Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Það er enginn myndaruglinur í gangi í dag, þetta er Sveinbjörn sjálfur

17. apríl 2008 - Akureyri handboltafélag skrifar

Sveinbjörn í viðtali í Fréttablaðinu í dag

Fréttablaðið er með viðtal við Sveinbjörn Pétursson í dag og fer það hér á eftir en Sveinbjörn hefur vakið verðskuldaða athygli með frábærri markvörslu upp á síðkastið. Viðtalið fer hér á eftir.

Er í miklu sambandi við Hreiðar Guðmundsson
Sveinbjörn Pétursson, tvítugur markvörður Akureyringa í N1-deild karla í handbolta, hefur blómstrað eftir að hann fékk meiri ábyrgð í vetur. Sveinbjörn hefur meðal annars varið fimm sinnum yfir tuttugu skot í síðustu sjö leikjum.

„Ég er búinn að finna mig mjög vel eftir áramót. Ég hef þurft að taka ábyrgð og mér finnst það hafa þroskað mig mikið og hjálpað mér í mínum leik," segir Sveinbjörn.

„Hreiðar var með okkur í fyrra og þá var maður meiri varaskeifa. Ég hef bara þurft að standa mig fyrir liðið og mér líkar það best að hafa ábyrgð á mínum herðum," segir Sveinbjörn, sem heldur þó áfram góðu sambandi við Hreiðar. „Ég hef verið í miklu sambandi við Hreiðar Guðmundsson eftir að hann fór út og það hefur hjálpað mér mikið í vetur að eiga líka einhvern sem ég get leitað til," segir Sveinbjörn.

Akureyrarliðið á enn möguleika á 5. sætinu en það er sex stigum á eftir Stjörnunni. „Við viljum klóra okkur upp í fimmta sætið. Það hefur vantað meistaraheppnina hjá okkur í vetur og það er munurinn á okkur og mörgum liðanna fyrir ofan okkur að þau hafa náð að klára þessa jöfnu leiki ólíkt okkur," segir Sveinbjörn en hann er einn af mörgum ungum mönnum í liðinu.

„Við erum nokkrir ungir strákar sem höfum fengið mikið að spila í vetur og það sést bara að þegar maður fær að spila sem mest þá þróast maður og þroskast mest sem leikmaður," segir Sveinbjörn, sem stefnir hátt.

„Ég ætla að leggja hart að mér í sumar og bæta það sem bæta þarf í mínum leik en svo kemur það í ljós hvernig maður verður næsta vetur. Ég horfi til þess að verða vonandi kominn í æfingahóp hjá landsliðinu eftir ár," segir Sveinbjörn og þjálfarinn er ánægður með hann.

„Sveinbjörn er búinn að standa sig frábærlega í vetur. Hann er allt önnur markmannstýpa en við eigum en hann hefur ekki fengið nægilega mikla náð hjá landsliðseinvöldunum í Reykjavík. Hann er snöggur og sterkur, spriklar minna og ver boltana. Hann þyrfti bara að komast í markmannsskóla því hann er þrælöflugur náungi sem á framtíðina fyrir sér ef hann leggur allt í þetta," sagði Rúnar Sigtryggsson, þjálfari Akureyrar.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson