Hvað sögðu menn eftir sigurinn á FH?


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Menn voru að vonum misánægðir með leikinn		20. mars 2010 - Akureyri handboltafélag skrifar Hvað sögðu menn eftir sigurinn á FH? Eins og við var að búast var áhugi fréttamanna mikill á leik Akureyrar og FH enda afar mikilvægur leikur. Blaðamenn dagblaðanna ræddu við leikmenn og þjálfara eftir leikinn og skulum við grípa niður í punkta frá þeim. Hjalti Þór Hreinsson hjá Fréttablaðinu og visir.is spurði Jónatan Magnússon hvort Akureyri hefði ekki átt að klára leikinn eftir magnaðan fyrri hálfleik? „Sex mörk er fínt í hálfleik. Maður gerir sér ekki alltaf grein fyrir því hvernig andstæðingurinn er að verja. Við skoruðum 18 mörk og vorum að spila fína vörn á meðan. Það var sex marka munur á hálfleikjunum, það var bara þannig. Við vissum að þeir myndu ekki verja svona lítið í seinni hálfleiknum. Þeirra möguleiki var á síðastu 10 mínútunum í seinni hálfleik og eftir þrjár mínútur var tveggja marka munur. Úr því sem komið var er ég ánægður með sigurinn og liðsheildina. Við erum að fá mörk úr öllum stöðum og Flóki var frábær. Baráttan var frábær og það var sætt að vinna þetta. Mér fannst holningin á liðinu vera þannig að þetta var okkar leikur. Þetta var aldrei neitt hrun og okkur leið vel. Þeir áttu fínan kafla en ekki meira en það.“ Líturðu á þetta sem hefnd gegn FH eftir þrjú töp á tímabilinu fyrir þennan leik? „Það hefði verið ferlegt að tapa fjórða leiknum, og mæta þeim svo hugsanlega kannski í úrslitakeppninni. En greddan var okkar, okkur langaði hrikalega í þessi stig. Áhorfendur voru líka frábærir, það er gaman að fólki sé boðið og það er gaman að vinna stóru leikina, sem hefur ekki alltaf tekist hjá okkur. En núna brotnuðum við ekki og það var frábært fyrir framhaldið. Svo fáum við fullt hús næst líka,“ sagði fyrirliðinn Jónatan glaðbeittur, en hann skartar glæsilegri mottu þessa dagana í tilefni af Mottumars. Hjalti spurði Rúnar Sigtryggsson, þjálfara Akureyrar hvort liðið hefði kannski átt að vera meira en sex mörkum yfir í fyrri hálfleik eftir slaka markvörslu FH-inga? „Já mér fannst það. Við fengum nokkur ódýr mörk á okkur í fyrri hálfleik, en svona er þetta í handboltanum, það er ekki alltaf allt sem gengur upp. Heilt yfir var þetta gott. Í byrjun seinni hálfleiks vorum við værukærir en allt sem við töluðum um að gera, gerðum við ekki. Þessar tíu mínútur skipta alltaf svo miklu máli þegar maður er svona langt yfir, og þær gerðu það líka í kvöld. Við ætluðum ekkert að hafa fyrir mörkunum og ég gruna að menn hafi verið farnir að horfa á klukkuna. En svo er gaman að við byrjuðum aftur að spila handbolta eftir að þeir jafna leikinn.“ FH komst aldrei yfir þrátt fyrir að fá nokkur tækifæri til þess. Skipti það sköpum fyrir sálfræðilegu hliðina? „Mér fannst þeir ná þessum sálfræðihluta til sín eftir tíu mínútur. Þetta var mjög gott hjá þeim en slakt hjá okkur.“ Þú tókst leikhlé strax eftir fimm mínútur. „Já það sáu allir í húsinu í hvað stefndi. Þeir þurftu að jafna og við þurftum að vera á bjargbrúninni til að landa þessu.“ Er liðið ekki að þroskast mikið? Liðið er klárlega betra en það var fyrir áramót, og einhverntíman hefði maður séð liðið brotna eftir svona góðan kafla hjá andstæðingunum? „Já liðið er klárlega betra núna. Við erum að æfa vel og mikið. Sem betur fer erum við að þróa okkur. Við höfum breyst á einu ári frá hægu liði í hratt lið. Ég er ánægður með þessa þróun, sem er gífurlega mikil. Ég á upptökur af nokkrum leikjum frá því fyrir fimm mánuðum og það er gífurlegur munur að sjá marga leikmenn“ sagði Rúnar að lokum. Hjalti ræddi einnig við Einar Andra Einarsson þjálfara FH um hvað fór úrskeiðis hjá hans mönnum. Byrjum á markvörslunni í fyrri hálfleik, tvö skot sem gerði ykkur strax erfitt fyrir. „Ég ætla ekki að setja þetta allt á markmennina. Akureyringar fengu að komast inn fyrir óáreittir og skjóta að vild. Ég vil frekar skrifa þetta á mjög slakan varnarleik. Það sást í seinni hálfleik að þegar við fórum að spila vörn kom markvarslan með. Við höfum verið með eina bestu markvörsluna í vetur og þetta var bara varnarleikurinn sem var slakur.“ Hvað sagðirðu við þína menn í hálfleik? Þeir jafna leikinn á einum átta mínútum. „Þeir sáu sjálfir bara um að peppa sig upp. Þeir voru mjög ósáttir við sinn leik. Við vorum ekki að spila nálægt okkar getu. Við ákváðum að fara að byrja þetta og við sýndum góðan karkater með að jafna.“ Það vantaði herslumuninn að þið jafnið. Flóki ver hraðaupphlaup hjá Bjarna og svo gott skot og það var eins og það vantaði sárlega fyrir ykkur að stíga það skref. „Við fengum þrjú eða fjögur færi til að komast yfir. Það hefði kannski gert gæfumuninn. Akureyringar voru samt bara beittari. Þeir ætluðu sér þetta. Við höfum unnið þá þrisvar á tímabilinu og maður sá það bara frá fyrstu mínútu að þeir voru klárir í þetta“ , voru lokaorð Einars um málið. Andri Yrkill blaðamaður Morgunblaðsins ræddi við Heimi Örn Árnason eftir leikinn en Heimir er að vonum bjartsýnn fyrir lokasprett Íslandsmótsins: „Mér finnst við vera mikið sterkari en á fyrri hluta tímabilsins. Það eru fleiri menn að koma sterkir til leiks og ekki skemmir það að ég og Árni Þór erum farnir að drífa á markið. Við erum mjög bjartsýnir, sjálfstraustið er í fínu lagi og við erum í mjög góðum málum fyrir framhaldið,“ sagði Heimir. Þá ræddi Andri Yrkill við Bjarna Fritzson sem var langmarkahæstsur FH inga með 12 mörk. Bjarni var að vonum mjög pirraður á leik liðsins í fyrri hálfleik. „Fyrri hálfleikur var algjör skömm af okkar hálfu og það er alveg óþolandi að menn geti ekki spilað almennilega í sextíu mínútur heldur bara smá brot af leiknum. En ég vil minnast á það að dómararnir eiga mikið hrós skilið, þetta var ein besta dómgæsla sem ég hef orðið vitni af og ég man ekki eftir neinu vafaatriði hjá þeim,“ sagði Bjarni en Anton Pálsson og Hlynur Leifsson önnuðust dómgæsluna.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson