Ótrúleg ósanngirni


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Akureyri fær ekki einn einasta leik í sjónvarpi fram að jólum á meðan öll önnur lið fá leiki		29. nóvember 2006 - SÁ skrifar Ótrúleg ósanngirni Segja má með sanni að niðurröðun þeirra leikja DHL-Deildarinnar í handknattleik sem sýndir verða beint í sjónvarpi einkennist af ótrúlegri ósanngirni, en á meðan sum lið eru sýnd fimm sinnum fram að jólum eru önnur ekki sýnd einu sinni. Mín meining er sú að sýna eigi leiki liðanna nokkuð jafnt, sérstaklega þegar deildin er eins fáliðuð og hún er í dag, eða alla vega sýna leiki allra liða. Því eru forsvarsmenn RÚV greinilega algjörlega ósammála en þeir ætla að sýna Val leika 5 sinnum í þeim 7 leikjum sem þeir sýna fram að áramótum. Valur fær fimm leiki en næstu lið á eftir fá einungis tvo leiki. Það sem hins vegar mesta athygli vekur er það að RÚV mun ekki sýna einn einasta leik með Akureyri Handboltafélagi. Vissulega er Valur með virkilega gott lið en höfum það á bakvið eyrað að Akureyri var að leggja Valsmenn seinasta sunnudag með sannfærandi hætti. Þannig að eitthvað hlýtur að vera spunnið í lið Akureyrar og eitthvað hljóta þeir að hafa til að verðaskulda alla vega einn leik í sjónvarpi fram að áramótum. Oft hefur RÚV talað um að þeir reyni að styðja við bakið á landsbyggðarliðunum og sýna þeir það með algjörri andstöðu í verki. Akureyri er til að mynda eina landsbyggðarliðið í meistaraflokki karla í handbolta og fótbolta, hreint ótrúlegt er því að þeir sýni liðinu ekki minnsta áhuga. Lengi hefur það einkennt sýningar RÚV á handknattleikjum að þeir fara ekki til Akureyrar nema í brýnustu nauðsyn í þeim tilgang að sýna handboltaleiki en nú er algjöru lágmarki náð. Núna virðast þeir hreinlega hættir að sýna frá liðum Akureyrar almennt. Með sýningum leikja Akureyrarliða fyrir sunnan hefði maður haldið að það tryggði meira áhorf en áður þar sem stuðningsmenn Akureyrar fara yfirleitt ekki suður á leikina sjálfa. Á meðan stuðningsmenn liðanna fyrir sunnan fara auðvitað stystu leið á leiki sinna liða á höfuðborgarsvæðinu myndu Akureyringar klárlega horfa á leikinn í Sjónvarpinu. Að lokum er hér listi yfir hversu oft liðin verða sýnd fram að áramótum: Valur - 5 sinnum Stjarnan - 2 sinnum ÍR - 2 sinnum HK - 2 sinnum Haukar - 1 sinni Fram - 1 sinni Fylkir - 1 sinni Akureyri - 0 sinnum Sanngjarnt?
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson