Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan




    Fréttir                       Þú flettir milli frétta með örvalyklunum eða smellir á bláu örvarnar! 

Atli barðist af krafti í leiknum og Siguróli kom sterkur inn



25. janúar 2009 - Akureyri handboltafélag skrifar

2. flokkur: Andlaust tap gegn Víkingum

Á laugardaginn kom að því að 2. flokki fataðist flugið á þessu tímabili. Strákarnir tóku á móti Víkingum og þrátt fyrir að allar viðvörunarbjöllur hafi í raun hljómað fyrir leikinn má segja að strákarnir hafi alls ekki mætt til leiks með hausinn í lagi. Það var fyrirfram vitað að Víkingar eru með magnað lið, þeir höfðu t.d. refsað FH illilega fyrr í mótinu fyrir að mæta ekki með sitt sterkasta lið gegn þeim, þá eru Víkingar nýbúnir að vinna bæði Val og Hauka en Akureyri lenti einmitt í basli með Haukana fyrir stuttu síðan. Þá skulum við ekki gleyma því að Víkingar eru nýbúnir að leggja meistaraflokk Akureyrar að velli og því ljóst að Víkingsstrákar mættu hingað fullir sjálfstrausts.

Eftir tíu mínútna leik leiddu Víkingar 6-7 en Akureyri jafnaði og náði frumkvæðinu í 9-8 en Víkingar jafna og komst yfir á ný og leiddu með einu marki í hálfleik 12-13. Það verður að segjast eins og er að leikur Akureyrarliðsins var slakur, engin barátta í liðinu og engu líkara en strákarnir héldu að þetta kæmi allt af sjálfu sér. Þó er ástæða til að hrósa Atla Ævari Ingólfssyni fyrir baráttu og dugnað en hann vann ófáa bolta í vörninni og átti góðan leik á línunni.

Upphaf seinni hálfleiks var ekki björgulegt, Víkingar skora fyrstu þrjú mörkin og staðan orðin 12-16. Akureyri minnkaði muninn en Víkingar náðu aftur fjögurra marka forystu 16-20 og virtust hafa leikinn í hendi sér. Siguróli kom í markið og átti fína innkomu, varði nokkur dauðafæri og þar á meðal vítakast og í kjölfarið kviknaði í liðinu og með seiglu tókst að jafna leikinn í 21-21 þegar níu mínútur voru til leiksloka.

Það tókst þó ekki að komast yfir þrátt fyrir kjörin tækifæri til þess. Heiðar Þór kom sterkur inn á síðustu mínútunum og skoraði fjögur góð mörk, jafnaði í 25-25 þegar mínúta var eftir af leiknum. Víkingar skora sitt 26. mark og Akureyri geystist í sína síðustu sókn sem lauk með því að brotið var gróflega á Heiðari Þór í dauðafæri og réttilega dæmt vítakast um leið og leiktíminn rann út. Anton Rúnarsson tók vítakastið en það var því miður slakt og markvörður Víkinga varði það og þar með var fyrsta tap liðsins á tímabilinu staðreynd.

Vonandi læra strákarnir sína lexíu af þessum leik, enginn leikur er unninn fyrirfram og menn verða að mæta af fullum krafti í hvern leik og leika saman sem lið en það hefur einmitt verið aðalsmerki hópsins.

Liðið olli sem sé vonbrigðum að þessu sinni en eins og áður segir var Atli Ævar öflugur í leiknum, Siguróli átti fína innkomu í markið, lagði í rauninni grunninn að því að koma liðinu inn í leikinn aftur og þá steig Heiðar Þór upp á lokakaflanum.

Næsti leikur strákanna er heimaleikur gegn FH næstkomandi föstudag og er það klárlega einn af úrslitaleikjum mótsins og þá verða strákarnir að mæta með öðru hugarfari en í gær.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson