Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Það verður nóg að gera á næstunni

24. ágúst 2007 - Akureyri Handboltafélag skrifar

Boltinn byrjar að rúlla á ný

Eftir miklar og strangar æfingar í sumar líður nú senn að því að Akureyrarliðið dusti rykið af búningunum. Helgina 31. ágúst til 2. september tekur liðið þátt í Reykjavík Open, helgina á eftir fer svo Kaffi Akureyri-mótið fram hér á Akureyri en þá er aðeins vika í að Íslandsmótið sjálft fari af stað.

Reykjavík Open hefst miðvikudaginn 29. ágúst en okkar menn mæta til leiks tveimur dögum síðar. Akureyri handboltafélag er með HK1, FH, ÍR2 og Haukum(U) í riðli og fara leikirnir fram í Austubergi í Breiðholtinu. Fyrsti leikur okkar í mótinu fer fram á föstudaginn klukkan 17 gegn HK1 en næsti leikur er svo klukkan 20 gegn FH.

Á laugardag mæta svo okkar menn ÍR2 klukkan 9 og svo loksins Haukum(U) klukkan 12. Framhaldið ræðst svo að sjálfsögðu af gengi liðsins í riðlinum.

Helgina 7.-9. september fer svo Kaffi Akureyri mótið fram í KA húsinu, en þetta mót hefur í gegnum árin verið betur þekkt sem Sjalla mótið. Alls munu fjögur karlalið taka þátt í þessu hraðmóti en einnig verður leikið í kvennaflokki. Þau lið sem mæta munu til leiks í karlaflokki eru ÍR og FH, auk þess sem okkar menn munu senda tvö lið til leiks. Spilað verður á föstudag og fram á miðjan dag á laugardeginum.

Íslandsmótið í handknattleik fer svo af stað föstudaginn 14. september með tveimur leikjum en þá mætast HK og Stjarnan í Digranesinu og Íslandsmeistarar Vals taka á móti Haukum á hinum nýja og glæsilega heimavelli sínum, Vodafone höllinni að Hlíðarenda.

Okkar menn hefja svo leik daginn eftir, laugardaginn 15. september, og leggja þá land undir fót og mæta lærisveinum Bjarka Sigurðssonar í Aftureldingu. Leikurinn fer fram að Varmá og hefst klukkan 16 og hvetjum við alla sem vettlingi geta valdið að leggja leið sína í Mosfellsbæinn og styðja við bakið á okkar mönnum. Það er ljóst að góð byrjun í mótinu getur skipt sköpum fyrir framhaldið í mótinu og því mikilvægt að allt sé til reiðu í fyrsta leik.

Fjórði leikurinn í þessari fyrstu umferð er svo leikur Eyjamanna og Framara en sá leikur fer fram í Eyjum á laugardaginn klukkan 15.

Fyrsti heimaleikur vetrarins fer svo fram laugardaginn 22. september klukkan 16 og hefst heimaleikjavertíðin með sannkölluðum stórleik þegar Framarar koma í heimsókn en þeir bláu hafa verið iðnir við kolann á leikmannamarkaðnum í sumar.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson