2 dagar í leik: Allt um lið Stjörnunnar


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Leikurinn verður í Beinni Lýsingu		10. nóvember 2006 - ÁS skrifar 2 dagar í leik: Allt um lið Stjörnunnar Á sunnudaginn klukkan 16:00 leikur karlalið Akureyrar sinn leik í 6. umferð DHL-Deildarinnar. Leikur liðsins í 4. umferð sem er gegn Fram var frestað og verður leikinn 22. nóvember. Akureyri fer suður á sunnudaginn og mætir þar Stjörnunni. Bæði lið eru að gera góða hluti, Stjarnan hefur unnið tvo leiki í röð eftir slaka byrjun en við skulum hinsvegar kíkja aðeins á lið þeirra. Bikarmeisturum Stjörnunnar var spáð 4. sætið í deildinni og þar með sæti í deildarbikarnum. Liðið byrjaði ekki vel, tapaði fyrstu þrem leikjum sínum en er komið á beinu brautina núna. Tímabilið til þessa Liðið varð Meistari Meistaranna með því að leggja Íslandsmeistara Fram örugglega að velli fyrir tímabilið. Fram náði hinsvegar hefndum í fyrstu umferð deildarinnar er Fram lagði Stjörnuna 26-30 í fyrstu umferð deildarinnar. Stjarnan tapaði aftur á heimavelli í næsta leik og þá gegn HK, lokatölur 23-28. Liðið tapaði síðan þriðja leiknum á tímabilinu er liðið tapaði 30-29 fyrir Val. Þjálfarapar Stjörnunnar hætti eftir tapið gegn Val og eftir það hefur liðið sigrað ÍR, 30-25 og svo Hauka á Ásvöllum 29-33. Í millitíðinni sló liðið út HK í Bikarkeppninni á heimavelli HK. Stjarnan tók þátt í Evrópukeppni Bikarhafa og mætti þar liði RK Agram Medvescak Zagreb frá Króatíu. Liðið tapaði stórt 36-29 í Króatíu en sýndi svo sínar bestu hliðar á löngum köflum í fyrri leiknum og vannst leikurinn 28-22. Liðið féll þar með úr leik en það var aðeins vegna þeirra eigin klaufaskap að liðið komst ekki áfram. Árangur Stjörnunnar á síðustu leiktíð Stjarnan varð Bikarmeistari í fyrra þegar liðið lagði Hauka í úrslitaleik. Stjarnan endaði í 5. sæti í deildinni aðeins einu stigi frá sæti í Deildarbikarnum. Helstu leikmenn liðsins Patrekur Jóhannesson er allt í öllu í liði Stjörnunnar. Þessi fyrrum leikmaður KA er maðurinn sem bindur saman varnarleik liðsins og þá gengur allur sóknarleikur liðsins í gegnum hann. Til að sigur náist gegn Stjörnunni þarf að stöðva Patrek. Tite Kalandadze er hrikalega öflugur í vinstri skyttunni hjá Stjörnunni. Tite getur skorað að vild þegar hann er kominn í gírinn og getur hann raðað inn mörkunum. Erfitt getur verið að stöðva hann þar sem hann skýtur mikið fyrir utan en hann á góðar fintur einnig. Elías Már Halldórsson leikur í hægra horni Stjörnunnar og hefur verið iðinn það sem af er tímabilinu að skora. Elías er snöggur upp í hraðaupphlaup og þá klárar hann færin sín afar vel í horninu. Elías græðir vel á því hversu öflug stimplun Stjörnumanna er en hún byrjar í vinstra horninu og endar yfirleitt alltaf á því að gott færi fæst í því hægra. David Kekelia hefur verið að leika í hægri skyttu fyrir Stjörnuna en hann er einnig frábær hornamaður. Kekelia er baneitraður leikmaður, sterkur og mjög seigur leikmaður. Hann klikkar ekki oft þegar hann kemst í færi og vinnur vel fyrir liðið. Roland Valur Eradze er markvörður Stjörnunnar. Hann hefur verið að stríða við meiðsli en það hefur ekki komið í veg fyrir að hann sýni frábæra spilamennsku. Roland nýtur góðs af því hversu góða vörn Stjörnuliðið er að spila og það er víst að sóknarleikur Akureyrar gæti lent í vandræðum gegn Stjörnunni. Til að Akureyri nái að leggja Stjörnuna að velli á sunnudaginn þá þarf liðið að spila agaðan sóknarleik til að finna glufur á frábærri vörn Stjörnunnar og helst að ná upp miklum hraða í leikinn þar sem lið Stjörnunnar leikur þungan bolta. Vörnin þarf svo bara að halda áfram þeirri vinnu sem hún hefur verið að sýna í síðustu leikjum. Stjarnan - Akureyri, Ásgarður 12. nóvember klukkan 16:00 Heimasíðan hvetur alla Akureyringa sem staddir eru fyrir sunnan að kíkja á þennan hörkuleik. Aðrir geta fylgst með Beinni Lýsingu hér á síðunni frá leiknum en þetta er leikur sem skiptir gríðarlega miklu máli.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson