Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Sókn Akureyrar varð liðinu að falli í kvöld










19. nóvember 2006 - SÁ skrifar 

HK leggur Akureyri (umfjöllun)

Hann var lengi af stað leikur Akureyrar og HK en endalausar seinkanir vegna ófærðar gerðu það að verkum að leikurinn hófst 20:45. Þrátt fyrir það mætti gríðarlegur fjöldi fólks á leikinn og var mikil stemmning. Segja má að Akureyri hafi alls ekki staðið undir allri þessari seinkun og voru langt frá því að sýna áhorfendum það sem þeir geta, í sókn það er. Eftir að hafa leitt 6-12 í hálfleik vann HK sanngjarnan sigur 20-22 í leik sem Akureyringar voru sjálfum sér verstir.

Akureyri byrjaði leikinn vel og komust í 2-0. Fyrstu 10 mínúturnar rúmlega voru fínar og er Akureyri 5-4 yfir eftir 12 mínútur. Þá kemur ótrúlega lélegur kafli hjá Akureyri þar sem hugmyndalaus og skelfilegur sóknarleikur var einkennandi. HK klárar hálfleikinn gríðarlega vel og hreinlega valtaði yfir Akureyri en staðan var 6-12 í hálfleik fyrir gestina.
Seinustu 18 mínúturnar skorar Akureyri sem sagt eitt mark, já eitt mark. Það sem meira er þá kemur þetta mark einum leikmanni færri sem segir ansi mikið um sóknarleik Akureyrar sex saman. Manni fleiri voru þeir svo ekkert skárri og nýttu þá kafla ekki vel. Varnarlega var spilamennskan að venju mjög góð en sóknarleikurinn var það ömurlegur að frábær vörn kom liðinu ekki nær HK en 6 mörk. Þá verður það að teljast dapurt að Hreiðar Levý varði ekki skot seinustu 17 mínútur hálfleiksins eftir að hafa varið 4 þangað til.
HK var að leika flotta vörn, það verður ekki að þeim tekið, en þeir voru ekki þetta góðir þar. Í sókn HK var mun meira í gangi en hjá okkar mönnum. Þó átti þeir afar erfitt fyrir gegn okkar mönnum.

Akureyri byrjar seinni hálfleikinn mjög vel og kemst með frábærri vörn strax inn í leikinn en Sveinbjörn, sem kominn var í markið, fékk til að mynda einungis tvo skot á rammann fyrstu 10 mínúturnar sem hann lék. Akureyri minnkar í 13-14 eftir 13 mínútna leik í seinni hálfleik. Mikil stemmning var þá komið í húsið en þrátt fyrir það náði HK að vinna sig aftur frá okkar mönnum. Þeir komast í 14-17 og svo 15-19 þegar sjö mínútur voru eftir af leiknum.
Akureyri kemur til baka og minnkar muninn í 18-20 en þá hafði Hreiðar sem var nýkominn inn varið tvo mikilvæga bolta. Hreiðar tekur svo mikilvægt skot í þessari stöðu og Akureyri keyrir upp völlinn í þeirri von um að minnka muninn í eitt mark þegar tæpar tvær mínútur voru eftir. Á leiðinni upp völlinn missir Ásbjörn boltann og HK skorar mark í bakið á okkar mönnum. Sénsinn á að ná stigi var því úr stöðinni og vann HK að lokum 20-22 sigur.

Til að byrja með þá var varnarleikur Akureyrar frábær í kvöld og sanna 22 mörk hjá HK það. Með þessa frábæru vörn hefði maður hins vegar viljað sjá markmennina taka þónokkra bolta í viðbót en nokkur HK markanna fannst manni vera of auðveld. Menn hafa löngum sagt að varnarleikur sé 70% í handknattleik og sóknarleikur 30% og er ég sammála því. Hins vegar votu þessi 30% svo léleg að varnarleikur Akureyrar í leiknum strokaðist svo um munaði út.

Sóknarlega beið liðið afhroð í dag og það að setja 6 mörk í einum hálfleik í handknattleik er eitthvað sem ekki hefur sést síðan 1994. Hugmyndafræðin var enginn í sókninni og ekkert í gangi nær allan leikinn. Boltinn gengur svo hægt milli manna að það nær engri átt. Ógn leikmanna er sáralítil og einkennist sóknarleikur Akureyrar af því að menn eru hræddir við að gera mistök. Þegar menn eru hræddir við að gera mistök og forðast þau svo um munar munu menn aldrei ná árangri. Til þess að áorka einhverju þarftu að vera tilbúinn að gera mistök í því og virtust örfáir leikmenn Akureyrar tilbúnir að taka á skarið í dag.

Alex Kuzmins var í raun eini leikmaður Akureyrar sem spilaði fyrir utan sem þorði að gera eitthvað í leiknum og var virkilega að reyna á fullum krafti. Alex átti alls engan stjörnuleik en var eini maðurinn sem lagði sig fram af þeim leikmönnum Akureyrar sem spiluðu fyrir utan. Við hlið hans voru hins vegar menn sem enga ábyrgð þorðu að taka í dag og var það ástæðan fyrir því að sóknarleikurinn var svona slæmur. Aigars var afleitur í dag og hreinlega óskiljanlegt hve mikinn spiltíma hann fékk en engin ógn var af honum sóknarlega og gerði hann fátt annað en að fá aukaköst sem er alls ekki kostur hjá sóknarmönnum.
Magnús var gríðarlega kraftlaus í dag og ótrúlegt að sjá mann sem getur svo mikið þegar hann er á fullu gera svona lítið. Eina mark Magga kemur eftir að stillt var upp fyrir hann í aukakasti. Ásbjörn var alltof æstur í leiknum og reyndi of mikið. Það segir kannski svolítið mikið að Sævar og Rúnar sá þann kost vænstan sóknarlega að láta Rúnar klára leikinn en það hlýtur að vera langt frá því að vera sú lausn sem þeir kjósa á lokamínútum leiksins.
Andri Snær var svo eini leikmaður Akureyrar ásamt Kuzmins, fyrir utan línumennina kannski, sem var að reyna á fullum krafti. Andri var mjög slakur í fyrri hálfleik en reif sig svo sannarlega upp í seinni og setti þar fimm góð mörk ásamt því að spila góða vörn. Aðrir leikmenn hefðu mátt taka sig saman líkt og hann gerði. Nikolaj skilaði engu og Goran ekki heldur nema auðvitað að nýta vítin sín frábærlega. Línumennirnir áttu fína leiki en þegar ógnin fyrir utan er jafn lítil og hún var í dag er ekki hægt að biðja þá um mikið.
Varnarlega er í raun óþarfi að taka menn sérstaklega fyrir en þar voru menn að spila mjög vel. Eitt skil ég þó ekki og er það að liðið byrjar aldrei með sitt sterkasta lið varnarlega en Rúnar þjálfari byrjar alltaf á bekknum. Það hefur marg sannað sig í vetur að þegar hann kemur inn í vörnina verður hún alltaf mun betri og því óskiljanlegt að Rúnar láti sjálfan sig ekki byrja.

Eins og ég áður sagði þá voru Akureyringar sjálfum sér verstir í dag. Hugleysi flestra manna sóknarlega og hugmyndasnauður sóknarleikur var áberandi. Hins vegar er það helvíti slæmt þegar sóknarleikurinn manni fleiri er jafnvel enn hugmyndasnauðari en þegar liðin spila jafnmörg inná vellinum. Akureyri voru manni fleiri í 8 mínútur, ég legg áherslu á manni fleiri. Þessum 8 mínútna kafla einum leikmanni fleiri tapar liðið 1-2. Það sem meira er er svo að þetta eina mark kemur úr víti sem fiskað var áður en HK fékk þessar tvær mínútur. Þannig að í raun skorar Akureyri ekki mark einum fleiri í 8 mínútur. Það er hreinlega óásættanlegt og eitthvað sem verður að laga.

Komandi vika er stór en á miðvikudaginn leikur liðið við Fram úti og svo á sunnudaginn næsta Val heima. Mikilvægi þessarar viku er gríðarlegt en ætli Akureyrar liðið sér eitthvað í þessum leikjum þá einfaldlega verða menn að fara að berja í sig kjark sóknarlega og þora að taka af skarið. Menn verða að vera tilbúnir að klikka því öðruvísi mun maður aldrei vinna handboltaleiki. Með þennan sóknarleik nær liðið ekki að vinna þessi lið, það er alveg ljóst.

Maður leikins: Alex Kuzmins. Fyrir það að vera eini leikmaður Akureyrar fyrir utan sem þorði að sækja á markið í dag og var óragur.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson