Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Jónatan átti flottan leik í dag







31. mars 2008 - Akureyri handboltafélag skrifar

Góður vinnusigur á Aftureldingu

Fyrsti leikur Akureyrar í fjórðu og síðustu umferð N1 deildarinnar var heimaleikur gegn Aftureldingu úr Mosfellsbæ. Fyrir leikinn var það ljóst að með sigri væri úrvalsdeildarsætið orðið nokkuð öruggt og í upphafi leiksins var ljóst að liðið ætlaði sér að sýna að þar ætti það heima. Leikur liðsins var glimrandi góður og eftir tæplega tuttugu mínútna leik var staðan orðin 12-4 heimamönnum í vil. Leikmenn Aftureldingar virtust alls ekki vera mættir á svæðið og alls ekki líklegir til stórræðanna.

Þegar hér var komið sögu virtist hins vegar gjörsamlega slökkna á sóknarleik Akureyrar þannig að á næstu tuttugu mínútum leiksins skoraði liðið einungis eitt mark og það var raunar eftirtektarvert að það mark skoraði Sveinbjörn Pétursson markvörður með skoti þvert yfir völlinn, í þverslá og inn.

Undir lok fyrri hálfleiks braut Nikolaj Jankovic klaufalega af sér og fékk að launum beint rautt spjald sem þýðir væntanlega leikbann í einhverja leiki því eins og menn muna þá fékk hann tveggja leikja bann eftir brot gegn leikmanni Fram í bikarkeppninni. Í hálfleik var staðan 12-8 en þegar tíu mínútur voru liðnar af síðari hálfleik hafði Afturelding náð að minnka muninn niður í eitt mark í stöðunni 13-12 og í rauninni hægt að þakka Sveinbirni, sem átti stórleik í markinu í dag, að liðið var ekki í verulega vondum málum á þessum tíma leiksins. Markvörður Aftureldingar fór reyndar líka hamförum á þessum tíma og átti margar frábærar vörslur gegn okkar mönnum.

Okkar menn vöknuðu loks til lífsins og náðu fjögurra marka forystu 18-14 og höfðu nokkuð örugg tök á leiknum það sem eftir var. Einar Logi kom með fín mörk utan af velli á þessum tíma og Jónatan dreif sóknarleikinn áfram og mataði Hörð Fannar og Andra Snæ vel sem skilaði sér í mörkum og vítaköstum.

Leiknum lauk með þriggja marka sigri 25-22 sem var verðskuldaður þó svo að leikur liðsins hafi verið æði köflóttur. Bestu menn liðsins voru tvímælalaust Sveinbjörn markvörður og Jónatan Magnússon sem auk þess að skora tíu mörk skilaði miklum fjölda stoðsendinga sem gáfu ýmist mörk eða vítaköst. Þá virðist Andri Snær vera að komast á skrið eftir sín meiðsli, Einar Logi og Hörður Fannar áttu sömuleiðis fína spretti í leiknum.

Mörk Akureyrar: Jónatan 10 (6 víti), Einar Logi 5, Andri Snær og Hörður Fannar 3 hvor, Goran, Magnús, Oddur og Sveinbjörn 1 hver.

Eftir þrjá sigurleiki í röð er liðið vonandi komið á beinu brautina og nú þarf bara að halda áfram þeim stíganda sem verið hefur í liðinu frá áramótum og taka hraustlega á Frömmurum í næsta leik sem verður í Framheimilinu þann 5. apríl næstkomandi en þeir hafa reynst okkur erfiðir í vetur og unnið alla fjóra leiki liðanna.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson