
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!

Árni fór svo sannarlega á kostum í kvöld eins og allt liðið

13. nóvember 2008 - Akureyri handboltafélag skrifar

Stórbrotinn sigur á FH í kvöld - Akureyri eitt á toppnum

Það voru leikmenn Akureyrar sem komu, sáu og sigruðu á heimavelli FH-inga í kvöld. Það leit ekki vænlega út fyrir okkar menn í upphafi þegar FH sýndi allar sínar bestu hliðar og komst í 5-0 eftir tæpar fjórar mínútur. Akureyri komst þá á blað með næstu tvö mörk en FH hélt sínu striki og náði aftur fimm marka forskoti 8-3 þegar tólf mínútur voru liðnar af leiknum. Á þessum upphafsmínútum má segja að leikmenn Akureyrar hafi varla verið mættir til leiks en á þessum tímapunkti má segja að liðið hafi tekið sig saman í andlitinu, sóknin fór að ganga miklu betur og í kjölfarið fór að draga saman með liðunum og munurinn minnkaði niður í þrjú mörk 12-9. Vörnin var þó ekki nægilega grimm og réðist ekkert við stórskyttuna Aron Pálmason sem lék okkur grátt og skoraði alls sjö mörk í fyrri hálfleiknum.

Hörður Flóki kom í markið eftir tuttugu mínútna leik og stóð sig með prýði, munurinn í fyrri hálfleik varð minnstur tvö mörk 15-13 en FH leiddi með þrem mörkum 17-14 í hálfleik.

Það var ljóst að okkar menn voru komnir í gang og þeir hófu seinni hálfleikinn með látum og minnkuðu muninn í eitt mark eftir rúmlega fjögurra mínútna leik 18-17 og þar með var ljóst að í hönd færi alvöru leikur. En FH-ingar með Aron í broddi fylkingar voru ekki hættir og náðu aftur fjögurra marka forystu 23-19 og aftur 25-21 þegar sextán mínútur voru eftir af leiknum.

Gústaf Línberg sækir að FH vörninni(mynd visir.is)

Þessar mínútur sem eftir fóru er óhætt að segja að Akureyrarliðið hafi svo sannarlega sýnt hvað í því býr, Hreinn Hauksson klippti Aron Pálmason algjörlega út úr sóknarleik FH og þegar Anton Rúnarssonjafnaði leikinn í 27-27 þegar rúmar níu mínútur voru til leiksloka fóru fjölmargir og tryggir stuðningsmenn liðsins hamförum á áhorfendapöllunum. Akureyri tók þar með frumkvæðið í leiknum og náði forystunni í fyrsta sinn í leiknum 27-28 með marki Jónatans. En spennan var gríðarleg á næstu mínútum því FH náði stöðugt að jafna, þannig var jafnt á öllum tölum upp í 31-31 og einungis þrjár mínútur eftir af leiknum. Það voru Akureyringar sem stóðust pressuna í lokin, Andri Snær kom með tvö ævintýraleg mörk úr vinstra horninu og þeir Oddur og Anton kláruðu leikinn með sitt hvoru markinu en FH náði að minnka muninn í tvö mörk 32-34 með því að skora síðasta mark leiksins.

Rúnar og Höddi taka andstæðinga sína engum silkihönskum (mynd mbl.is)

Frammistaða liðsins í seinni hálfleik var hreint út mögnuð og sérstaklega síðasta korterið. Árni Sigtryggsson átti frábæran leik, klárlega sinn albesta á tímabilinu og skoraði 11 mörk, mörg hver með dúndurskotum þrátt fyrir að vera sárkvalinn í vinstri öxlinni. Þá virðist Hörður Fannar kunna vel við sig í Kaplakrikanum, lék frábærlega á línunni auk þess sem Andri Snær var sterkur á lokakaflanum.

Markvarslan hefur oft verið betri en í þessum leik, Hafþór byrjaði báða hálfleikina en Hörður Flóki lauk þeim báðum og sýndi fín tilþrif.

Mörk Akureyrar: Árni 11 (3 úr vítum), Andri Snær og Hörður Fannar 5 hvor, Jónatan 4 (2 úr vítum), Anton og Oddur með 3 hvor, Gústaf, Hreinn og Rúnar með 1 mark hver.

Hafþór varði 4 skot en Hörður Flóki 8.

Liðið situr nú eitt í toppsæti N1 deildarinnar og ljóst að það er ekki fyrir neina heppni eða tilviljun, liðið er einfaldlega frábært og þegar baráttan og stemmingin bætist við er það einfaldlega illviðráðanlegt.

Staðan í N1-deildinni eftir leiki kvöldsins er þannig:

Nr.	Félag	Leikir	U	J	T	Mörk	Hlutfall	Stig		-
1.	Akureyri	8	6	0	2	225 : 213	12	12	:	4
2.	Valur	8	4	3	1	224 : 192	32	11	:	5
3.	FH	8	4	2	2	240 : 233	7	10	:	6
4.	Fram	7	3	2	2	196 : 192	4	8	:	6
5.	HK	8	3	2	3	207 : 217	-10	8	:	8
6.	Haukar	7	3	0	4	196 : 188	8	6	:	8
7.	Stjarnan	6	1	2	3	149 : 160	-11	4	:	8
8.	Víkingur	8	0	1	7	207 : 249	-42	1	:	15

,,Þetta var frábær sigur og sérlega sæt hefnt eftir að hafa tapað fyrir þeim tvívegis í vetur," sagði Árni Þór Sigtryggsson við mbl.is. ,,Ég er stoltur af okkur að hafa komið til baka eftir að hafa lent fimm mörkum undir. FH er klárlega með frískari stráka en við en við innbyrtum sigurinn með mikilli seiglu í lokin. Sóknarleikurinn var agaður í seinni hálfleik og við náðum upp mikilli baráttu og stemningu. Við höldum okkur alveg á jörðinni þrátt fyrir þennan sigur. Það er bara gamla góða klisjan, einn leik í einu eða kannski bara eina sókn í einu," sagði Árni Þór.

Árni brýst í gegn og skorar eitt af 11 mörkum sínum
Í baksýn er Árni Stefánsson í símanum að mata Beinu lýsinguna um gang leiksins (mynd visir.is)

Það er magnað að sjá hvernig strákarnir byggja upp stemmingu í liðinu fyrir leik en það er Jónatan Magnússon sem stjórnar leiknum. Að þessu sinni kom hann með þá nýjung að í stað þess að takast á og berja á hverjum öðrum föðmuðust menn og knúsuðust og fögnuðu síðan hverjum öðrum kröftuglega í leikmannakynningunni.

Eftir leikinn gafst enginn tími til að fagna, hvað þá að fara í sturtu og skipta um fatnað því liðið var að missa af fluginu til Akureyrar. „Við hlupum út í rútu og svo beint upp í vél þegar við komum á flugvöllinn. Við erum ennþá í búningunum," sagði Rúnar Sigtryggsson. „Lyktin var athyglisverð. Við vorum örugglega ekki vinsælustu farþegarnir í flugvélinni," bætti hann við í samtali við visir.is.

Hér er hægt að sjá gang leiksins

Fletta milli frétta

Til baka

Senda á Facebook

Umsjón og hönnun: Stefán Jóhannsson og Ágúst Stefánsson