast í líkingu við það sem liðið var að sýna í fyrri hálfleiknum.
Fylkismenn eru þó alltaf skrefinu á undan Akureyri næstu mínútur en það var einhvern veginn eins og Akureyri væri bara ekki á fullum krafti. Í stöðunni 21-23 fyrir Fylki þá stíga Akureyringar upp svo um munar en sá karakter sem liðið sýndi það sem eftir var leiks einfaldlega vann leikinn fyrir þá. Þeir minnka í 23-24, jafna í 24-24 og skora svo næstu þrjú mörk þar á eftir. Staðan var því orðin 27-24 þegar þrjár mínútur voru eftir.
Á þessum tíma var Ásbjörn Friðriksson að stjórna ótrúlega skynsömum og öguðum sóknarleik Akureyrar. Það sem samt mestu munaði frá því fyrr í leiknum var að loksins vaknaði Hreiðar Levý Guðmundsson. Hreiðar hafði verið að tína einn og einn bolta í seinni hálfleik en hann hreinlega lokaði markinu seinustu mínúturnar og varði 4 crucial bolta undir lok leiksins sem hann hélt öllum.
Fylkir skorar næstu tvö mörk og minnkar muninn í 27-26 en þá skorar Magnús afar mikilvægt mark af línunni eftir góða sendingu Ásbjarnar. Leiknum lýkur svo með þriggja marka sigri Akureyrar, 30-27.

Ef orðið vinnusigur hefur einhvern tíman átt við þá er það núna. Akureyri var langt frá því að leika þennan leik neitt svakalega vel þó seinni hálfleikurinn hafi verið mun betri en sá fyrri og í heildina góður. Það jákvæðasta við þennan leik er karakterinn sem Akureyri sýndi í þessum leik en þegar á móti blés tóku menn einfaldlega ábyrgð og stigu upp svo um munaði. Það skilaði sér í góðum mörkum í sókninni og frábærri vörn lengst af í seinni hálfleik en Akureyri fær einungis 11 mörk á sig í seinni hálfleik.
Fylkismenn aftur á móti virtust bara ekki höndla það þegar leikurinn fór út í það að vera með taugarnar þá var Akureyri bara miklu sterkara en skynsemin í sókn Fylkis þegar mest á reyndi var ekki mikil.

Til að byrja með verð ég að minnast á þátt Ásbjörns Friðrikssonar sem var afar stór í dag en þessi 18 ára strákur kom inn á miðjuna og var gríðarlega öflugur. Hann var óragur og tók hreinlega stjórnina á liðinu í dag en það sést best hve vel hann spilaði að það var hann sem spilaði mikilvægustu mínútur leiksins á miðjunni og Kuzmins í hægri skyttunni. Haldi þessi strákur áfram að vera þetta ákveðinn og óragur mun hann gera afar góða hluti í vetur en Ási setti 6 mörk í dag. Þá verður að minnast á það að Ásbjörn komst vel frá hlutverki sínu varnarlega en hann spilaði lengi fyrir framan í 5+1 vörn.
Magnús átti nokkuð góðan dag en þegar hann var á fullu í dag þá var hann óstöðvandi. Hann byrjaði leikinn afar rólega en síðan kemst hann í gang og skorar fjögur mörk í röð en Maggi endaði með 7 öflug mörk í dag og lék afar góða vörn í seinni hálfleik. Kuzmins átti ágætis spretti inn á milli og átti flott skot utan af velli í dag sem er eitthvað sem mann hefur lengi langað að sjá frá honum. Aigars var slakur sóknarlega sem og Nikolaj sem átti afleitan dag í dag. Goran nýtti vítin vel og var ágætur í horninu. Þorvaldur stjórnaði vörninni frábærlega í seinni hálfleik og var þar akkeri hennar. Í sókninni hafði hann sig lítið í frammi en skoraði þó afar mikilvægt mark í leiknum þegar hann kom Akureyri í 26-24.
Þá var afar gaman að sjá Andra Snæ í vinstra horninu en hann lék frábærlega í dag. Það skein áræðni af Andra í dag og var hann afar virkur. Andri skoraði fimm mörk í fyrri hálfleik og endaði leikinn með sex en þetta er nákvæmlega ógnin sem maður hefur svo sárlega beðið eftir frá vinstra horninu.
Í markinu fór Sveinbjörn vel af stað og varði 3 skot fyrstu fimm mínúturnar en ekkert næstu átta og spilaði Hreiðar svo rest. Hreiðar var afar lengi í gang en seinustu 8 mínútur leiksins var hann afar þýðingarmikill en hann ver fjóra afar stóra bolta í lokinn og endar með 11 bolta varða.

Maður leiksins: Það bar enginn af í dag og í raun enginn með neinn stjörnuleik. Ásbjörn Friðriksson fær titilinn að þessu sinni fyrir sína innkomu. Það sem hann sýndi í dag voru mikil þroskamerki en hann er greinilega klár í að spila hörkuleiki á þessum tímapunkti.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson