Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Halldór Jóhann Sigfússon og Andrius Stelmokas



17. maí 2007 - ÁS skrifar 

Fer Halldór Jóhann í sterkustu deild heims?

Halldór Jóhann Sigfússon leikstjórnandinn sterki sem leikur úti með Tusem Essen getur á laugardaginn tryggt sér sæti í sterkustu deild í heimi. Essen fékk Dóra fyrir síðasta tímabil og keypti hann frá KA en þá var liðið í neðstu deild eftir að hafa orðið gjaldþrota. Dóri hefur leikið stórt hlutverk í endurbyggingu félagsins en liðið sigraði neðstu deildina í fyrra og hefur verið efst í 2. deild suður í allan vetur.

Á laugardaginn fer fram síðasta umferðin í deildinni og á lið Essen eftir gríðarlega mikilvægan leik. Liðið mun mæta Bayer Dormagen á útivelli en liðin eru jöfn með 51 stig fyrir lokaumferðina. Fyrri leikur liðanna í vetur endaði með 28-28 jafntefli á heimavelli Essen. Aðeins efsta liðið í deildinni mun fara beint upp og til að það gerist þarf Essen að sigra eða gera jafntefli með því að skora fleiri en 28 mörk.

Það væri frábært fyrir Dóra og félaga í Essen að komast upp í Bundesliguna en hún er sterkasta deild í heimi um þessar mundir en það sést best á því að þýsk lið unnu í vetur allar þrjár Evrópukeppnirnar. Halldór hefur skorað 89 deildarmörk í 32 leikjum og gert 29 úr vítum.

Eins og fyrr kom fram fer leikurinn fram á laugardaginn á heimavelli Dormagen.

Þá er fyrrum leikmaður KA og Þórs, Andrius Stelmokas, sem nú leikur með Füchse Berlin á leiðinni í Bundesliguna. Lið hans Füchse Berlin hefur haft gríðarlega yfirburði í 2. deild Norður og hefur einungis tapað tveim leikjum í vetur og alls 4 stigum. Andrius lék áður með Göppingen í Bundesligunni en fór til Füchse Berlin fyrir tímabilið og hefur hann leikið ákaflega vel fyrir liðið.

Andrius hefur skorað 161 mark í 33 leikjum og ekkert úr víti. Hann er 15 markahæsti maður 2. deildar Norður og er annar markahæsti maður Füchse Berlin. Það verður virkilega gaman að sjá Andrius aftur í bestu deild heims á næsta tímabili en hann er á góðum samning hjá Berlínarliðinu, en átti einmitt að vera maðurinn sem að átti að koma Füchse Berlin upp um deild.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson