
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!

Elmar, Heiddi, Dóri og Bjarni áttu stóran hlut í sigrinum á HK

21. febrúar 2009 - Akureyri handboltafélag skrifar

2. flokkur: Góður sigur á HK í deildarkeppninni (myndir)

Sigurganga strákanna í 2. flokki heldur áfram, í dag tóku þeir á móti öflugu liði HK og fóru með sanngjarnan átta marka sigur 38-30. Þrátt fyrir það var fæðingin erfið og í raun var það ekki fyrr en á síðustu tíu mínútum leiksins sem strákarnir gerðu út um leikinn.

Í upphafi virtist Akureyri hreinlega ætla að stinga af með frábærri flugeldasýningu og komst í 8-4. Þjálfara HK leist greinilega ekki á blikuna og tók leikhlé til að endurskipuleggja leik sinna manna. Það virtist þó ekki hafa langvarandi áhrif og um miðjan fyrri hálfleik var forysta Akureyrar komin í fimm mörk, 12-7. Á næstu mínútum misstu Akureyrarstrákar einbeitinguna og gerðu sig seka um óþarfa fljótfærni og hleyptu HK inn í leikinn sem gripu tækifærið og jöfnuðu í 14-14. Jafnræði hélst síðan út hálfleikinn en Akureyri hafði eins marks forystu í hálfleik 17-16.

Anton, Heiðar og Bjarni voru atkvæðamestir í sóknarleik Akureyrar í fyrri hálfleiknum. Siguróli byrjaði í markinu og tók nokkra bolta í upphafi en var síðan skipt útaf fyrir Elmar sem átti fínan leik í dag.

Seinni hálfleikur byrjaði á svipaðan hátt og sá fyrri. Akureyri náði þægilegri fimm marka forystu 25-20 eftir tíu mínútna leik en slökuðu þá aftur á og HK menn gengu á lagið og minnkuðu muninn í eitt mark, 27-26 þegar rétt rúmar tíu mínútur voru til leiksloka og spennustigið orðið býsna hátt.

En strákarnir stóðust álagið, vörnin small saman og Elmar varði flest sem slapp í gegn. Mörkin komu í öllum regnbogans litum og þennan lokakafla vann Akureyri 11-4 og leikinn þar með 38-30.

Oddur, Heiðar og Halldór voru drjúgir í hálfleiknum og Elmar varði frábærlega.

HK liðið er öflugt, Sveinbjörn Pétursson var með 17 varin skot og Ólafur Bjarki var okkar mönnum erfiður þrátt fyrir að vera tekinn úr umferð allan leikinn.

Einn helsti styrkleiki Akureyrarliðsins er hvað það ræður yfir stórum og öflugum leikmannahópi á meðan HK þurfti að reiða sig á sömu leikmenn mestallan tímann. Með þessum sigri tóku strákarnir stórt skref að deildarmeistaratitli en þeir hafa einungis tapað 2 stigum á meðan helstu keppinautarnir í FH hafa tapað 6 stigum.

Mörk Akureyrar: Heiðar Þór Aðalsteinsson 8, Anton Rúnarsson 7 (2 úr vítum), Oddur Gretarsson 6, Bjarni Jónasson 5, Halldór Logi Árnason 4, Fannar Kristmannsson, Hlynur Matthíasson og Jón Þór Sigurðsson 2 mörk hver, Ágúst Stefánsson og Jóhann Gunnarsson 1 mark hvor.

Í markinu varði Elmar Kristjánsson 19 skot og Siguróli Sigurðsson 3 skot.

Næsti leikur er svo í Laugardalshöllinni, sunnudaginn 1. mars, sjálfur úrslitaleikur bikarkeppninnar og þá mætast liðin að nýju. Úrslit þessa telja ekkert í þeim leik og viðbúið að HK menn verði enn erfiðari og leggi allt undir enda búnir að missa af lestinni í deildarkeppninni.

Þórir Tryggvason var á staðnum og sendi okkur meðfylgjandi myndir frá leiknum.

Geir Aðalsteinsson þjálfari fékk liðstyrk frá eldri bróður sínum Sigurpáli Árna. Geir þurfti einnig að gefa Heiðari, yngri bróður sínum góð ráð

Jón Þór fylgist með félögunum en annar dómarinn fylgist með klukkunni.

Staðan í deildinni er nú sem hér segir:

Nr.	Félag	Leik	U	J	T	Mörk	Nett	Stig
1.	Akureyri	14	13	0	1	473:362	111	26
2.	FH	15	12	0	3	518:393	125	24
3.	Víkingur	15	8	2	5	440:387	53	18
4.	Selfoss	13	8	1	4	422:370	52	17
5.	ÍR	15	8	1	6	445:420	25	17
6.	Haukar	14	5	5	4	388:369	19	15
7.	HK	16	7	1	8	497:460	45	15
8.	Valur	14	6	2	6	411:420	-9	14
9.	Afturelding	13	5	1	7	352:392	-40	11
10.	Fram	16	5	0	11	455:504	-49	10
11.	Stjarnan	14	3	1	10	377:419	-42	7
12.	Fjölnir	15	0	0	15	293:575	-282	0

Fletta milli frétta

Til baka

Senda á Facebook

Umsjón og hönnun: Stefán Jóhannsson og Ágúst Stefánsson