Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Oddur var öruggur á vítalínunni

21. febrúar 2010 - Akureyri handboltafélag skrifar

Jafntefli gegn Stjörnunni í Garðabænum

Það ætlar að ganga erfiðlega fyrir Akureyri að landa sigri í Garðabænum gegn Stjörnunni. Liðin mættust síðastliðinn fimmtudag og vonaðist maður til að lið Akureyrar kæmi fullt sjálfstrausts eftir fínan sigur í síðustu umferð. Þvert á móti þá virkuðu menn óöruggir og engan veginn klárir í verkefnið í byrjun. Stjarnan byrjaði betur og hafði frumkvæðið í leiknum þó Akureyri væri ekki langt undan.

Í stöðunni 6-5 fyrir Stjörnuna skora þeir þrjú mörk í röð og breyta stöðunni í 9-5 og staðan orðin afleit. Þá kom hins vegar fínn kafli hjá liðinu og þeir jafna í 10-10. Á næstu mínútum snerist leikurinn og Akureyri kemst yfir í 12-14. Adam var þó ekki lengi í Paradís því að Stjarnan svarar með fjórum mörkum í röð áður en Hörður Fannar minnkaði muninn í 16-15 sem voru hálfleikstölur.

Hörður Fannar, Árni Sigtryggsson og Heimir Örn voru atkvæðamestir í sóknarleiknum í fyrri hálfleik en vörnin var enganvegin nógu sannfærandi.

Akureyri náði loks forystunni í stöðunni 18-19 en náði aldrei að hrista Stjörnuna af sér sem náði raunar einu sinni að komast yfir í stöðunni 25-24. Akureyri endurheimti forystuna með næstu þrem mörkum 25-27 og virtist vera með leikinn í hendi sér. En Stjarnan gafst ekki upp og í síðustu sókn Akureyrar dæmdu dómararnir ruðning á Árna Sigtryggsson en sá dómur kórónaði lélega frammistöðu dómaranna í leiknum. Stjarnan fékk síðan vítakast þegar leiktíminn rann út og þrátt fyrir að Hafþór hefði verið búinn að verja þrjú vítaköst í leiknum náði Stjarnan að jafna leikinn í 28-28 úr vítakastinu.

Eins og gefur að skilja voru þessi úrslit vonbrigði í leik sem átti að öllu eðlilegu að skila tveim stigum í hús. Liðið byrjaði illa og lét arfaslaka dómara pirra sig og einhvernvegin náðist aldrei upp baráttustemming í liðið. Jónatan klikkaði á tveimur vítaköstum en Stjarnan á fjórum, þar af varði Hafþór þrjú. Varnarleikurinn var fálmkenndur í byrjun og sömuleiðis markvarslan en um miðjan fyrri hálfleikinn hresstist hvortveggja og komst Hafþór bærilega frá leiknum upp frá því.

Oddur steig upp í seinni hálfleiknum en fór hins vegar illa að ráði sínu er hann lét skapið hlaupa með sig í gönur sem kostaði brottrekstur. Árni átti mjög góða spretti en virtist ekki vera í náðinni hjá dómurum leiksins sem dæmdu á hann undarlegustu sóknarbrot þar sem klárlega var brotið á honum. Geir Guðmundsson átti góða innkomu í seinni hálfleiknum en erfitt er að benda á einhvern einn og útnefna mann leiksins að þessu sinni.

Mörk Akureyrar: Oddur Gretarsson 9 (5 víti), Árni Sigtryggsson 5, Heimir Örn Árnason og Hörður Fannar Sigþórsson 4 mörk hvor, Jónatan Magnússon 3, Geir Guðmundsson 2 og Guðlaugur Arnarsson 1.
Hafþór stóð í markinu allan tímann og varði 16 skot, þar af 3 vítaköst.

Ekki dugar að gráta lengur tapað stig heldur stíga nú upp og sýna hvað í liðinu býr í næsta leik sem er gegn Fram næstkomandi mánudagskvöld í Íþróttahöllinni klukkan 19:00.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson