Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Stelpurnar sýndu flottan leik á laugardaginn





15. janúar 2008 - Akureyri handboltafélag skrifar

Sigur og tap hjá unglingaflokki kvenna

Unglingaflokkur kvenna hjá Akureyri Handboltafélagi lék tvo deildarleiki um helgina gegn sterku liði Stjörnunnar. Fyrir leikina var Stjarnan eina taplausa liðið í deildinni og hafði raunar unnið alla sex leiki sína. Fyrri leikurinn var í Höllinni á laugardaginn og er skemmst frá því að segja að Akureyrarstelpurnar mættu einbeittar til leiks, staðráðnar í að hefna fyrir tapið í meistaraflokksleiknum sem þá var nýlokið. Stjarnan hafði þó betur til að byrja með og leiddi með tveim mörkum í hálfleik.

Það hefur greinilega verið kraftur í hálfleiksræðu Jóhannesar þjálfara því að í seinni hálfleik snerist dæmið gjörsamlega við og stelpurnar léku við hvern sinn fingur og sýndu sinn albesta leik í vetur. Það er skemmst frá því að segja að Akureyrarstelpur unnu glæsilegan fimm marka sigur, 32-27 og fyrsta tap Stjörnunnar staðreynd.

Liðin mættust svo aftur á sunnudaginn en því miður tókst Akureyrarstúlkum ekki að fylgja eftir sigrinum frá deginum áður. Stjarnan leiddi með tveim mörkum í hálfleik, 10-12 og leiknum lauk síðan með þriggja marka sigri Stjörnunnar 19-22.

Eftir þessa tvo leiki eru stelpurnar í fjórða sæti deildarinnar með 8 stig eftir 8 leiki, fjóra sigra og fjögur töp. Þá eru þær komnar í 8-liða úrslit bikarkeppninnar og eiga því alla möguleika á að komast lengra þar.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson