Fyrsti aðalfundur Akureyri Handboltafélags var haldinn 30. september 2009 í veislusal Greifans.
Gestur Einarsson, varaformaður félagsins setti fundinn og að tillögu hans var Tryggvi Gunnarsson kosinn fundarstjóri og Stefán Jóhannsson fundarritari.
Gestur setti fundinn og flutti síðar skýrslu stjórnar
Tryggvi tók við stjórn fundarins og var gengið til dagskrár.
Fyrir lágu drög að samþykktum eða lögum félagsins sem var dreift til fundarmanna og þau síðan tekin til umræðu. Eftir nokkrar bollaleggingar og breytingar voru þau samþykkt með fyrirvara um samþykki stjórna félaganna KA og Þór sem eru ábyrgðaraðilar AHF.
Kosin var ný stjórn en hana skipa Hannes Karlsson formaður en aðrir í stjórn eru: Ingólfur Samúelsson, Stefán Jóhannsson, Gestur Einarsson, Hermann Haraldsson, Gestur Arason og Atli Ragnarsson varamaður. Stjórnin mun síðan skipta með sér verkum á næsta fundi.
Hannes Karlsson, nýkjörinn formaður þakkaði fundarmönnum það traust sem honum var sýnt. Jafnframt þakkaði hann Tryggva Gunnarssyni röggsama fundarstjórn og óskaði honum til hamingju með að vera fyrsti aðalfundarstjórinn í sögu félagsins.
Hannes kvaðst líta björtum augum til starfsins í vetur, taldi að liðið í dag væri tvímælalaust það sterkasta í sögu félagsins og því eðlilegt að gera kröfur um árangur og það vissu leikmenn líka, hann fyndi fyrir miklum metnaði leikmanna og allra sem kæmu að málum liðsins.
Hvað fjármál félagsins varðaði taldi hann að erfiðasti hjallinn væri að baki og bjartari tíð framundan þó vissulega þyrfti að halda vel á spöðunum, reksturinn kostaði sitt enda liðið það eina utan höfuðborgarsvæðisins sem leikur í efstu deild.
Tryggvi Gunnarsson stjórnaði fundi af mikilli röggsemi
Tryggvi, fundarstjóri þakkaði fyrir sig og benti á þá staðreynd að allur leikmannahópur Akureyrar Handboltafélags samanstendur af uppöldum norðanmönnum, frá KA, Þór og Völsungi og það væri ástæða til að halda því á lofti.
Það var þéttsetið og góðmennt á Greifanum á miðvikudagskvöldið
Leikmannakynning
Að loknum aðalfundi var boðið upp á veitingar en síðan hófst árleg leikmannakynning. Rúnar Sigtryggsson þjálfari kynnti liðið, eins og kunnugt er hafa Heimir Árnason og Guðlaugur Arnarsson komið til liðs við Akureyri en einnig er ástæða til að nefna þrjá unga stráka, Guðmund Hólmar Helgason, Ásgeir Jóhann Kristinsson og Geir Guðmundsson sem allir eru í 3. flokki en hafa vakið gríðarlega athygli í æfingaleikjum upp á síðkastið.
Rúnar kynnti sína leikmenn og ljóst að þar er öflugt lið á ferðinni
Í máli Rúnars kom fram að liðið hefur sett sér það markmið að vera í hópi 4. efstu um áramótin og þá verða sett ný markmið fyrir framhaldið.
Línumennirnir Guðlaugur, Hörður Fannar og Halldór Logi
Enginn skortur á hornamönnum, Oddur, Hreinn, Heiddi og Bjarni
Leikmenn fyrir utan, Árni, Jonni, Andri Snær, Heimir, Geir Guðmundur, Ásgeir og Valdimar
Heimir ávarpaði fundinn og hvatti alla til að leggjast á eitt um að gera tímabilið sem skemmtilegast
Heimir Örn Árnason flutti ávarp fyrir hönd leikmanna og kvaðst afar sáttur við að vera kominn á heimaslóðir á ný og brýndi stuðningsmenn og liðsfélaga sína til að leggjast á eitt í baráttunni í vetur því allar forsendur væru fyrir því að ná góðum árangri.
Í lok kynningarinnar voru sýndir nýir AHF bolir sem boðnir verða til kaups á næstunni
Úrvalsdeild karla
Senda skilaboð
Vefur KA
Vefur Þór
Fréttaleit
Þú flettir milli frétta með örvalyklunum eða smellir á bláu örvarnar!