Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Strákarnir fá ekki leikinn um helgina eins og auglýst hafði verið





7. nóvember 2008 - Akureyri handboltafélag skrifar

2. fl.karla: Leik gegn Fram frestað um óákveðinn tíma

Þau tíðindi voru að berast að leik Akureyrar og Fram í 2. flokki Íslandsmótsins sem vera átti núna á laugardaginn hafi verið frestað. Nokkuð er síðan leikjaniðurröðun 2. flokks var birt og er það óþolandi að ekkert sá að marka það skipulag sem HSÍ sendir frá sér. Undanfarin ár, og þá sérstaklega síðasta ár var leikjaskipulag 2. flokksins í tómu rugli vegna endalausra beiðna ákveðinna liða um frestanir á leikjum af vægast sagt lítilfjörlegum ástæðum. Þetta bitnaði sérstaklega illa á Akureyrarstrákunum í fyrra og stóðu vonir til þess að forráðamenn HSÍ hefðu lært af reynslunni og myndu standa í lappirnar gegn slíku hringli í ár.

En hvað skyldi þá valda þessari frestun núna? Jú meistaraflokkur Fram á að leika bikarleik þann dag gegn utandeildarliði Aftureldingar 2!! Maður spyr sig hverskonar skipulagshæfileikar búa þarna að baki þegar þessir leikir eru settir hvor ofaní annan. Annaðhvort hefur HSÍ ranglega stólað á að meistaraflokkur Fram hefði burði til að ráða við utandeildarlið Mosfellinga eða þá að þetta eru hrein og klár afglöp starfsmanna HSÍ sem gefa til kynna að lítið sé að treysta útgefnu skipulagi mótsins hjá 2. flokki.

Einnig hafa heyrst þau rök Framara að 3. flokkur þeirra eigi leik gegn ÍR þann sama dag og því geti 2. flokkur þeirra ekki mætt til Akureyrar þessa helgi. Það má vissulega fallast á að það sé heppilegra fyrir Fram að fara í slíkar langferðir um helgar og þá hefði verið fyrirhafnarminna að færa 3. flokksleikinn eða bikarleik meistaraflokksins við Aftureldinu á dag i miðri viku, það eru jú bikarleikir í þessari umferð sunnudag, mánudag og þriðjudag!

Fyrir vikið er allskostar óvíst hvenær þessi fyrirhugaði leikur Akureyrar og Fram í 2. flokki verður leikinn.

Annars er það af 2. flokki Akureyrar að frétta að búið er að draga um mótherja í bikarkeppninni og fengu strákarnir heimaleik gegn Stjörnunni í fyrstu umferð. Hins vegar er ekki vitað hvenær leikurinn verður leikinn og ef að líkum lætur gæti það orðið verulegur höfuðverkur og illleysanleg þraut fyrir HSÍ að ákveða það.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson