Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Baldur kunni vel við sig í vinstra horninu í dag

4. apríl 2009 - Akureyri handboltafélag skrifar

2. flokkur: Stórsigur á Fjölni í lokaumferð deildarinnar

Annar flokkur spilaði í dag síðasta leik sinn í deildarkeppninni á þessu keppnistímabili. Mótherjarnir voru Grafarvogspiltarnir í Fjölni og eins og við var að búast var mótstaða þeirra ekki mikil, til þess var getumunur liðanna einfaldlega alltof mikill. Að þessu sinni stjórnaði Jónatan Magnússon liðinu í fjarveru Geirs Aðalsteinssonar en í dag fengu strákar að spreyta sig sem minna hafa spilað í vetur og stóðu þeir sig með miklum ágætum. Heiðar Þór, Anton og Oddur slöppuðu af í dag en Oddur sýndi þó afbragðs takta í nýju hlutverki sem kynnir.

Í hálfleik hafði Akureyri náð yfirburðastöðu, höfðu tólf marka forystu 22-10 og sá munur hélt bara áfram að aukast og eftir að hafa náð mest tuttugu marka forystu endaði leikurinn með nítján marka sigri Akureyrar 42-23.

Markaskorunin dreifðist vel á hópinn og ekki hægt að segja annað en allir hafi komist vel frá leiknum þó vissulega sé erfitt að halda fullri einbeitingu þegar mótstaðan er ekki meiri en var í dag.

Fjölnisstrákar mega þó eiga það að þeir skemmtu sér ágætlega, fögnuðu öllu sem hægt var að fagna og náðu stundum að sýna að þeir kunna ýmislegt fyrir sér í handbolta.

Eftir leikinn er ljóst að Akureyri lýkur keppninni á toppi deildarinnar með 37 stig af 44 mögulegum, liðið sigraði í 18 leikjum, gerði eitt jafntefli en tapaði þrem leikjum. Selfoss getur mest náð 33 stigum, FH getur náð 32 og Víkingar gætu farið í 29 stig en þeir eiga einmitt eftir leik gegn Selfyssingum. Síðustu leikir annarra liða verða á þriðjudaginn og þá munum við birta lokastöðu deildarinnar.

Við bíðum enn eftir staðfestum fréttum af fyrirkomulagi úrslitakeppninnar en hvernig sem það verður þá er nokkuð ljóst að fyrstu mótherjar Akureyrar verða Víkingar.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson