Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan




    Fréttir                       Þú flettir milli frétta með örvalyklunum eða smellir á bláu örvarnar! 

Ásbjörn var í miklum ham og skoraði 10 mörk í kvöld



6. nóvember 2007 - Akureyri handboltafélag skrifar

2. flokkur karla kominn áfram í bikarnum

Í kvöld tók 2. flokkur á móti sterku liði FH í bikarkeppninni og fór leikurinn fram í Íþróttahúsi Síðuskóla. Það var vitað að lið FH er firnasterkt og því ekki laust við að spenna væri í loftinu þegar leikurinn hófst.

FH-ingar reyndust sterkari aðilinn í upphafi, komust í 0-2 og voru ávallt tvem til þrem mörkum yfir allt þar til í stöðunni 9-11. Þó tóku okkar drengir sig til og skoruðu næstu fimm mörk og breyttu stöðunni með frábærum leik í 14-11. FH ingar virtust ekki eiga nein svör við stórleik strákanna sem héldu uppteknum hætti og í hálfleik var staðan 18-13.

Í síðari hálfleik héldu yfirburðir strákanna áfram og var forystan lengst af átta til níu mörk, allt þar til í stöðunni 30-22. Þá gripu FH ingar til þess ráðs að taka tvo leikmenn, Ásbörn og Hákon úr umferð en þeir höfðu verið mjög drjúgir í markaskoruninni, við þetta riðlaðist sóknarleikurinn og söxuðu FH ingar jafnt og þétt á forskotið allt niður í 34-32 og leikurinn allt í einu orðinn spennandi en strákarnir gerðu engin mistök á lokamínútunum og skoruðu tvö síðustu mörk leiksins sem endaði með góðum sigri 36-32.

Eftir að hafa hrist af sér byrjunarslenið léku strákarnir stórgóðan handbolta og verður gaman að fylgjast með liðinu í vetur en það á greinilega alla möguleika á að berjast um þá titla sem eru í boði.

Mörkin dreifðust þannig:
Ásbjörn 10 (3 víti), Hákon 7, Heiðar Þór og Jón Þór 6 mörk hvor, Ágúst 3, Arnar 2, Eiríkur og Valdimar 1 mark hvor.

Markvarsla: Arnar stóð í markinu fyrri hálfleikinn og svo lokamínútur leiksins, hann var seinn í gang en stóð sig fínt eftir það og varði alls 15 skot í leiknum. Sveinbjörn var í markinu lengst af í síðari hálfleik en náði sér ekki alveg á strik en varði fimm bolta.

Það er því bjart framundan og ástæða til að óska strákunum og þjálfurum þeirra til hamingju með frammistöðuna.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson