Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Sá Gamli var hylltur fyrir leik og hefur sjaldan verið betri en gegn HK í gær





23. apríl 2007 - SÁ skrifar 

Jafntefli í seinasta leik

Akureyri tók á móti HK í gær í seinasta leik tímabilsins. HK menn voru í séns á að vinna Íslandsmeistaratitilinn en til þess þurftu þeir fleiri stig en Valur í seinustu umferðinni. Akureyri sýndi flotta spilamennsku í leiknum og lauk leiknum með jafntefli 27-27 og Valur því Íslandsmeistari.

Akureyri kom á óvart og byrjaði á að taka tvo leikmenn HK úr umferð. Það gekk ekki alveg sem skildi þrátt fyrir að HK-menn ættu tiltiölulega erfitt að finna mörkin sín. Gestirnir fóru í 5-7 eftir 11 mínútna leik og fer þá Akureyri í 6-0 vörn. HK fer í þriggja marka mun en Akureyri komst svo alltaf nær og nær. Undir lok fyrri hálfleiks voru þeir búnir að ná að jafna 13-13 en HK skoraði seinasta mark hálfleiksins og staðan 13-14.

HK kom af krafti út úr búningsherbergjum og fór í 14-17. Akureyri kemur þá með frábæran leikkafla og fer 19-18 yfir. HK kemur til baka, skorar næstu þrjú mörk og fer í 19-21. Það forskot var ekki langlíft því Akureyri jafnar um hæl og kemst 24-22 yfir og svo aftur 26-23 þegar rúmar 5 mínútur voru eftir. Staðan orðin ansi vænleg en þá reka dómarar leiksins Goran Gusic útaf ranglega og drap það hreinlega leikinn fyrir okkar menn og vann eitt stig fyrir HK í þessum leik. Gestirnir skoruðu næstu þrjú mörk og jafna 26-26. Leiknum leik svo með 27-27 jafntefli eftir að Akureyri hefði átt tækifæri á að skora í seinustu sókninni.

Spilamennskan var flott í gær og leiðinlegt að taka ekki tvö stig þegar liðið leikur svona vel. Hins vegar var liðið slakt einum leikmanni færri og þessi fáránlegi brottrekstur á Goran það sem kom HK aftur inn í leikinn. Leikmenn Akureyrar börðust frábærlega og var í heildina bara gaman að sjá liðið. Varnarleikurinn var flottur þó það vantaði upp á markvörsluna. Í sókninni virtust menn vera farnir að leika betur saman en oft áður en það að gera jafntefli við næst besta lið landsins er ekki slakt.

Aigars Lazdins lék sinn seinasta leik á Íslandi í það minnsta en hann fer til Lettlands að þjálfa og til fjölskyldunnar. Sá Gamli lék stórkostlega í leiknum og þessi leikur frábær endir á ferli hans hérna heima. Hann sýndi í raun allt sem hann hefur verið að gera á þessum árum en útsjónarsemin og klókindin hafa aldrei verið meiri en það er bara ótrúlegt að sjá mann sem hefur hægst svona mikið á leika jafn vel og Aigars gerði í dag.

Lið Akureyrar sýndi það sem það getur í þessum leik, engin vafi er á því. Það er bara leiðinlegra að þeir skyldu ekki gera það oftar í vetur og enda einhverjum sætum ofar því liðið er klárlega með getu fyrir eitthvað af efstu fjórum sætunum. Menn verða nú að styrkja sig og fyrst og fremst ná að spila leikinn allar 60 mínúturnar.

Maður leiksins: Aigars Lazdins
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson