Mbl kynnir Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Rúnar einbeitir sér að þjálfun liðsins í vetur Refirnir Heimir og Gulli		5. október 2009 - Akureyri handboltafélag skrifar Mbl kynnir Akureyri Handboltafélag Í Morgunblaðinu í dag er kynning á liði Akureyrar Handboltafélag skrifuð af Guðmundi Hilmarssyni blaðamanni. Við birtum hér umfjöllun hans um leið og við minnum á að Íslandsmótið hefst næstkomandi fimmtudag 8. október en þá mætir Akureyri bikarmeisturum Vals í Vodafone höllinni að Hlíðarenda. En gefum Guðmundi orðið: Okkar von og vilji að ná fólkinu aftur húsið Raunhæft markmið að stefna á úrslitakeppnina, segir Rúnar Sigtryggsson Eftir Guðmund Hilmarsson gummih@mbl.is Rúnar Sigtryggsson er áfram við stjórnvölinn hjá Akureyringum en nú er hann aðeins þjálfari og ætlar ekki að reima á sig handboltaskóna. „Þetta hefur gengið þokkalega hjá okkur á undirbúningstímabilinu. Við höfum ekki náð neinum sérstökum úrslitum í æfingaleikjunum en við erum á réttri leið,“ sagði Rúnar í samtali við Morgunblaðið. Rúnar segir að leikmannahópurinn sé stærri og sterkari núna en á sama tíma í fyrra og munar þá mest um komu þeirra Heimis Arnar Árnasonar og Guðlaugs Arnarssonar. Gott að fá Guðlaug og Heimi „Það var gott að fá þá Heimi og Guðlaug en með þeim kemur mikil reynsla og liðstyrkur. Heimir hefur tvisvar verið valinn maður mótsins og Guðlaugur hefur spilað með FC Köbenhavn og Gummersbach og hefur öðlast mikla reynslu. Byrjunarlið okkar er því orðið hokið af reynslu. Við erum líka komnir með í hópinn tvo stráka úr þriðja flokki hvorn úr sínu liðinu, KA og Þór, Guðmund Helgason sem er rétthent skytta og Geir Guðmundsson sem er örvhent skytta. Þeir hafa komið inn mjög öflugir og breikka hópinn okkar. Ég sé alveg fyrir mér að þeir fái að spila í vetur og ég vænti mikils af þeim í framtíðinni.“ Hver eru markmiðin sem þið hafið sett ykkur í vetur? „Við höfum sett okkur þau markmið að komast í úrslitakeppni fjögurra efstu liða. Ég tel það raunhæft markmið en auðvitað getur brugðið til beggja átta. Það sem háði okkur í fyrra var lítil breidd. Við misstum Árna Þór í uppskurð um mánaðamótin nóvember-desember og það var mjög slæmt því hann og Jónatan Magnússon voru okkar einu útispilarar í rauninni. Við þurftum að nota hornamann í vinstri skyttustöðunni og eðlilega fjaraði undan okkur þegar á tímabilið leið,“ sagði Rúnar, sem hefur ákveðið að leggja handboltaskóna á hilluna. „Ég hef ekki hreyft mig í marga mánuði og það er 100% að ég kem ekkert við sögu í vetur.“ Náðum að vinna ákveðinn varnarsigur í fyrra Rúnar segir að tímabilið í fyrra hafi verið nokkuð skrautlegt en á tímabili var ekki víst að liðið yrði með. „Ég met það svo að við höfum náð að vinna ákveðinn varnarsigur í fyrra og nú ætlum við að reyna að byggja á því. Það leit út fyrir að það yrði ekki spilaður handbolti í meistaraflokki hér í fyrra en sem betur fer náðum við að blása lífi í þetta og sáum að það er ýmislegt hægt. Það myndaðist mikil stemning í bænum og það er von okkar og vilji að ná fólkinu aftur í húsið í vetur og skapa sömu stemningu og á síðasta tímabili. Ég held að við höfum verið með að meðaltali 600 áhorfendur í fyrra en árið áður 300. Eftir því sem betur gengur þá kemur fólkið og þetta er því mikið í okkar höndum,“ segir Rúnar en líkt og í fyrra munu Akureyringar spila heimaleiki sína í íþróttahöllinni. Spurður út í hvaða lið hann telji vera sterkust í dag: „Valur, Haukar og FH eru með sterkustu liðin af því sem ég hef séð. Ég afskrifa ekki Framarana með Viggó við stjórnvölinn og þá eru Grótta og HK með ágæt byrjunarlið. Ég held að mótið geti orðið mjög jafnt og spennandi þar sem liðin geta hirt stig hvert af öðru. Í svona deild er alltaf eitthvert lið sem kemur á óvart og einhver lið sem valda vonbrigðum. Ég býst við að svo verði áfram í ár,“ sagði Rúnar. Styrkur í tveimur gömlum refum Eftir Guðmund Hilmarsson gummih@mbl.is Fjórða árið í röð munu KA og Þór tefla fram sameiginlegu liði í úrvalsdeild karla í handknattleik, N1-deildinni, og sem fyrr er Rúnar Sigtryggsson við stjórnvölinn hjá liðinu. Fyrir síðustu leiktíð stefndi lengi vel í að Akureyringum tækist ekki að manna í lið sitt en með sameiginlegu átaki og miklum stuðningi bæjarbúa tókst það og var stemningin virkilega góð á heimaleikjum liðsins og minnti mjög á gömlu góðu tímana þegar KA var í fremstu röð. Lið Akureyrar endaði í sjötta sæti eftir að byrjað leiktíðina mjög vel en undir lok hennar lenti liðið í fallbaráttu en tókst að halda sæti sínu. Sjötta sætið var einnig hlutskipti liðsins tímabilið 2008-2009 en fyrsta árið sem Akureyrarliðið mætti sameinað til leiks hafnaði það í fimmta sæti. Íslandsmeistaratitillinn hefur tvívegis hafnað norðan heiða en KA-menn urðu meistarar undir stjórn Alfreðs Gíslasonar árið 1997 eftir sigur á Aftureldingu í úrslitaeinvígi en með liðinu léku menn eins og Alfreð Gíslason, Julian Duranona, Erlingur Kristjánsson, Björgvin Björgvinsson og Heiðmar Felixson. Árið 2002 endurtóku KA-menn svo leikinn undir stjórn Atla Hilmarssonar eftir sigur á Val í mögnuðu úrslitaeinvígi. Meðal leikmanna KA það tímabil voru: Arnór Atlason, Andrius Stelmokas, Heiðmar Felixson, Halldór Jóhann Sigfússon og Jónatan Magnússon ,sem er fyrirliði Akureyrarliðsins í dag. Heimir Örn Árnason og Guðlaugur Arnarsson styrkja lið Akureyrar töluvert enda tveir gamlir refir þar á ferðinni sem munu geta miðlað af reynslu sinni til yngra leikmanna liðsins. Þeir eru margir efnilegir enda hefur unglingastarfið verið blómlegt á Akureyri í fjölda ára. Akureyringar eiga og verða að vera með lið í efstu deild enda hefðin fyrir íþróttinni rík í bænum og vonandi er fyrir Akureyrarliðið að stemningin og mætingin á heimaleikina verði eins góð eins og á síðustu leiktíð. Verði sú raunin má reikna með að liðin sunnan heiða eigi erfiða leiki fyrir vændum í íþróttahöllinni. Leikmannahópurinn Andri Snær Stefánsson 23 ára hornamaður Árni Þór Sigtryggsson 24 ára skytta Ásgeir J. Kristinsson 17 ára skytta Bjarni Jónasson 20 ára hornamaður Brynjar Þór Hreinsson 27 ára hornamaður Geir Guðmundsson 16 ára skytta Guðlaugur Arnarsson 31 árs línumaður Guðmundur H. Helgason 17 ára miðjumaður Hafþór Einarsson 30 ára markvörður Halldór Logi Árnason 20 ára línumaður Heiðar Þór Aðalsteinsson 21 árs hornamaður Heimir Örn Árnason 30 ára skytta Hreinn Hauksson 28 ára hornamaður Hörður Flóki Ólafsson 31 árs markvörður Hörður Fannar Sigþórsson 27 ára línumaður Jónatan Þór Magnússon 29 ára miðjumaður Oddur Grétarsson 19 ára hornamaður Siguróli M. Sigurðsson 20 ára markvörður Valdimar Þengilsson 22 ára skytta Breytingar á leikmannahópnum Tveir öflugir leikmenn bættust í leikmannahóp Akureyrar í sumar. Heimir Örn Árnason gekk í raðir liðsins frá Val. Heimir, sem leikur í stöðu miðjumanns og skyttu, hefur tvívegis verið valinn besti leikmaður Íslandsmótsins en hann hóf feril sinn með KA og varð Íslandsmeistari með liðinu árið 2002. Hann hefur síðan leikið með Val, Fylki og Stjörnunni og þá reyndi hann fyrir sér í Noregi og Danmörku um tíma. Guðlaugur Arnarsson kom til Akureyrar í sumar en þar er annar reyndur kappi á ferð sem kemur til með að styrkja lið Akureyrar. Guðlaugur er línumaður og sterkur varnarmaður sem hefur leikið með Fram og Fylki hér heima og með sænska liðinu Malmö og Gummersbach í Þýskalandi og síðast FCK í Danmörku. Guðlaugur er Húsvíkingur, sonur Arnars Guðlaugssonar sem gerði garðinn með handboltaliði Fram á árum áður. Goran Gusic, Þorvaldur Þorvaldsson og Rúnar Sigtryggsson verða ekki með Akureyringum í vetur en allir hafa þeir lagt gömlu góðu skóna á hilluna. Atli Ævar Ingólfsson, línumaður, gekk í raðir HK og þá Anton Rúnarsson farinn aftur til Gróttu en hann var í láni hjá Akureyringum á síðustu leiktíð frá Valsmönnum. Allir leikmenn Akureyrarliðsins í vetur koma frá Þór og KA nema Guðlaugur Arnarsson sem er uppalinn hjá Völsungi á Húsavík. „Norðlenskara gerist það ekki,“ segir Rúnar Sigtryggsson þjálfari Akureyringa. Rúnar Sigtryggsson hefur verið þjálfari og leikmaður Akureyrar síðan KA og Þór ákváðu að sameina liðin og spila undir merkjum Akureyrar árið 2007. Rúnar er uppalinn í Þór og lék með liðinu áður en hann gekk til liðs við Val og síðan Hauka en þaðan fór hann í atvinnumennsku þar sem hann spilaði í Þýskalandi og á Spáni.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson