Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Einar Logi átti stórleik í dag










22. nóvember 2007 - Akureyri handboltafélag skrifar

Æsispennandi lokasekúndur gegn HK

Það var svo sannarlega háspennuleikur sem Akureyri og HK buðu upp á í gærkvöldi. Eftir að HK hafði skorað fyrsta mark leiksins tóku leikmenn Akureyrar völdin á vellinum og breyttu stöðunni í 4-1 með hörku góðum leik. Þegar hér var komið sögu voru liðnar rétt rúmar fjórar mínútur af leiknum en þá tók við vægast sagt einkennilegur kafli því að á næstu fjórtán mínútum skoraði liðið ekki mark! Sem betur fer gekk HK ekkert sérstaklega heldur á þessum tíma en tókst þó að jafna leikinn þannig að eftir átján mínútna leik var staðan 4-4, aðeins átta mörk skoruð!

Þrátt fyrir fá mörk var leikurinn býsna hraður á þessum kafla, okkar menn með ein átta skot framhjá eða í stangirnar. Það sem eftir lifði fyrri hálfleiks var jafnt á öllum tölum en Akureyri þó alltaf með frumkvæðið í leiknum. HK náði að jafna 11-11 rétt fyrir lok fyrri hálfleiks.

Magnús var tekinn úr umferð mestallan hálfleikinn og eins og áður segir gekk sóknarleikurinn treglega um tíma en hrökk í gang síðustu tíu mínúturnar, þar munaði ekki síst um framtak Einars Loga sem ógnaði vel, skoraði þrjú mörk og fiskaði vítakast.

HK menn komu sterkari inn í seinni hálfleikinn og höfðu náð fimm marka forystu, 14-19 á fyrstu tíu mínútunum. Á þessum kafla fóru þó nokkur dauðafæri forgörðum eftir að búið var að galopna HK vörnina.

Í stað þess að brotna undan mótlætinu bitu okkar menn frá sér, skoruðu næstu þrjú mörk og leikurinn orðinn æsispennandi á ný. Þegar þrjár og hálf mínúta var eftir af leiknum minnkar Ásbjörn muninn í eitt mark, 25-26 og Goran minnkar aftur muninn í 26-27 eftir vítakast þegar ein og hálf mínúta var eftir af leiktímanum. Þessi síðustu andartök leiksins voru sannarlega taugatrekkjandi, HK fékk að hanga á boltanum ótrúlega lengi, manni færri fengu þeir hvert aukakastið á fætur öðru, Hörður Flóki varði þrívegis og loks þegar tuttugu sekúndur voru eftir komst Akureyri í sókn. Bætt var aukamanni í sóknina og á síðustu stundu átti Magnús hörkuskot sem small í stöng og því miður út og þar með rann leiktíminn út.

Það verður að segjast að það var verulega ósanngjart að fá ekki stig út úr þessum leik. Liðið sýndi á löngum köflum skínandi leik bæði í sókn og vörn og sýndi virkilegan karakter þegar það vann sig inn í leikinn eftir að hafa lent fimm mörkum undir. Ég held að það megi segja með fullum rétti að HK geti þakkað dómurum leiksins að þeir fóru með bæði stigin úr þessum leik, því að verulegt ósamræmi var lengst af í dómum þeirra, HK í vil.

Markalausa korterið í fyrri hálfleik reyndist dýrt þegar upp var staðið svo og alltof mörg dauðafæri sem fóru í súginn. Þorvaldur Þorvaldsson lék ekki með í dag þar sem hann nefbrotnaði í síðasta leik og þá var Hörður Fannar ekki heldur með vegna veikinda. Í þeirra stað lék Björn Óli á línunni lengst af.

En hvað um það þá sýndi liðið mikil batamerki frá síðustu leikjum og ástæða til að hrósa leikmönnum, ef strákarnir taka þessa grimmd og baráttu með sér í næstu leiki ættu svo sannarlega að nást hagstæð úrslit. Sérstaklega verður þó að geta framgöngu Einars Loga Friðjónssonar sem virkilega blómstraði í leiknum og skoraði sjö mörk, flest með sannkölluðum þrumufleygum, fiskaði tvö víti og sýndi nú svo sannarlega hvað í honum býr.

Mörk Akureyrar: Einar Logi 7, Magnús 5, Goran og Ásbjörn 3 hvor, Heiðar, Jónatan og Rúnar 2 hver, Andri Snær og Jankovic 1 hvor.

Markvarslan var þokkaleg lengst af en Hörður Flóki, sem stóð lengst af í markinu, sýndi sérstaklega frábæran leik síðustu tuttugu mínútur leiksins.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson