Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Árni drjúgur gegn sínum gömlu félögum í Haukum. Hreinn og Brynjar fyrir neðan





28. september 2008 - Akureyri handboltafélag skrifar

Haukarnir voru of stór biti fyrir Akureyri

Leikmenn Akureyrar flugu í sinn fyrsta útileik í gær. Á Reykjavíkurflugvelli beið sunnandeildin, Árni Sigtryggsson, Hreinn Hauksson og Brynjar Þór Hreinsson en saman hélt hópurinn fyrst á BK kjúkling þar sem beið þeirra ljúffengur hádegisverður. Eftir að hafa gert matnum góð skil lá leiðin til Hafnarfjarðar þar sem Haukar héldu mikla handboltaveislu. Þegar Akureyrarhópurinn mætti á svæðið var hálfleikur í leik Hauka og Gróttu í N1 deild kvenna þar sem Haukastúlkur fóru með sigur af hólmi en í liði þeirra var fyrrum leikmaður Akureyrar, Ester Óskarsdóttir atkvæðamikil.

En víkur þá sögunni að leik okkar manna, Haukarnir byrjuðu betur en leikmenn Akureyrar voru seinir í gang en virtust þó vera að komast vel inn í leikinn í stöðunni 5-3 þegar Hörður Fannar fékk vítakast og tækifæri á að minnka muninn í eitt mark, en Jónatan skaut yfir markið og í kjölfarið skoruðu Haukarnir fimm mörk í röð og staðan orðin afleit 10-3.

Næstu mínútur hélst þessi munur 6-7 mörk, Akureyri á tímabili tveim mönnum færri en undir lok fyrri hálfleiks kom ágætur sprettur hjá Akureyrarliðinu og náðu þeir að minnka muninn niður í fjögur mörk 17-13, en Haukar áttu síðasta mark hálfleiksins og leiddu því í hálfleik 18-13.

Vörn Akureyrar var engan veginn nógu grimm lengst af og fyrir vikið var markvarslan lítil á meðan Gísli Guðmundsson átti fínan leik í Haukamarkinu.

Framan af síðari hálfleik hélt barningurinn áfram, munurinn 4-5 mörk Haukum í vil þar til að Sigurbergur Sveinsson hrökk í gang hjá Haukum og tók að raða inn mörkum með langskotum án þess að Hafþór kæmi nokkrum vörnum við. Jesper kom í markið og stóð vaktina síðasta korterið, hann átti nokkrar fínar vörslur en það dugði ekki til og Haukar sigldu örugglega framúr og náðu tíu marka forystu 35-25 á meðan lítið gekk í sóknarleik Akureyrarliðsins. Svo fór að lokum að Haukarnir unnu öruggan sigur 37-28.

Í Akureyrarliðinu báru þeir Árni Sigtryggsson og Andri Snær af, sífellt ógnandi og börðust af krafti allan tímann. Það reyndist dýrt að lenda sjö mörkum undir í upphafi leiks og í raun komst liðið aldrei almennilega inn í leikinn eftir það. Þó var ýmislegt jákvætt sem hægt er að taka úr þessum leik, þannig fékk liðið þónokkur hraðaupphlaup sem gáfu mörk, en þau vantaði t.d. algjörlega í fyrsta leiknum gegn FH.

Mörk Akureyrar: Árni 10 (2 víti), Andri Snær 6 (1 víti), Jónatan 3 (2 víti), Hörður Fannar 3, Heiðar og Rúnar 2 hvor, Hreinn og Þorvaldur 1 mark hvor. .

Markvarsla: Hafþór varði 6 skot, flest í fyrri hálfleik og Jesper tók 4 undir lok leiksins. Það er ljóst að liðið þarf að fá meira frá markvörðunum í næstu leikjum.

Markahæstur í liði Hauka var Sigurbergur með 8 mörk, Einar Örn skoraði 6 og Freyr Brynjarsson 4. Gísli Guðmundsson stóð í markinu allan tímann nema hvað Birkir Ívar kom inná til að reyna við vítakast.

Dómurum leiksins verður ekki kennt um hvernig fór, þó fannst manni nokkuð áberandi hvað þeir báru meiri virðingu fyrir stórstjörnum Haukanna. Mest áberandi var það þegar þeir spjölduðu Stefán Árnason á bekknum hjá Akureyri fyrir aðfinnslur á meðan að Aron Kristjánsson komst upp með stöðugt tuð í dómurunum allan leikinn.

Annars var leikurinn í beinni lýsingu hjá okkur á heimasíðunni og hægt að skoða gang leiksins með því að skoða lýsinguna.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson