Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Spilamennskan var ekki nægilega góð í dag









16. nóvember 2006 - SÁ skrifar 

Akureyri slær út ÍR2 (umfjöllun)

Hún var ekki mikil skemmtunin sem áhorfendum var boðið uppá í kvöld þegar ÍR2 kom í heimsókn og spilaði við Akureyri í 16-liða úrslitum SS-Bikarsins. Framan af var jafnræði með liðunum en í stöðunni 5-6 undir bæta leikmenn Akureyrar í og leiða 19-12 í hálfleik. Seinni hálfleik lauk svo með jafntefli og niðurstaðan 33-26 sigur okkar manna sem eru því komnir í 8-liða úrslit.

Finnur Jóhannsson skoraði fyrsta mark leiksins fyrir ÍR2 sem voru ekkert verri en slakir Akureyringar framan af leik. Akureyri leiðir 5-3 en þá koma þrjú mörk frá ÍR2 og liðið komið 5-6 yfir eftir 11 mínútna leik. Þá loksins kviknar aðeins á liði Akureyrar sem hafði verið sofandi fram af þessu. Næstu 19 mínútur voru þeirra skástu í leiknum og leiðir liðið 19-12 í hálfleik eftir að hafa skorað mikið úr hraðaupphlaupum.

Seinni hálfleikur í heild sinni var jafn slakur og fyrstu 11 mínúturnar en skortur á því að nenna að spila þennan leik einkenndi liðið. Akureyri komst í 24-15 og 27-18 en þá hreinlega hættir liðið algjörlega að leika og ÍR2 minnkar muninn í fimm mörk stuttu síðar, 29-24 og svo aftur í 30-25. Akureyringar náðu þó að halda jöfnu í seinni hálfleik þegar gestirnir voru farnir að leika sér og 33-26 sigur niðurstaðan í kvöld.

Spilamennskan var alls ekki merkileg og hreinlega léleg. Liðið nennti ekki að spila leikinn og greinilega komið með hugann við leikinn við HK á sunnudaginn næsta. Fátt jákvætt var þannig séð í leiknum. Kannski það sem maður helst tekur eftir var að liðið var að fá mjög mikið af hraðaupphlaupum i fyrri hálfleik þar sem Andri Snær fór fremstur í flokki en hann gerði 7 hraðaupphlaupsmörk í leiknum.
Neikvætt var náttúrulega spilamennskan heilt yfir hjá liðinu og virtist liðið lengst af ekkert betra en lið sem æfir ekki handbolta. Þá þótti mér þeir leikmenn liðsins sem lítið leika, og fengu þarna mikið af mínútum, komast mjög illa frá sínu en hreinlega átakanlegt var að fylgjast með þeim gegn utandeildarliði í handknattleik. Leiðinlegt er að sjá menn ekki reyna að nýta alla sénsa sem þeir fá.

Hins vegar er lítið að velta sér uppúr skemmtanagildi leiksins og spilamennsku liðsins mikið lengur. Það sem öllu máli skiptir er að liðið er komið í 8-liða úrslit SS-Bikarsins og þarf því einungis að vinna þrjá leiki til að vinna bikarinn stóra.

Næsta verkefni er þó HK á sunnudaginn næsta og verður það toppslagur svo um munar. Vonandi er að áhorfendur fjölmenni á leikinn og styðji við bakið á okkar mönnum en leikurinn er einn sá stærsti hjá liðinu í vetur.

Maður leiksins: Andri Snær, fyrir það eitt að hlaupa fram og nýta öll sín 8 færi - varnarlega var hann ekki nógu góður.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson