Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Höddi sýnir hér að hann kann ýmislegt fyrir sér í eldamennskunni



16. febrúar 2010 - Akureyri handboltafélag skrifar

Matarkrókurinn - Hörður Fannar Sigþórsson

Við höldum hér áfram með Matarkókinn úr Vikudegi en Hörður Fannar Sigþórsson tók áskorun Guðlaugs Arnarssonar og er hér mættur með nokkrar girnilegar uppskriftir.

Íslandia kryddað lambalæri

  • Læri
  • Ólífuolía
  • Íslandia krydd frá Pottagöldrum
  • Salt og pipar
Lærið er látið standa í fjóra sólarhringa í kæli þ.a. tvo sólarhringa olíuborið og kryddað. Steikt í potti með loki við 170°C þar til kjöthitamælir sýnir c.a. 70°C inn við bein. Vatn er haft í pottinum og notað sem soð í sósuna. Lærið er brúnað í opnum potti í lokin við hærri hita.

Sósa
Sósa er uppbökuð smjörbolla, í hana er bætt steiktum sveppum á´samt soðinu af lærinu, klípu af gráðosti, rifsberjageli, 1 msk. af Oskar lambakjötskrafti og rauðvíni eftir smekk. Mýkt með rjóma áður en hún er borin fram.

Meðlæti
Brúnaðar kartöflur og hrásalat.

Skálaréttur Hafdísar

  • 1 stk. marengsbotn
  • 1 epli
  • 3 stk. Mars
  • Fersk jarðarber
  • ½ l rjómi
Marengsbotn brotinn ofan í skál, epli og Mars skorin í litla bita og rjóminn þeyttur. Þessu er blandað varlega saman. Svo er fínt að skreyta réttinn með ferskum jarðarberjum.

Gulrótarkaka

  • 4 stk. Egg
  • 150 g sykur
  • 140 g púðursykur
  • 1 tsk. Vanilludropar
  • 200 g gulrætur, rifnar
  • 240 g hveiti
  • 2 tsk. Matarsódi
  • ½ tsk. Salt
  • 1 msk. Kanill
  • 2 dl matarolía
Egg, sykur, púðursykur og vanilludropar þeytt saman. Því næst er þurrefnunum bætt út í, svo gulrótunum og olían síðust. Sett í 2 hringlaga form og bakað við 175°C í 30 mínútur.

Krem
  • 400 g rjómaostur
  • 1 dós sýrður rjómi
  • 80g flórsykur
  • 1,5 tsk. vanillusykur eða dropar
Rjómaosturinn hrærður vel fyrst og hitt er svo hrært saman við. Botnarnir lagðir saman með kreminu og afganginum smurt ofan á.

„Verði ykkur að góðu. Ég ætla að skora á hinn baneitraða hornamann Odd Gretarsson að leggja til uppskriftir í næsta matarkrók“ segir Hörður Fannar Sigþórsson að lokum.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson