Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Akureyri fer í baráttuna á efri hlutanum







12. apríl 2007 - SÁ skrifar 

Akureyri slátraði Fylki (umfjöllun)

Karlalið Akureyrar tók á móti Fylki í kvöld. Fylkismenn voru að spila fyrir lífi sínu á meðan Akureyringar voru á þeim tímapunkti að ákveða hvort þeir ætluðu í baráttuna á efri eða neðri hlutanum. Strax frá byrjun sást að Akureyri ætlaði sér í efri hluta deildarinnar og valtaði Akureyri hreinlega yfir Fylki 31-22 eftir að hafa komist enn meira yfir.

Strax á fyrstu mínútum var ljóst að Akureyri var klárt í leikinn en liðið komst í 5-0. Fylkir minnkar muninn og næstu mínútur var munurinn á bilinu 3-4 mörk. Akureyri kemst svo með góðum kafla í 10-4. Aftur minnkar Fylkir muninn en þeir komust aldrei nær en þrjú mörk. Akureyri nær svo að enda hálfleikinn ágætlega og staðan 14-10 í hálfleik.

Í fyrri hálfleik hafði Akureyri verið að leika frábæra 3-2-1 vörn en áttu í miklum vandræðum með Arnar Jón. Í seinni hálfleik gerði Rúnar Sigtryggsson eins og ég bað hann um í hálfleik eða fara á Arnar og klára hann og átti Fylkir aldrei séns í seinni hálfleiknum. Akureyri fer strax í 19-11 og svo 24-13 eftir 43 mínútur. Lokatölur urðu 31-22 sigur Akureyrar.

Spilamennskan í dag var hreint frábær. Vörnin fyrst og fremst frábær en Akureyri lék 3-2-1 vörn framan af. Í fyrri hálfleik átti Akureyri í raun í vandræðum með einungis einn leikmann en þeir lokuðu á hann í seinni hálfleik. Það segir kannski allt sem segja þarf um vörnina að eftir 44 mínútur hafði liðið einungis fengið á sig 13 mörk. Andri Snær lék frábærlega fyrir framan en hann er að sanna með spilamennsku sinni fremst í 3-2-1 vörn í undanförnum leikjum hve gríðarlega góður varnarmaður hann er. Fylkir skorar ekki mark úr vinstri skyttu á Aigars allan leikinn en sá gamli var hreint frábær í þriðja seinasta leik sínum á ferlinum. Þá verður að minnast á Hörð Fannar sem stjórnaði vörninni frábærlega og var í raun með allt á hreinu í dag. Út frá vörninni fékk liðið frábæra markvörslu og fjölmörg hraðaupphlaup.

Sóknin bara ansi góð lengst af leiknum og menn yfirleitt að fá fín færi. Liðið spilaði saman sóknarlega í dag og fann færin með tímanum. Menn voru grimmir og ákveðnir og uppskáru eftir því. Þó fannst mér liðið vera að klikka á of mörgum dauðafærum bæði í sókninni og hraðaupphlaupum.

Með sigrinum í dag jafnar Akureyri lið Stjörnunnar í 4. sæti deildarinnar. Liðin mætast svo á sunnudaginn næsta og klárt mál að sá leikur verður upp á líf og dauða en 4. sætið gefur einmitt sæti í Deildarbikarnum. Nái okkar menn að klára í 4. sæti er tímabilið í raun vel heppnað en vitað var fyrirfram að þessi sameining tæki nokkurn tíma og aðalatriði að halda sér uppi á fyrsta ári. Það er nú endanlega ljóst að Akureyri heldur sér uppi og verða menn auðvitað að stefna upp á við.

Frammistaðan í dag var alla vega eitthvað sem lið í toppklassa sýna. Þetta er það sem maður hefur beðið mikið eftir frá liðinu eftir áramót og það sprakk eiginlega allt út í dag. Það hefur löngu verið sannað að þegar Akureyri er á fullu og þá sérstaklega varnarlega er liðið fjandi gott. Það gerðist í dag og svona getur Akureyri unnið hvaða lið sem er. Allir leikmenn liðsins eru að skila og er það gríðarlega jákvætt. Svona vinna menn einfaldlega handboltaleiki.

Maður leiksins: Vörnin var öll frábær en einn fannst mér þó bera af, Andri Snær Stefánsson. Fylkismenn áttu engan séns gegn Andra Snæ sem fer ekki inn á handboltavöllinn nema á 100% krafti.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson