Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Jón Þór lét til sín taka í leiknum

10. janúar 2010 - Akureyri handboltafélag skrifar

Öruggur sigur hjá 2. flokki gegn Val/Þrótti - myndir

2. flokkur tók á móti sameiginlegu liði Vals og Þróttar í gær, laugardag og var sá leikur liður í Íslandsmótinu.
Strákarnir hófu leikinn af miklum krafti og skoruðu sjö fyrstu mörkin í leiknum áður en Valsmenn komust á blað. Valsmenn réðu illa við framliggjandi vörn strákanna sem skilaði sér mörgum hraðaupphlaupum og seinni bylgjum. Valsarar unnu sig svo hægt og bítandi inn í leikinn en forysta heimamanna var þrjú til sex mörk út hálfleikinn og staðan í hálfleik var 18-14.

Síðari hálfleikur þróaðist þannig að Akureyri var með fjögurra til sex marka forystu framan af en jók svo forskotið hægt og bítandi og komst í ellefu marka forystu, 30-19 þegar um 12 mínútur voru til leiksloka. Á þeim tímapunkti var allt byrjunarliðið komið af velli en arftakarnir stóðu vel fyrir sínu og leiknum lauk með 10 marka sigri, 36-26.

Strákarnir léku í heildina mjög vel og baráttan og viljinn var til fyrirmyndar. Vörnin var öflug sem skilaði sér í mörgum ódýrum mörkum í hraðaupphlaupum og seinni bylgju. Þá var sóknin einnig góð og mörk í öllum regnbogans litum litu dagsins ljós.

Jón Þór Sigurðsson átti mjög góðan leik, var markahæstur með átta mörk og mjög öflugur í vörninni.

Þá átti Páll Snævar einnig mjög góða innkomu í markinu undir lok fyrri hálfleiks og varði hann alls 13 skot í leiknum. Það var þó fyrst fremst liðsheildin sem skóp sigurinn að þessu sinni þar sem að liðið í heild spilaði vel í vörn og sókn.

Mörkin (skot):
Jón Þór Sigurðsson 8 (14)
Bjarni Jónasson 6 (10)
Oddur Gretarsson 5 (7)
Bergvin Gíslason 5 (8)
Halldór Logi Árnason 4 (6)
Jón Heiðar Sigurðsson 4 (6)
Jóhann Gunnarsson 2 (2)
Halldór Tryggvason 1 (1)
Reynir Davíðsson 1 (1)

Varin skot (mörk á sig):
Siguróli Sigurðsson 4 (11)
Páll Snævar Jónsson 13 (15)

Þórir Tryggvason var á staðnum og sendi okkur meðfylgjandi myndir frá leiknum.

Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson