Bústaður númer 3 skrifar frá Noregi


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Nóg að gera við að halda á sér hita í Noregi		25. janúar 2008 - Akureyri handboltafélag skrifar Bústaður númer 3 skrifar frá Noregi Kl. 22 að staðartíma á þriðjudagskvöldið lögðum við af stað frá KA-heimilinu. Við komum okkur þægilega fyrir í tveimur langferðabílum og lögðum í’ann suður. Ferðin gekk vel þrátt fyrir smávægilegt leiðindaveður. Við biðum í dágóðan tíma eftir því að geta innritað okkur og nokkrir mjög eðlilegir leikmenn tóku upp á því að stytta sér stundir með hjólastólarallýi í Leifsstöð við mikinn fögnuð öryggisvarðanna. Skemmst er frá því að segja að Jónatan, þrátt fyrir að vera oft talinn æstasti maður í heimi, rak lestina örugglega. Þegar við höfðum innritað okkur í flugið til Osló fórum við inn í fríhöfn og þar fengu flestir sér mjög sveitt egg og beikon, en þá var klukkan um 5.30. Sumir versluðu alls konar dót í fríhöfninni, eins og iPod, myndavélar, bækur og fleira. Þegar við lentum á Gardermoen flugvellinum í Osló tók við okkur gamalreynd handknattleikskempa að nafni Axel Stefánsson. Hann leiddi okkur út í rútu þar sem við hittum einn mesta öðling sem við höfum kynnst. Hann heitir Knut og hefur verið að stjana við okkur frá þessari stundu. Hann keyrir okkur hvert sem við viljum, bíður með súkkulaði handa okkur eftir æfingar, reddar okkur stöðum til að horfa á leikina í EM, pantar fyrir okkur mat, þvær búningana okkar, er alltaf klár með göngugrindina fyrir Valda (Þorgrím) og svo mætti lengi telja. Þvílíkur meistari. Við erum líka búnir að kaupa smá glaðning handa honum sem verður afhentur í lok ferðar. Þegar við komum í bústaðina okkar færðust bros á varir okkar. Bústaðirnir okkar voru mun betri en við þorðum að vona. Hér er allt til alls, nema þegar við komum fyrst, þá vantaði alveg hitann. Það var ískalt og við þurftum að bíða svolítið lengi eftir að hitinn næði völdum. Við spiluðum tvo æfingaleiki við Elverum þann dag og þegar við komum til baka voru bústaðirnir orðinn hlýir og góðir og við gripum í spil fyrir framan arininn. Liðunum var skipt þannig að þeir sem eru í öðrum flokki spiluðu saman gegn unglingaliði Elverum og svo spiluðu þeir eldri. Báðir leikirnir unnust og var það mjög jákvætt. Það sama var uppi á teningnum næsta dag en það fór ekki alveg eins vel. Yngra liðið vann sinn leik en þeir eldri lágu í þetta skiptið. Það verður svo að fylgja sögunni í fótboltanum í upphituninni á æfingu þennan dag unnu ungir glæsilegan sigur á gömlum, 9-0, þar sem meðal annars Siguróli Magni skoraði tvö mörk. Þvílíkur leikmaður. Í dag hefst svo mót. Þar leikum við gegn Elverum og sænska liðinu GUIF. Ein umferð í dag og önnur á morgun. Það verður væntanlega mjög gaman og að sjálfsögðu stefnt á sigur. Von er á framhaldi frá okkur í bústað 3 í kvöld eftir leikina. Kærlig hilsen fra kulden i Norge (Magnús, Einar Annar, Andri Snær, Heiðar og Sveinbjörn)
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson