Besti hægri hornamaður N1 deildarinnar
| | 8. nóvember 2007 - Akureyri handboltafélag skrifarGoran valinn besti hægri hornamaður N1 deildarinnarÍ dag var tilkynnt hverjir hafa verið útnefndir bestu leikmenn N1 deildarinnar þegar fjórðungur mótsins er liðinn. Okkar maður, Goran Gusic var valinn besti hægri hornamaður deildarinnar og óskum við honum til hamingju með viðurkenninguna. Annars eru útnefningarnar sem hér segir.
Augustas Strazdas, leikmaður HK, var valinn besti leikmaður fyrsta fjórðungs efstu deildar karla í handknattleik, N1 deildarinnar, en tilkynnt var um valið og kjör á liði fyrstu sjö umferðanna nú í hádeginu. Það er Handknattleikssamband Íslands í samvinnu við styrktaraðila deildarinnar, N1, sem stóð fyrir valinu. Strazdas var einnig valinn besta hægri handar skyttan á umræddu tímabili í deildinni en nú er lokið sjö umferðum af 28 í deildinni. Fram á þrjá leikmenn í úrvalsliðinu og efsta lið deildarinnar, Stjarnan, tvo.
Aðrir sem valdir voru í lið fyrsta fjórðungs N1 deildarinnar eru:
Markvörður: Björgvin Páll Gústavsson, Fram.
Vinstra horn: Gunnar Ingi Jóhannsson, Stjörnunni.
Vinstri skytta: Augustas Strazdas, HK.
Miðjumaður: Ólafur Víðir Ólafsson, Stjörnunni.
Hægri skytta: Jóhann Gunnar Einarsson, Fram.
Hægra horn: Goran Gusic, Akureyri.
Línumaður: Einar Ingi Hrafnsson, Fram.
Þjálfari fyrsta fjórðungs. Ference Buday, Fram.
Besta dómaraparið: Valgeir Ómarsson og Þorlákur Kjartansson.
Besta umgjörð leikja: Stjarnan.
Besti leikmaðurinn: Augustas Strazdas, HK.
HSÍ mun standa fyrir sambærilegu vali í N1 deild kvenna í næstu viku þegar þriðjungur Íslandsmótsins verður að baki.
Næst verður úrvalslið efstu deildar karla valið að lokinni, 14. umferð, upp úr miðjum desember. |
Úrvalsdeild karla
Senda skilaboð
Vefur KA
Vefur Þór
Fréttaleit
Þú flettir milli frétta með örvalyklunum eða smellir á bláu örvarnar!